اینڈرائڈ فونز میں اسٹوریج ختم ہونے کا مسئلہ ماضی کا قصہ بننے کے قریب

کراچی – اسمارٹ فونز میں اسٹوریج ختم ہونے پر لوگوں کو مزید اسپیس کے لیے ایپس کو اَن انسٹال کرنا پڑتا ہے

ویسے تو فونز میں اسٹوریج بڑھانے کے آپشن کے باعث یہ زیادہ مسئلہ نہیں رہا مگر ہر ایک کے فون کی اسٹوریج کو اپ گریڈ کرنے کے قابل نہیں ہوتا

لیکن اب گوگل نے اس مسئلے کو ماضی کا قصہ بنانے کا فیصلہ کرلیا ہے

گوگل نے اینڈرائڈ فونز کے لیے ایک نئے فیچر کا اعلان کیا ہے، جو کچھ ایپس کی اسٹوریج کو زیادہ سے زیادہ 60 فیصد تک کم کرسکتا ہے

اس فیچر کو ایپ آرکائیونگ کا نام دیا گیا ہے اور یہ اینڈرائڈ صارفین کے لیے رواں سال کسی وقت دستیاب ہوگا

یعنی کسی ایپ کو مکمل اَن-انسٹال کرنے کی بجائے یہ فیچر اس کے کچھ حصوں کو عارضی طور پر ریموو کردے گا اور ایک نئی قسم کا اینڈرائڈ پیکج بن جائے گا جسے ”آرکائیوڈ اے پی کے“ کا نام دیا جائے گا

یہ پیکج ڈیٹا کو اس وقت تک کے لیے محفوظ کردے گا، جب تک آپ ایپ کو مکمل طور پر ری-اسٹور نہ کردے

کمپنی کا کہنا ہے کہ ایک بار لانچ ہونے کے بعد یہ فیچر صارفین اور ڈویلپرز دونوں کے لیے بہت زیادہ مفید ثابت ہوسکے گا

کمپنی کے مطابق ایپ کو فون سے نکال باہر کرنے کی بجائے صارفین اسے آرکائیو میں ڈال کر عارضی طور پر اسپیس کو بڑھا سکیں گے

صرف یہی نہیں، بلکہ ایپ کو دوبارہ ری ایکٹیو کرنا بھی آسان اور تیز رفتاری سے ممکن ہوگا

اسی طرح ڈویلپرز کو بھی کم اَن-انسٹالز سے فائدہ ہوگا

یہ فیچر سب سے پہلے ڈویلپرز کو ہی دستیاب ہوگا، جس کے بعد عام صارفین کے لیے متعارف کرایا جائے گا.