ﺍﻧﺴﺪﺍﺩ ﺩﮨﺸﺖ ﮔﺮﺩﯼ ﮐﯽ ﻋﺪﺍﻟﺖ ﻧﮯ ﺳﺎﻧﺤﮧ ﺑﻠﺪﯾﮧ ﻓﯿﮑﭩﺮﯼ ﮐﯿﺲ ﮐﺎ ﻓﯿﺼﻠﮧ ﻣﺤﻔﻮﻅ ﮐﺮﻟﯿﺎ ہے. فیصلہ سترہ ﺳﺘﻤﺒﺮ ﮐﻮ ﺳﻨﺎﯾﺎ ﺟﺎﺋﮯ ﮔﺎ
تفصیلات کے مطابق ﺍﻧﺴﺪﺍﺩ ﺩﮨﺸﺖ ﮔﺮﺩﯼ ﮐﯽ ﻋﺪﺍﻟﺖ ﻣﯿﮟ ﺳﺎﻧﺤﮧ ﺑﻠﺪﯾﮧ ﻓﯿﮑﭩﺮﯼ ﮐﯿﺲ ﮐﯽ ﺳﻤﺎﻋﺖ ﮨﻮﺋﯽ، ﻓﺮﯾﻘﯿﻦ ﮐﮯ ﺩﻻﺋﻞ ﻣﮑﻤﻞ ﮨﻮﻧﮯ ﮐﮯ ﺑﻌﺪ ﻋﺪﺍﻟﺖ ﻧﮯ ﻣﻠﺰﻣﺎﻥ ﮐﮯ ﺧﻼﻑ ﻓﯿﺼﻠﮧ ﻣﺤﻔﻮﻅ ﮐﺮﻟﯿﺎ، ﺳﺎﻧﺤﮧ ﺑﻠﺪﯾﮧ ﻓﯿﮑﭩﺮﯼ ﮐﯿﺲ ﮐﺎ ﻓﯿﺼﻠﮧ سترہ ﺳﺘﻤﺒﺮ ﮐﻮ ﺳﻨﺎﯾﺎ ﺟﺎﺋﮯ ﮔﺎ
واضح رہے کہ یہ کیس ﺳﭩﯽ ﮐﻮﺭﭦ ﺳﮯ ﺍﻧﺴﺪﺍﺩ ﺩﮨﺸﺘﮕﺮﺩﯼ ﻋﺪﺍﻟﺖ ﻣﻨﺘﻘﻞ ﮐﯿﺎ ﮔﯿﺎ ﺗﮭﺎ، ﻓﺮﻭﺭﯼ 2017ع ﻣﯿﮟ ﺍﯾﻢ ﮐﯿﻮﺍﯾﻢ کے ﺭؤﻑ ﺻﺪﯾﻘﯽ، ﺭﺣﻤﺎﻥ ﺑﮭﻮﻻ، ﺯﺑﯿﺮ ﭼﺮﯾﺎ ﺍﻭﺭ ﺩﯾﮕﺮ ﭘﺮ ﻓﺮﺩﺟﺮﻡ ﻋﺎﺋﺪ ﮐﯽ ﮔﺌﯽ ﺗﮭﯽ
گیارہ ﺳﺘﻤﺒﺮ 2012ع ﮐﻮ ﺑﻠﺪﯾﮧ ﻓﯿﮑﭩﺮﯼ ﻣﯿﮟ ﺍٓﮒ ﻟﮕﻨﮯ ﺳﮯ 260 ﺍﻓﺮﺍﺩ زندہ ﺟﻞ ﮐﺮ ﺟﺎﮞ ﺑﺤﻖ ﮨﻮﮔﺌﮯ ﺗﮭﮯ۔ ﻓﯿﮑﭩﺮﯼ ﻣﺎﻟﮑﺎﻥ ﻧﮯ ﺍٓﮒ ﻟﮕﻨﮯ ﮐﺎ ﺫﻣﮧ ﺩﺍﺭ ﺍﯾﻢ ﮐﯿﻮ ﺍﯾﻢ ﮐﻮ ﻗﺮﺍﺭ ﺩﯾﺎ ﺗﮭﺎ، مذکورہ ﮐﯿﺲ ﻣﯿﮟ ﻣﻠﺰﻣﺎﻥ ﮐﮯ ﺧﻼﻑ 400 ﻋﯿﻨﯽ ﺷﺎﮨﺪﯾﻦ ﺍﻭﺭ ﺩﯾﮕﺮ ﻧﮯ اپنے ﺑﯿﺎنات ﺭﯾﮑﺎﺭﮈ ﮐﺮﺍﺋﮯ۔ ﺳﺎﻧﺤﮧ ﺑﻠﺪﯾﮧ ﻓﯿﮑﭩﺮﯼ ﮐﯿﺲ ﮐﯽ ﭘﯿﺮﻭﯼ ﺭﯾﻨﺠﺮﺯ ﭘﺮﺍﺳﯿﮑﯿﻮﺷﻦ ﻧﮯ ﮐﯽ۔
