سعودی کی ارب پتی خاتون کی اپنے پاکستانی ڈرائیور سے شادی، حقیقت کیا ہے؟

ان دنوں سوشل میڈیا پر ایک ویڈیو  خوب  وائرل ہوئی ہے، جس میں ایک محل نما گهر میں ایک جوڑے کی شادی دکھائی گئی ہے. وڈیو کے ساتھ شیئر کی گئی خبر میں بتایا گیا ہے کہ ویڈیو میں دکھائی جانے والی خاتون سعودی عرب کی ارب پتی بزنس وومن ساہو بنت عبدﷲ المحبوب ہیں، جنہوں نے اپنے ایک پاکستانی ڈرائیور کے ساتھ شادی کر لی ہے

تفصیلات کے مطابق سوشل میڈیا پر گردش کرنے والی اس وڈیو کی ابھی تک تصدیق نہیں ہو سکی ہے، تاحال اس غیر مصدقہ خبر میں مزید بتایا گیا ہے کہ خاتون ساہو کی دولت کی مالیت تقریباً 8 بلین ڈالر ہے۔ خاتون کے مکہ اور مدینہ میں کئی ہوٹل اور رہائشی املاک ہیں۔ اس کے علاوہ ان کے فرانس میں ٹاورز سمیت دیگر مختلف ممالک میں بھی جائیدادیں موجود ہیں

خبر کے مطابق سعودی خاتون اور اس کے ڈرائیور کا عقد نکاح کورونا وبا کا  باعث ایک سادہ سی تقریب میں منعقد ہوا.  مختلف ویب سائٹس کے مطابق ساہو بنت عبدﷲ کا شمار متحدہ عرب امارات کی امیرترین خواتین میں ہوتا ہے

دوسری جانب سنگت میگ کی طرف سے وڈیو میں موجود پاکستانی ڈرائیور کے بارے میں جب تحقیق کی گئی تو انٹرنیٹ پر اس کے نام سمیت کوئی تفصیلات نہیں ملیں

تاہم گوگل پر سرچ کیے جانے پر ساہو بنت عبدﷲ المحبوب کے نام سے کوئی عرب دولت مند کاروباری عورت کا نام سامنے نہیں آتا

درحقیقت جب آپ اس نام کو گوگل پر سرچ کریں تو سرچ رزلٹ آپ کو ان ویب سائٹس پر لے جائیں گے، جہاں اس خاتون اور مرد کی شادی کے بارے میں خبر شائع کی گئی ہے

دوسری جانب ٹوئٹر پر بہت سے لوگوں نے اس خبر کو جعلی قرار دیا ہے۔ جب کہ کچھ ویب سائٹس کے مطابق یہ سعودی عرب میں ہونے والی ایک عام شادی کی ویڈیو ہے جس کے ساتھ لوگوں نے جعلی تفصیلات درج کرکے اسے سوشل میڈیا پر وائرل کردیا ہے.