ﮐﺮﺍﭼﯽ ﺳﺮﮐﻠﺮ ﺭﯾﻠﻮﮮ: 20 ﺩﻥ ﻣﯿﮟ ﺍﺧﺮﺍﺟﺎﺕ 1 ﮐﺮﻭﮌ، ﺍٓﻣﺪﻥ 4 ﻻﮐﮫ، مراد علی شاہ نے توہین عدالت کیس میں جواب داخل کرا دیا

نیوز ڈیسک

سپریم کورٹ کے احکامات پر عمل کرتے ہوئے کراچی میں ﮔﺬﺷﺘﮧ ﻣﺎﮦ ﺳﮯ ﺩﻭﺑﺎﺭﮦ چلائی گئی  ﺳﺮﮐﻠﺮ ﭨﺮﯾﻦ ﻣﺤﮑﻤﮧٔ ﺭﯾﻠﻮﮮ ﮐﮯ ﻟﯿﮯ ﺳﻔﯿﺪ ﮨﺎﺗﮭﯽ ثابت ہوئی ہے

تفصیلات کے مطابق ﺭﯾﻠﻮﮮ ﮐﮯ ﺫﺭﺍﺋﻊ کا کہنا ہے کہ ﺳﺮﮐﻠﺮ ﺭﯾﻠﻮﮮ ﮐﯽ ﻣﺪ ﻣﯿﮟ ﮔﺬﺷﺘﮧ بیس ﺩﻧﻮﮞ ﻣﯿﮟ ایک ﮐﺮﻭﮌ ﺭﻭﭘﮯ ﮐﮯ ﺍﺧﺮﺍﺟﺎﺕ ﮨﻮﺋﮯ ﮨﯿﮟ، ﺟﺒﮑﮧ ﺍﺱ ﺳﮯ ہونے والی ﺍٓﻣﺪﻥ چار ﻻﮐﮫ ﺭﻭﭘﮯ رہی

ﺭﯾﻠﻮﮮ ﺫﺭﺍﺋﻊ کے مطابق 20 ﻧﻮﻣﺒﺮ سے 10 ﺩﺳﻤﺒﺮ ﺭﯾﻠﻮﮮ ﮐﮯ ﯾﻮﻣﯿﮧ پانچ ﻻﮐﮫ ﺭﻭﭘﮯ ﺳﮯ ﺯﺍﺋﺪ ﺧﺮﭺ ﮨﻮ ﺭﮨﮯ ﮨﯿﮟ

ﺩﺳﺘﺎﻭﯾﺰﺍﺕ ﮐﮯ ﻣﻄﺎﺑﻖ ﺳﭩﯽ ﺍﺳﭩﯿﺸﻦ ﺳﮯ ﺻﺒﺢ ﭼﻠﻨﮯ ﻭﺍﻟﯽ ﺳﺮﮐﻠﺮ ﭨﺮﯾﻦ ﻣﯿﮟ ﺻﺮﻑ 30 ﺳﮯ 50 ﻣﺴﺎﻓﺮ ﺳﻔﺮ ﮐﺮﺗﮯ ﮨﯿﮟ، ﺟﺒﮑﮧ ﺩﮬﺎﺑﯿﺠﯽ ﺗﺎ ﺳﭩﯽ ﺍﺳﭩﯿﺸﻦ ﭨﺮﯾﻦ ﻣﯿﮟ 80 ﺳﮯ 150 ﻣﺴﺎﻓﺮ ﺳﻔﺮ ﮐﺮﺗﮯ ﮨﯿﮟ

10 ﺩﺳﻤﺒﺮ ﮐﻮ ﺻﺒﺢ ﺳﭩﯽ ﺍﺳﭩﯿﺸﻦ ﺗﺎ ﺩﮬﺎﺑﯿﺠﯽ ﺳﺮﮐﻠﺮ ﭨﺮﯾﻦ ﻣﯿﮟ ﺻﺮﻑ 55 ﻣﺴﺎﻓﺮ ﺳﻮﺍﺭ ﺗﮭﮯ، ﺟﻤﻌﺮﺍﺕ ﮐﻮ ﺩﮬﺎﺑﺠﯽ ﺗﺎ ﺳﭩﯽ ﺍﺳﭩﯿﺸﻦ 110 ﻣﺴﺎﻓﺮﻭﮞ ﻧﮯ ﺳﻔﺮ ﮐﯿﺎ، ﺟﺲ ﮐﯽ 3300 ﺭﻭﭘﮯ ﺍٓﻣﺪﻧﯽ ﮨﻮﺋﯽ

