ﮐﻮﺭﻭﻧﺎ ﺭﭘﻮﺭﭦ ﺁﻧﮯ ﭘﺮ ﮈﺍﮐﭩﺮوں ﻧﮯ بیس ﺳﺎﻟﮧ ﻣﺮﯾﻀﮧ ﮐﺎ ﺁﭘﺮﯾﺸﻦ ﺍﺩﮬﻮﺭﺍ ﭼﮭﻮﮌ ﺩﯾﺎ

ﮈﺍﺅ ﺍﻭﺟﮭﺎ ﮐﯿﻤﭙﺲ ﻣﯿﮟ ﺁﭘﺮﯾﺸﻦ ﮐﮯ ﺩﻭﺭﺍﻥ مریضہ کی ﮐﻮﺭﻭﻧﺎ ﺭﭘﻮﺭﭦ مثبت ﺁﻧﮯ ﭘﺮ ﮈﺍﮐﭩﺮ ﺁﭘﺮﯾﺸﻦ ﺍﺩﮬﻮﺭﺍ ﭼﮭﻮﮌ کر چلے گئے

ﺗﻔﺼﯿﻼﺕ ﮐﮯ ﻣﻄﺎﺑﻖ ﮈﺍﺅ ﺍﺳﭙﺘﺎﻝ ﺍﻭﺟﮭﺎ ﮐﯿﻤﭙﺲ ﮐﮯ ﭼﯿﺴﭧ ﮈﭘﺎﺭﭨﻤﻨﭧ ﻣﯿﮟ ﻋﻼﺝ کی غرض سے لائی گئی ﻣﺮﯾﻀﮧ ﮐﺎ ﮐﻮﺭﻭﻧﺎ ﭨﯿﺴﭧ ﻣﺜﺒﺖ ﺁﻧﮯ ﭘﺮ ﺁﭘﺮﯾﺸﻦ ﺭﻭﮎ ﺩﯾﺎ ﮔﯿﺎ ﺍﻭﺭ اسے دوبارہ ﻭﺍﺭﮈ ﻣﻨﺘﻘﻞ ﮐﺮ ﺩﯾﺎ ﮔﯿﺎ، ﺟﺲ ﭘﺮ ﺷﮩﺮﯼ ﻧﮯ ﻭﯾﮉﯾﻮ ﺑﻨﺎ ﮐﺮ ﺳﻮﺷﻞ ﻣﯿﮉﯾﺎ ﭘﺮ ﻭﺍﺋﺮﻝ ﮐﺮ ﺩﯼ

ﻭڈیو ﻣﯿﮟ دیکھا جا سکتا ہے کہ ﻣﺮﯾﻀﮧ ﺍﻭﺭ ﺍﺱ ﮐﮯ ﺍﮨﻠﺨﺎﻧﮧ ﺑﮭﯽ ﻣﻮﺟﻮﺩ ﮨﯿﮟ۔ ﺷﮩﺮﯼ ﻧﮯ ﻭڈیو ﺑﻨﺎﺗﮯ ﮨﻮﺋﮯ ﺑﺘﺎﯾﺎ ﮐﮧ ﮈﺍﺅ ﻣﯿﮉﯾﮑﻞ ﮐﯿﻤﭙﺲ ﮐﮯ ﭼﯿﺴﭧ ﮈﭘﺎﺭﭨﻤﻨﭧ ﻣﯿﮟ ﺯﯾﺮ ﻋﻼﺝ بیس ﺳﺎﻟﮧ ﻣﺪﯾﺤﮧ ﮐﺎ ﺁﭘﺮﯾﺸﻦ ﺍﺩﮬﻮﺭﺍ ﭼﮭﻮﮌ ﺩﯾﺎ ﮔﯿﺎ ہے۔ ﻣﺮﯾﻀﮧ ﮐﻮ 23 ﻧﻮﻣﺒﺮ ﮐﻮ ﺍﺳﭙﺘﺎﻝ ﻣﯿﮟ ﺩﺍﺧﻞ ﮐﯿﺎ ﮔﯿﺎ، 26 ﻧﻮﻣﺒﺮ ﮐﻮ ﺁﭘﺮﯾﺸﻦ ﮐﯽ ﺗﺎﺭﯾﺦ ﺩﯼ ﮔﺌﯽ، جب کہ 24 ﮐﻮ ﮐﻮﺭﻭﻧﺎ ﭨﯿﺴﭧ ﮨﻮﺍ ﺗﮭﺎ ،ﮐﻮﺭﻭﻧﺎ ﮐﯽ ﮐﻮﺋﯽ ﻋﻼﻣﺎﺕ ﻧﮩﯿﮟ ﺗﮭﯿﮟ، اور ﻧﮧ ﮨﯽ ﺧﺎﻧﺪﺍﻥ ﻣﯿﮟ ﮐﺴﯽ ﺍﻭﺭ ﮐﻮ ﮐﻮﺭﻭﻧﺎ ﺗﮭﺎ
‏
26 ﻧﻮﻣﺒﺮ ﮐﻮ ﺁﭘﺮﯾﺸﻦ ﮐﮯ ﻟﯿﮯ ﺍﻭ ﭨﯽ ﻣﯿﮟ ﮔﺌﮯ، انہیں ﺍﯾﻨﺴﺘﮭﯿﺴﯿﺎ ﺩﯾﺎ ﮔﯿﺎ ﺍﻭﺭ ﺁﭘﺮﯾﺸﻦ ﺷﺮﻭﻉ ﮐﺮ ﺩﯾﺎ ﮔﯿﺎ ﺟﺐ ﮐﮧ ﮐﭧ ﺑﮭﯽ ﻟﮕﺎ ﺩﯼ ﮔﺌﯽ

