ایک سینئر اسرائیلی ماہر نے خبردار کیا ہے کہ آنے والے مہینوں میں اس خطے میں بڑا زلزلہ آنے کا امکان ہے. اسرائیلی ماہر نے حکومت اور مقامی حکام کی جانب سے آنے والے مہینوں میں اس خطے میں آنے والے بڑے زلزلے کے لیے تیاری کرنے میں ناکامی پر خبردار بھی کیا ہے
اسرائیلی ماہر کے بقول، یہ زلزلہ اس قدر شدید اور ہولناک ہوسکتا ہے کہ اس سے اسرائیل میں 93 فیصد عمارتیں منہدم ہو سکتی ہیں
اسرائیل کے اسٹیٹ کنٹرولر ’میتن یاہو اینجل مین‘ نے رپورٹ میں وضاحت کی ہے کہ گزشتہ انتباہات کے باوجود وزارتِ تعمیرات و ہاؤسنگ نے 1124 عمارتوں کا استحکام مکمل نہیں کیا۔ ان عمارتوں کے تحفظ کے لیے ایسے شہروں میں فوری مداخلت کی ضرورت ہے، جہاں زلزلے سے سب سے زیادہ نقصان کا خطرہ ہے
یہ اعداد و شمار اسرائیل میں 93 فیصد عمارتوں کی نمائندگی کرتا ہے، ماضی میں جن کے گرنے کا امکان ظاہر کیا گیا تھا
اسرائیلی ماہر نے نشاندہی کی کہ اسرائیل شامی افریقی حصے کے قریب واقع ہے اور اس وجہ سے ہر سال یہاں بڑے زلزلے کا خطرہ بڑھ جاتا ہے
’میتن یاہو اینجل مین‘ نے مزید کہا کہ اس بات کا قوی امکان ہے کہ جنوبی لبنان اور جنوبی بحیرہ مردار کے درمیانی علاقے میں اگلے پچاس سالوں کے دوران شدید زلزلہ آئے گا۔ انہوں نے حکومت سے تیزی سے کام کرنے کا مطالبہ بھی کیا
انہوں نے کہا ”دور دراز کے شہروں میں عمارتوں اور بنیادی ڈھانچے کو مضبوط بنانے کے لیے بڑا بجٹ درکار ہے۔ اس صورتحال میں ضروری ہے کہ تمام پیشہ ور جماعتوں سے کام کا عزم لیا جائے اور وسائل کو مناسب طریقے سے تقسیم کرنے کی پالیسی بنائی جائے
اینجل مین نے مزید کہا کہ حکومت نے ابھی تک تقریباً 70 فی صد اسکولوں کو مضبوط نہیں کیا ہے، جنہیں بنیادی ڈھانچے میں بہتری کی ضرورت ہے۔ رپورٹ کے مطابق سب سے زیادہ خطرات والے شہروں میں بڑے پیمانے پر تباہی کو 2.34 بلین شیکل کی سرمایہ کاری سے روکا جا سکتا ہے
کرسر نے یہ بھی اطلاع دی کہ فوج کو بڑے پیمانے پر زلزلے اور جنگ کے لیے تیار کرنے کے لیے مشقیں شروع کی جا رہی ہیں
اس کے علاوہ، ڈچ سیسمولوجسٹ، فرینک ہوگریبِٹس نے، گزشتہ اتوار کو اپنی ایک ٹویٹ میں، آنے والے دنوں میں زلزلے کی بڑی سرگرمی کی تاریخ کا انکشاف کیا
ہوگریبِٹس نے کہا کہ ہم 15 سے 17 مارچ تک ’سیاروں کی جیومیٹری کی ہم آہنگی‘ کے ساتھ ایک تاریخ پر ہیں، جس کا مطلب ہے کہ ہم تقریباً 16 اور 19 مارچ کے درمیان اہم زلزلہ کی سرگرمی کا مشاہدہ کریں
