ﻭﺯﯾﺮ ﺗﻌﻠﯿﻢ ﻭ ﻣﺤﻨﺖ ﺳﻨﺪﮪ ﺳﻌﯿﺪ ﻏﻨﯽ ﻧﮯ ﮐﮩﺎ ہے ﮐﮧ ﮐﻮﻭﮈ19 ﮐﮯ ﺑﺎﻋﺚ ﺳﺐ ﺳﮯ ﺯﯾﺎﺩﮦ ﻧﻘﺼﺎﻥ ﺗﻌﻠﯿﻢ ﮐﮯ ﺷﻌﺒﮧ کا ﮨﻮﺍ ﮨﮯ ﺍﻭﺭ ہم ﮔﺬﺷﺘﮧ ﺍﯾﮏ ﺳﺎﻝ ﮐﮯ ﺩﻭﺭﺍﻥ ﮐﺌﯽ ﺍﯾﺴﮯ ﻣﻨﺼﻮﺑﮯ بھی ﺷﺮﻭﻉ ﻧﮩﯿﮟ ﮐﺮﺳﮑﮯ ﺟﻮ ﭘﻼﻥ ﮐﺌﮯ ﮨﻮﺋﮯ ﺗﮭﮯ
سعید غنی کا کہنا تھا کہ ﺍﺳﺎﺗﺬﮦ ﮐﮯ ﺗﺒﺎﺩﻟﮯ، ﺑﮭﺮﺗﯿﻮﮞ ﮐﯽ ﭘﺎﻟﯿﺴﯽ، ﺍﺳﺎﺗﺬﮦ ﮐﯽ ﺗﺮﺑﯿﺖ ﺳﻤﯿﺖ ﮐﺌﯽ ﺍﯾﺴﮯ ﺍﻗﺪﺍﻣﺎﺕ ﮐﺮ ﺭﮨﮯ ﮨﯿﮟ، جن ﮐﮯ ﻣﺜﺒﺖ ﻧﺘﺎﺋﺞ ﺳﺎﻣﻨﮯ ﺍٓﺋﯿﮟ ﮔﮯ
انہوں نے کہا کہ ﺍٓﺋﯽ ﺑﯽ ﺍﮮ ﭘﺎﺱ ﮨﯿﮉ ﻣﺎﺳﭩﺮﺯ ﮐﺎ ﻣﻌﺎﻣﻠﮧ ﮨﺎﺋﯽ ﮐﻮﺭﭦ ﻣﯿﮟ ﮨﮯ ﺍﻭﺭ ﺟﺐ ﺗﮏ ﺍﺱ ﮐﺎ ﮐﻮﺋﯽ ﻓﯿﺼﻠﮧ ﻧﮩﯿﮟ ﺍٓ ﺟﺎﺗﺎ ، ﮨﻢ ﺍﻥ ﮐﻮ ﻣﺴﺘﻘﻞ ﻧﮩﯿﮟ ﮐﺮﺳﮑﺘﮯ
سعید غنی نے کہا کہ ﺳﻨﺪﮪ ﺍﯾﺠﻮﮐﯿﺸﻦ ﻓﺎﻭٔﻧﮉﯾﺸﻦ ﮐﮯ ﺗﺤﺖ ﺍﺱ ﻭﻗﺖ ﭘﻮﻧﮯ ﭘﺎﻧﭻ ﻻﮐﮫ ﺑﭽﮯ ﺻﻮﺑﮯ ﺑﮭﺮ ﻣﯿﮟ ﺗﻌﻠﯿﻢ ﺣﺎﺻﻞ ﮐﺮ ﺭﮨﮯ ﮨﯿﮟ ﺍﻭﺭ ﺍﺱ ﺳﺎﻝ ﺍﻥ ﮐﯽ ﺗﻌﺪﺍﺩ ﺳﺎﮌﮬﮯ ﺳﺎﺕ ﻻﮐﮫ ﺗﮏ ﭘﮩﻨﭻ ﺟﺎﺋﮯ گی
انہوں نے کہا کہ ﺳﺮﮐﺎﺭﯼ ﺍﺳﮑﻮﻟﻮﮞ ﮐﮯ ﻧﺘﺎﺋﺞ ﺑﮭﯽ ﺍﺱ ﺳﺎﻝ ﺑﮩﺖ ﺑﮩﺘﺮ ﺍٓﺋﮯ ﮨﯿﮟ ﺍﻭﺭ ﮐﺮﺍﭼﯽ ﺳﮯ 21 ﻃﻠﺒﮧ ﻭ ﻃﺎﻟﺒﺎﺕ ﻣﯿﮟ ﺍﮮ ﻭﻥ ﺍﻭﺭ ﺍﮮ ﮔﺮﯾﮉ ﻣﯿﮟ ﮐﺎﻣﯿﺎﺑﯽ ﺣﺎﺻﻞ ﮐﯽ ﮨﮯ
