واشنگٹن : پینٹاگون کے انسپکٹر جنرل لیفٹیننٹ جنرل سیمی سیڈ نے کہا ہے کہ ڈرون حملے میں دس شہریوں کی ہلاکت غلطی تھی، تاہم یہ جنگی قوانین کی خلاف ورزی نہیں
تفصیلات کے مطابق پینٹاگون کی تحقیقات میں کہا گیا ہے کہ 29 اگست کو افغانستان کے دارالحکومت کابل میں ڈرون حملے میں دس شہریوں کی ہلاکت ”افسوسناک غلطی“ تھی
امریکی انسپکٹر جنرل لیفٹیننٹ جنرل سیمی سیڈ کا کہنا ہے کہ ڈرون حملے سے متعلق تحقیقات میں قانون یا جنگی قوانین کی خلاف ورزی نہیں پائی گئی
واضح رہے کہ رواں برس 29 اگست کو کابل میں ہونے والے امریکی ڈرون حملے میں سات کمسن بچوں سمیت دس افراد جان سے گئے تھے۔ جس کے بعد امریکی صدر نے فخر اور مسرت کے ساتھ بدلہ چکانے کا بیان بھی دیا تھا.
