ٹیکنالوجی کی دنیا کے دو بڑے نام سونی اور ہونڈا مل کر ایک نئی قسم کی الیکٹرک کار بنا رہے ہیں، جسے ’افیلا‘ کا نام دیا گیا ہے
سونی ہنڈا موبیلٹی، دو جاپانی کمپنیوں کے درمیان ایک مشترکہ منصوبے، نے ایک خوبصورت نئی الیکٹرک سیڈان کا ایک پروٹو ٹائپ ظاہر کیا ہے، جسے وہ 2026 تک امریکہ میں فروخت کرنے کا ارادہ رکھتی ہے
ڈجیٹل میڈیا کمپنی ایکسیوس کا کہنا ہے کہ افیلا پروٹوٹائپ ایک خوبصورت الیکٹرک کار ہے۔ یہ کار ’پہیوں پر کمپیوٹر‘ ہے، جس کی وجہ یہ ہے کہ مصنوعی ذہانت، آگمنٹڈ ریئلٹی اور ورچوئل ریئلٹی اس کے نظام کے حصہ ہیں
الیکٹرک اور ڈرائیور کے بغیر چلنے والی کاروں کی تیاری مستقبل کا اہم حصہ ہے، جس کے لیے ہر گاڑی میں صحیح سافٹ ویئر کا استعمال اہم ترین ہے
افیلا کے بارے میں بتایا جا رہا ہے کہ یہ بہت سی دلچسپ خصوصیات سے آراستہ ہے، مثال کے طور پر ٹچ اسکرین ڈیش بورڈ، جس کی بدولت کار کی چوڑائی بڑھ جاتی ہے۔ پوری اسکرین پر فلم دیکھنے کا مزا، ریموٹ کنٹرول کے ساتھ پلے اسٹیشن فائیو، موسیقی اور نیوی گیشن کی سہولت
اس کار میں چہرے کو شناخت کی ٹیکنالوجی بھی موجود ہے، جو نئی الیکٹرک گاڑیوں میں عام بات ہے۔ فرنٹ گرل پر لگی اسکرینیں موسم کا حال، چارجنگ سٹیٹس اور کھیل کے کسی مقابلے کے اسکور کے بارے میں بتا سکتی ہیں
تاہم افیلا واحد کار برانڈ نہیں ہے، جو اس قسم کی ٹکنالوجی کا استعمال کر رہا ہے۔ پُرتعیش کاریں بنانے والی کمپنی ’جینیسس‘ کا کہنا ہے کہ اس کی جی وی 60 اسپورٹس یوٹیلٹی وہیکل (ایس یو وی) جدید ترین بائیومیٹرک ٹیکنالوجی سے لیس ہے
ٹیکنالوجی نیوز اینڈ میڈیا نیٹ ورک ’دا ورج‘ کے مطابق سونی ہونڈا موبیلٹی کے سی ای او یاسوہید میزونو کے بقول: ’افیلا انٹرایکٹیو تعلق کے ہمارے تصور کی نمائندگی کرتی ہے، جہاں لوگ انٹرایکٹیو نقل و حرکت کے احساس کو محسوس کرتے ہیں اور جہاں نقل و حرکت سینسنگ اور مصنوعی ذہانت کی ٹیکنالوجیز کا استعمال کرتے ہوئے لوگوں اور معاشرے کا پتہ لگاسکتی ہے اور انہیں سمجھ سکتی ہے“
افیلا کی تیاری کے لیے سونی ہونڈا موبیلٹی کے نام سے شروع کیے گئے منصوبے کے تحت 2025 میں کار کی بکنگ شروع ہو جائے گی اور شیڈول کے مطابق امریکہ میں 2026 سے ڈلیوری کا آغاز کر دیا جائے گا۔