سعید غنی کا مزید کہنا تھا کہ ﺍﻭ ﭘﯽ ﺍﯾﺲ ﺍﻭﺭ ﺍﯾﮉﯾﺸﻨﻞ ﭼﺎﺭﺝ ﺩﯾﻨﮯ ﮐﮯ ﺣﻮﺍﻟﮯ ﺳﮯ ﺟﺐ ﻋﺪﺍﻟﺘﯽ ﻓﯿﺼﻠﮧ ﺍٓﺋﮯ ﮔﺎ ﺗﻮ ﺿﺮﻭﺭ ﺍﺱ ﭘﺮ ﻋﻤﻞ ﺩﺭﺍٓﻣﺪ ﮐﺮﯾﮟ ﮔﮯ ﺍﻭﺭ ﺍﮔﺮ ﮨﻤﯿﮟ ﺍﺱ ﻣﯿﮟ ﻣﺸﮑﻼﺕ پیش آئین ﺗﻮ ﮨﻢ ﻋﺪﺍﻟﺖ ﺳﮯ ﺑﮭﯽ ﺭﺟﻮﻉ ﮐﺮﯾﮟ ﮔﮯ
ﺍﻥ ﺧﯿﺎﻻﺕ ﮐﺎ ﺍﻇﮩﺎﺭ ﺍﻧﮩﻮﮞ ﻧﮯ ﺟﻤﻌﺮﺍﺕ ﮐﮯ ﺭﻭﺯ ﺳﻨﺪﮪ ﺍﯾﺠﻮﮐﯿﺸﻦ ﻓﺎﻭٔﻧﮉﯾﺸﻦ ﮐﮯ ﺗﺤﺖ ﻣﯿﭩﺮﮎ ﺳﺎﻝ 2019-20 ﮐﮯ ﺳﺎﻻﻧﮧ ﺍﻣﺘﺤﺎﻥ ﻣﯿﮟ ﺍﮮ ﻭﻥ ﺍﻭﺭ ﺍﮮ ﮔﺮﯾﮉ ﺣﺎﺻﻞ ﮐﺮﻧﮯ ﻭﺍﻟﮯ ﻃﻠﺒﮧ ﮐﻮ ﺍﯾﻮﺍﺭﮈ ﺩﯾﻨﮯ ﮐﯽ ﺍﯾﻦ ﺟﮯ ﻭﯼ ﺍﺳﮑﻮﻝ ﻣﯿﮟ ﻣﻨﻌﻘﺪ ﮐﯽ ﮔﺌﯽ ﺗﻘﺮﯾﺐ ﺳﮯ ﺧﻄﺎﺏ ﺍﻭﺭ ﺑﻌﺪ ﺍﺯﺍﮞ ﻣﯿﮉﯾﺎ ﺳﮯ ﺑﺎﺕ ﭼﯿﺖ ﮐﺮﺗﮯ ﮨﻮﺋﮯ ﮐﯿﺎ، ﺗﻘﺮﯾﺐ ﻣﯿﮟ ﺳﻨﺪﮪ ﺍﯾﺠﻮﮐﯿﺸﻦ ﻓﺎﻭٔﻧﮉﯾﺸﻦ ﮐﮯ ﺍﺳﮑﺎﻟﺮﺷﭗ ﭘﺮﻭﮔﺮﺍﻡ ﮐﮯ ﺗﺤﺖ ﺍﯾﻦ ﺟﮯ ﻭﯼ ﮨﺎﺋﺮ ﺳﯿﮑﻨﮉﺭﯼ ﺍﺳﮑﻮﻝ ﻣﯿﮟ ﺗﻌﻠﯿﻢ ﺣﺎﺻﻞ ﮐﺮﻧﮯ ﻭﺍﻟﮯ 21 ﻃﻠﺒﺎﺀ ﮐﻮ ﺍﮮ ﻭﻥ ﺍﻭﺭ ﺍﮮ ﮔﺮﯾﮉ ﺣﺎﺻﻞ ﮐﺮﻧﮯ ﭘﺮ ﺳﺮﭨﯿﻔﮑﯿﭩﺲ ﺍﻭﺭ ﻟﯿﭗ ﭨﺎﭖ ﺑﻄﻮﺭ ﺍﻧﻌﺎﻡ ﺩﯾﺌﮯ ﮔﺌﮯ.