یاد رہے کہ رواں سال فروری کے پہلے ہفتے میں اسرائیلی ماہر ارضیات نے خبردار کیا تھا کہ اسرائیل میں ایک ‘تباہ کن زلزلہ’ آنے کا وقت قریب ہے۔ 1980 کی دہائی سے پہلے بنائے گئے اسکول اور ہسپتال ممکنہ طور پر منہدم ہو جائیں گے
انسٹیٹیوٹ فار نیشنل سیکیورٹی اسٹڈیز کے ایک سینئر محقق اور سابق سینئر محقق ڈاکٹر ایریل ہیمن نے کہا تھا ’’ہمارے ہاں سو فیصد ایسا زلزلہ آئے گا۔ انہوں نے متنبہ کیا کہ اسرائیل میں ایک بڑا اور تباہ کن زلزلہ آنے والا ہے، سوال صرف کب کا نہیں ہے، لیکن اس حوالے سے اسرائیلی تیاریاں کافی نہیں ہیں“
ہیمن کے مطابق، 1980 کی دہائی کے وسط سے پہلے تعمیر کیے گئے بہت سے ڈھانچے، جن میں اسکول اور ہسپتال بھی شامل ہیں، زلزلے کے دوران برقرار رہنے کا امکان نہیں ہے، جب کہ عوام اس طرح کے واقعے سے بچنے کے لیے خاطر خواہ طور پر تیار نہیں ہیں
اہم بات یہ ہے کہ دوسرے ماہرین متفق نظر آئے۔ اسرائیل کے جیولوجیکل سروے کے ڈائریکٹر پروفیسر زوہر گیورٹزمین کے مطابق ترکی میں آنے والے زلزلے کو خطرے کی گھنٹی ماننا چاہیے کہ ”یہ یہاں (اسرائیل میں) بھی ہو سکتا ہے“
واضح رہے کہ اسرائیل متعدد فالٹ لائنوں پر واقع ہے، خاص طور پر سینائی مائیکرو پلیٹ، جس پر ماہرین ارضیات زیادہ تر متفق ہیں کہ یہ بہت بڑی نیوبین پلیٹ کا ذیلی حصہ ہے۔ درحقیقت، پورا مشرق وسطیٰ ایک مشکل پڑوس میں ہے، جو چار بڑی ٹیکٹونک پلیٹوں کے درمیان ہے: نوبیا (افریقہ)، سینائی، عربیہ اور اناطولیہ (ترکی)۔
ریکارڈ شدہ تاریخ میں، وادی اردن نے 746 اور 1033 کے سالوں میں بڑے زلزلوں کا تجربہ کیا۔
یوں، وادی اردن کے ساتھ ساتھ بحیرہ مردار کے درار کے حصے بھی صدیوں سے بند ہیں
گزشتہ فروری میں، شمالی اسرائیل میں 3.5 شدت کے زلزلے کے بعد، اسرائیلی فوج کی ہوم فرنٹ کمانڈ نے خبردار کیا تھا کہ مستقبل میں کسی وقت ملک میں ایک بڑے زلزلے سے ہزاروں شہریوں کی ہلاکت کی توقع ہے۔
اپنے آفیشل فیسبک پیج پر متعلقہ تبصروں کا جواب دیتے ہوئے، شہری دفاع کی ایجنسی نے کہا تھا کہ ”ریاست اسرائیل میں ایک مضبوط زلزلہ آنے کی توقع ہے ، جس سے ہزاروں افراد ہلاک اور زخمی ہوں گے اور عمارتوں اور انفراسٹرکچر کی وسیع پیمانے پر تباہی ہوگی“
”حقیقت یہ ہے کہ ایک طویل عرصے سے ایک مضبوط زلزلہ نہیں آیا ہے، جو اس امکان کو بڑھاتا ہے کہ اسرائیل میں جلد ہی ایک مضبوط زلزلہ آئے گا“