ﺭﯾﻠﻮﮮ ﺣﮑﺎﻡ ﮐﮯ ﻣﻄﺎﺑﻖ ﮐﺮﺍﭼﯽ ﺳﺮﮐﻠﺮ ﭨﺮﯾﻦ ﻣﯿﮟ ﺑﯿﮏ ﻭﻗﺖ 500 ﻣﺴﺎﻓﺮ ﺳﻔﺮ ﮐﺮ ﺳﮑﺘﮯ ﮨﯿﮟ۔

ﺫﺭﺍﺋﻊ ﻧﮯ ﻣﺰﯾﺪ ﺑﺘﺎﯾﺎ ﮐﮧ ﺳﺮﮐﻠﺮ ﺭﯾﻠﻮﮮ ﻣﯿﮟ ﭼﻠﻨﮯ ﻭﺍﻟﮯ ﺍﻧﺠﻦ، ﮈﯾﺰﻝ، ﭘﺎﻭﺭ ﻭﯾﻦ ﮐﺎ ﯾﻮﻣﯿﮧ ﺧﺮﭼﮧ ﮈﮬﺎﺋﯽ ﻻﮐﮫ ﺭﻭﭘﮯ ﮨﮯ

ﻣﺤﮑﻤﮧٔ ﺭﯾﻠﻮﮮ ﮐﮯ ﺫﺭﺍﺋﻊ ﮐﺎ ﯾﮧ ﺑﮭﯽ ﮐﮩﻨﺎ ﮨﮯ ﮐﮧ ﺳﺮ ﮐﻠﺮ ﭨﺮﯾﻦ ﮐﺎ ﻣﺮﻣﺖ ﮐﺎ ﯾﻮﻣﯿﮧ ﺧﺮﭼﮧ 2 ﻻﮐﮫ ﺭﻭﭘﮯ ﺳﮯ ﺯﺍﺋﺪ ﮨﮯ

دوسری جانب ﮐﺮﺍﭼﯽ ﺳﺮکلر ﺭﯾﻠﻮﮮ ﺳﮯ ﻣﺘﻌﻠﻖ ﻣﻘﺪﻣﮧ ﻣﯿﮟ ﻭﺯﯾﺮﺍﻋﻠﯽٰ ﺳﻨﺪﮪ ﻧﮯ ﺳﭙﺮﯾﻢ ﮐﻮﺭﭦ ﻣﯿﮟ جواب ﺟﻤﻊ ﮐﺮﻭﺍ ﺩﯾﺎ ﮨﮯ ،ﺟﻤﻌﮧ ﮐﮯ ﺭﻭﺯ ﻣﺮﺍﺩ ﻋﻠﯽ ﺷﺎﮦ ﮐﯽ ﺟﺎﻧﺐ ﺳﮯ ﺍﯾﮏ ﻧﺌﯽ ﻣﺘﻔﺮﻕ ﺩﺭﺧﻮﺍﺳﺖ ﮐﮯ ﺫﺭﯾﻌﮯ ﺟﻤﻊ ﮐﺮﻭﺍﺋﮯ ﮔﺌﮯ ﺟﻮﺍﺏ ﻣﯿﮟ ﻣﻮﻗﻒ ﺍﺧﺘﯿﺎﺭ ﮐﯿﺎ ﮔﯿﺎ ﮨﮯ ﮐﮧ ﮐﺮﺍﭼﯽ ﺳﺮﮐﻮﻟﺮ ﺭﯾﻠﻮﮮ ﮐﯽ ﻓﺰﯾﺒﻠﭩﯽ ﺭﭘﻮﺭﭦ ﺗﯿﻦ ﻣﺎﮦ ﻣﯿﮟ ﺑﻨﯽ ﮨﮯ

عدالت میں جمع کرائے گئے جواب میں سید مراد علی شاہ نے موقف اختیار کیا ہے کہ ﻭﻓﺎﻗﯽ ﺣﮑﻮﻣﺖ ﮐﯽ ﺳﺴﺘﯽ ﮐﮯ ﺑﺎﻭﺟﻮﺩ ﺻﻮﺑﺎﺋﯽ ﺣﮑﻮﻣﺖ ﻧﮯ ﻣﻨﺼﻮﺑﮯ ﭘﺮ ﺗﯿﺰﯼ ﺳﮯ ﮐﺎﻡ ﮐﯿﺎ، ﻭﻓﺎﻗﯽ ﺣﮑﻮﻣﺖ ﻧﮯ 2017 ﻣﯿﮟ ﺳﺮکلر ﺭﯾﻠﻮﮮ ﻣﯿﮟ ﺩﻟﭽﺴﭙﯽ ﻟﯿﻨﺎ ﭼﮭﻮﮌ ﺩﯼ ﺗﮭﯽ

