واٹس ایپ کا ایسا فنکشن، جس کے ذریعے آپ خود کو پیغام بھیج سکتے ہیں

کیا آپ نے کبھی ایک ایسے واٹس گروپ کو اپنے آپ کو نوٹس بیجھنے کے لیے استعمال کیا ہے، جو آپ چھوڑ چکے تھے؟

واٹس ایپ نے آپ کی بات سن لی ہے اور ایک ایسا فیچر متعارف کروایا ہے، جس کے ذریعے آپ خود کو پیغامات بھیج سکتے ہیں اور ایپ میں ہی ایک نوٹس فائل رکھ سکتے ہیں

بزنس گروپ میٹا میں فیسبک اور انسٹاگرام کے علاوہ واٹس بھی شامل ہے۔ واٹس ایپ کا کہنا ہے ’اپنے آپ کو پیغام بھیجنا عام بات چیت کرنے جیسا ہی ہو گا۔‘

تاہم آپ آڈیو اور وڈیو کالز نہیں کر سکیں گے، نوٹیفیکیشن سائلینٹ نہیں کر سکیں گے، بلاک یا رپورٹ نہیں کر سکیں گے یا اپنا آن لائن اسٹیٹس نہیں دیکھ سکیں گے۔‘

استعمال کا طریقہ

اگر آپ کے پاس واٹس ایپ کی اپ ڈیٹ شدہ ایپلیکیشن موجود ہے تو آپ کو صرف اپنے نمبر پر واٹس ایپ میسج بھیجنا ہوگا۔ آپ ایسا اپنے کانٹیکٹس کی فہرست میں اپنے نمبر کا انتخاب کرتے ہوئے کر سکتے ہیں یا پھر اپنا نمبر ایپ میں محفوظ کرنے کے بعد کر سکتے ہیں

میٹا نے اس حوالے سے تفصیل بتاتے ہوئے کہا ہے کہ صارفین دوسروں سے کی گئی گفتگو کو اس چیٹ میں شیئر کر سکیں گے اور آپ کے فون اور دونوں سرورز پر انکرپٹڈ ہی رہے گی

کچھ لوگوں کو یہ مسئلہ بھی درپیش ہو سکتا ہے کہ وہ اپنے ساتھ کی گئی چیٹ تک آسانی سے رسائی کیسے حاصل کر سکتے ہیں

اس کے لیے آپ ایک ایسا فیچر استعمال کر سکتے ہیں، جو آپ کے فون میں تو موجود ہے، لیکن آپ کو اس کے بارے میں علم نہیں ہے

اگر آپ کے پاس ایک اینڈراؤڈ فون ہے تو اپنے ساتھ ہونے والی چیٹ کو دیر تک پریس کریں تو ’پن چیٹ‘ کا آپشن نمودار ہوگا

اگر آپ ایک آئی فون صارف ہیں تو چیٹ کو رائٹ سوائپ کریں گے تو آپ کو وہی آپشن نظر آئے گا

اس آپشن کے ذریعے آپ تین کے قریب چیٹس کو فہرست میں اوپر رکھ سکتے ہیں تاکہ آپ کو انہیں دوبارہ ڈھونڈنا نہ پڑے۔