ﺁﭘﺮﯾﺸﻦ ﮐﮯ ﺩﻭﺭﺍﻥ ﮐﻮﺭﻭﻧﺎ ﺭﭘﻮﺭﭦ ﺁﺋﯽ، ﺟﻮ ﮐﮧ ﻣﺜﺒﺖ ﺗﮭﯽ۔ ﺭﭘﻮﺭﭦ ﻣﺜﺒﺖ ﺁﻧﮯ ﮐﮯ ﺑﻌﺪ ﺳﺮﺟﻦ ﻧﮯ ﺁﭘﺮﯾﺸﻦ ﺍﺩﮬﻮﺭﺍ ﺭﻭﮎ ﮐﺮ ﻭﺍﭘﺲ ﭨﺎنکے ﻟﮕﺎ ﺩیے

ﺷﮩﺮﯼ ﻧﮯ ﺍﭘﯿﻞ ﮐﯽ ﮐﮧ ﻭﺯﯾﺮﺍﻋﻠﯽٰ ﺳﻨﺪﮪ ﻣﻌﺎﻣﻠﮯ ﮐﺎ ﻧﻮﭨﺲ ﻟﯿﮟ ، ﺑﭽﯽ ﮐﯽ ﺟﺎﻥ ﺑﭽﺎﺋﯽ ﺟﺎﺋﮯ ﮐﯿﻮﻧﮑﮧ ﺍﺱ ﮐﯽ ﺣﺎﻟﺖ ﺗﺸﻮﯾﺸﻨﺎﮎ ﮨﮯ

دوسری جانب ﺍﺳﭙﺘﺎﻝ ﺍﻧﺘﻈﺎﻣﯿﮧ ﻧﮯ ﺍﺱ ﻣﻌﺎﻣﻠﮯ ﭘﺮ ﻣﻮﻗﻒ ﺩﯾﺘﮯ ﮨﻮﺋﮯ ﮐﮩﺎ ﮐﮧ ﻣﺮﯾﻀﮧ ﮐﻮ ﺗﮭﯿﭩﺮ ﻣﯿﮟ ﻻﯾﺎ ﮔﯿﺎ ﺗﻮ ﮐﻮﺭﻭﻧﺎ ﺭﭘﻮﺭﭦ ﻧﮩﯿﮟ ﺁﺋﯽ ﺗﮭﯽ، ﺟﯿﺴﮯ ﮨﯽ ﺁﭘﺮﯾﺸﻦ ﮐﮯ ﻟﯿﮯ ﮐﭧ ﻟﮕﺎﯾﺎ، ﺗﻮ ﺍﺳﯽ ﺩﻭﺭﺍﻥ ﺭﭘﻮﺭﭦ ﻣﻮﺻﻮﻝ ﮨﻮﺋﯽ ﺟﺲ ﭘﺮ ﻣﺜﺒﺖ ﻟﮑﮭﺎ ﺗﮭﺎ، ﮐﻮﺭﻭﻧﺎ ﺭﭘﻮﺭﭦ ﻣﺜﺒﺖ ﺁﻧﮯ ﭘﺮ ﺁﭘﺮﯾﺸﻦ ﻣﻠﺘﻮﯼ ﮐﺮ ﺩﯾﺎ ﮔﯿﺎ

ﺍنتظامیہ کے مطابق  ﻣﺪﯾﺤﮧ ﮐﮯ ﭘﮭﯿﭙﮭﮍﻭﮞ ﮐﺎ ﺁﭘﺮﯾﺸﻦ ﮨﻮﻧﺎ ﺗﮭﺎ، ﭼﻮﻧﮑﮧ ﮐﻮﺭﻭﻧﺎ ﮐﮯ ﺍﺛﺮﺍﺕ ﭘﮭﯿﭙﮍﻭﮞ ﭘﺮ ﮨﻮﺗﮯ ہیں ﺍﺱ لیے ﺁﭘﺮﯾﺸﻦ ﮐﺮﻧﺎ ﺧﻄﺮﻧﺎﮎ ﺗﮭﺎ، جو ﺟﺎﻥ ﻟﯿﻮﺍ بھی ﺛﺎﺑﺖ ﮨﻮ ﺳﮑﺘﺎ ﺗﮭﺎ، ﺍﺱ ﻟﯿﮯ ﮐﮭﺎﻝ ﻣﯿﮟ ﻟﮕﺎﺋﮯ ﮔﺌﮯ ﮐﭧ ﮐﻮ ﻓﻮﺭﯼ ﺑﻨﺪ ﮐﺮ ﺩﯾﺎ ﮔﯿﺎ

اسپتال انتظامیہ کے بقول ﻣﺮﯾﻀﮧ ﮐﯽ ﻧﻮﻋﯿﺖ ﺍﯾﺴﯽ ﮨﮯ ﮐﮧ ﺑﻌﺪ ﻣﯿﮟ ﺑﮭﯽ ﺁﭘﺮﯾﺸﻦ ﮐﯿﺎ ﺟﺎ ﺳﮑﺘﺎ ﮨﮯ، ﭼﺎﺭ ﺳﮯ ﭼﮫ ﮨﻔﺘﮯ ﺑﻌﺪ ﺩﻭﺑﺎﺭﮦ ﻣﻌﺎﺋﻨﮧ ﮐﺮ ﮐﮯ ﺁﭘﺮﯾﺸﻦ ﮐﯿﺎ ﺟﺎﺋﮯ ﮔﺎ