سید مراد علی شاہ نے جواب میں کہا ہے کہ ﻣﺤﮑﻤﮧٔ ﭨﺮﺍﻧﺴﭙﻮﺭﭦ ﻧﮯ 14 ﻧﻮﻣﺒﺮ ﮐﻮ ﺳﻤﺮﯼ ﮐﺎﺑﯿﻨﮧ ﻣﯿﮟ ﭘﯿﺶ ﮐﯽ ﺗﮭﯽ، ﻣﯿﮟ ﺍن دنوں ﻣﯿﮟ ﮐﻮﺭﻭﻧﺎ ﮐﺎ ﺷﮑﺎﺭ ﺗﮭﺎ ، اس لیے ﮐﺎﺑﯿﻨﮧ ﮐﯽ ﻣﯿﭩﻨﮓ ﻣﻠﺘﻮﯼ ﮐﯽ ﮔﺌﯽ ﺟﺲ ﮐﮯ ﺑﻌﺪ ﺍﯾﻒ ﮈﺑﻠﯿﻮ ﺍﻭ ﮐﻮ ﺍﯾﮏ ﮐﺮﻭﮌ ﺭﻭﭘﮯ ﺟﺎﺭﯼ ﮐﺮﻧﮯ ﮐﯽ ﻣﻨﻈﻮﺭﯼ ﺩﯼ ﮔﺌﯽ

ان کے مطابق 9 ﺩﺳﻤﺒﺮ ﮐﻮ ﺍﯾﻒ ﮈﺑﻠﯿﻮ ﺍﻭ ﮐﻮ ﺑﻘﺎﯾﺎ 15 ﮐﺮﻭﮌ ﺑﮭﯽ ﺟﺎﺭﯼ ﮐﺮﻧﮯ ﮐﯽ ﻣﻨﻈﻮﺭﯼ ﺩﯼ ﺟﺎ ﭼﮑﯽ ﮨﮯ ، ﮐﺮﺍﭼﯽ ﮐﻮ ﺟﺪﯾﺪ ﻣﺎﺱ ﭨﺮﺍﻧﺰﭦ ﻧﻈﺎﻡ ﮐﯽ ﺿﺮﻭﺭﺕ ﮨﮯ، ﺳﺮکلر ﺭﯾﻠﻮﮮ ﮐﻮ ﺍﯾﺴﮯ ﺑﺤﺎﻝ ﮐﯿﺎ ﺟﺎﺋﮯ ﮔﺎ ﮐﮧ ﺟﺪﯾﺪ ﻣﺎﺱ ﭨﺮﺍﻧﺰﭦ ﻧﻈﺎﻡ ﻣﺘﺎﺛﺮ ﻧﮧ ﮨﻮ۔
ﺍﮔﺮ ﻋﺪﺍﻟﺖ ﻋﻈﻤﯽ ٰ ﺣﮑﻢ ﺟﺎﺭﯼ ﮐﺮﮮ ﺗﻮ ﺻﻮﺑﺎﺋﯽ ﺣﮑﻮﻣﺖ ﺟﺪﯾﺪ ﺳﺮکلر ﺭﯾﻠﻮﮮ کے لیے ﺗﯿﻦ ﺍﺭﺏ ﺭﻭﭘﮯ ﺩﯾﻨﮯ ﮐﻮ ﺑﮭﯽ ﺗﯿﺎﺭ ﮨﮯ

اپنے جواب میں ﻭﺯﯾﺮﺍﻋﻠﯽٰ سندھ سید مراد علی شاہ ﻧﮯ ﻋﺪﺍﻟﺖ ﺳﮯ ﺗﻮﮨﯿﻦ ﻋﺪﺍﻟﺖ ﮐﺎ ﻧﻮﭨﺲ ﻭﺍﭘﺲ ﻟﯿﻨﮯ ﮐﯽ ﺍﺳﺘﺪﻋﺎ ﮐﯽ ﮨﮯ

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close
Close