بیس ﺳﺘﻤﺒﺮ 2019ع ﮐﻮ ﺳﺎﻧﺤﮧ ﺑﻠﺪﯾﮧ ﮐﯿﺲ ﮐﯽ ﺳﻤﺎﻋﺖ ﮐﮯ ﺩﻭﺭﺍﻥ ﻓﯿﮑﭩﺮﯼ ﻣﺎﻟﮑﺎﻥ ﻧﮯ ﻣﺮﮐﺰﯼ ﻣﻠﺰﻣﺎﻥ ﮐﻮ ﺷﻨﺎﺧﺖ ﮐﺮﺗﮯ ﮨﻮﺋﮯ کہا ﺗﮭﺎ ﮐﮧ ﺳﺎﺑﻖ ﮔﻮﺭﻧﺮ ﺳﻨﺪﮪ ﻧﮯ ہمیں ہدایت کی تھی کہ ہم ﻣﺘﺎﺛﺮﯾﻦ ﮐﻮ ﻣﻌﺎﻭﺿﮧﺍﯾﻢ ﮐﯿﻮ ﺍﯾﻢ ﮐﮯ ﭘﻠﯿﭧ ﻓﺎﺭﻡ ﺳﮯ ادا کریں۔ گورنر نے ہمیں کہا ﺗﮭﺎ ﮐﮧ ﺍﮔﺮ ﮨﻢ ﺍﯾﻢ ﮐﯿﻮ ﺍﯾﻢ ﮐﮯ ﭘﻠﯿﭧ ﻓﺎﺭﻡ ﺳﮯ ﻣﺘﺎﺛﺮﯾﻦ ﮐﻮ ﻣﻌﺎﻭﺿﮧ ﺩﯾﮟ ﺗﻮ ﺗﻤﺎﻡ ﭼﯿﺰﯾﮟ ﭨﮭﯿﮏ ﮨﻮﺟﺎﺋﯿﮟ ﮔﯽ۔
اس سلسلے میں ﺳﺎﺑﻖ ﮔﻮﺭﻧﺮ ﺳﻨﺪﮪ ﻋﺸﺮﺕ ﺍﻟﻌﺒﺎﺩ ﮐﺎ ﮐﮩﻨﺎ ﺗﮭﺎ ﮐﮧ ﻣﯿﺮﺍ اس ﻣﻌﺎﻣﻠﮯ ﺳﮯ ﮐﻮﺋﯽ ﺗﻌﻠﻖ ﻧﮩﯿﮟ ، ﻣﯿﮟ ﺧﻮﺩ ﺍﺱ ﻭﻗﺖ ﮔﻮﺭﻧﺮ ﮐﯽ ﺣﯿﺜﯿﺖ ﺳﮯ ﺫﻣﮧ ﺩﺍﺭﯼ ﺍﺩﺍ ﮐﺮﺭﮨﺎ ﺗﮭﺎ، ﯾﮧ ﺳﺐ ﺟﮭﻮﭦ ﺍﻭﺭ مجھ ہر ﺑﮩﺘﺎﻥ ﮨﮯ
ﮐﺮﺍﭼﯽ ﮐﯽ ﺍﻧﺴﺪﺍﺩ ﺩﮨﺸﺖ ﮔﺮﺩﯼ ﻋﺪﺍﻟﺖ ﻣﯿﮟ ﺩﺑﺌﯽ ﻣﯿﮟ ﭘﺎﮐﺴﺘﺎﻥ ﺳﻔﺎﺭﺕ ﺧﺎﻧﮯ ﺳﮯ ﻓﯿﮑﭩﺮﯼ ﻣﺎﻟﮏ ﺍﺭﺷﺪ ﺑﮭﺎﺋﯿﻠﮧ ﻧﮯﺍﺳﮑﺎﺋﭗ ﮐﮯ ﺫﺭﯾﻌﮯ ﺑﯿﺎﻥ ﺭﯾﮑﺎﺭﮈ ﮐﺮﻭﺍﺗﮯ ﮨﻮﺋﮯ ﮐﮩﺎ ﺗﮭﺎ ﮐﮧ ﮨﻤﯿﮟ متحدہ ﮐﻮ ﮐﺮﻭﮌﻭﮞ ﺭﻭﭘﮯ ﺑﮭﺘﮧ ﺩﯾﻨﮯ ﮐﺎ ﮐﮩﺎ ﮔﯿﺎ ﺗﮭﺎ۔
فیکٹری مالک ﺍﺭﺷﺪ ﺑﮭﺎﺋﯿﻠﮧ ﻧﮯ ﺳﻨﺴﻨﯽ ﺧﯿﺰ ﺍﻧﮑﺸﺎﻓﺎﺕ ﮐﺮﺗﮯ ﮨﻮﺋﮯ ﺑﺘﺎﯾﺎ ﺗﮭﺎ ﮐﮧ ﻣﻨﺼﻮﺭ ﻧﮯ 2004ع ﻣﯿﮟ ﻓﯿﮑﭩﺮﯼ ﺟﻮﺍﺋﻦ ﮐﯽ ﺍﻭﺭ ﺍﺳﯽ ﺳﺎﻝ ﺍﯾﻢ ﮐﯿﻮ ﺍﯾﻢ ﮐﺎ ﺑﮭﺘﮧ ﺑﮭﯽ ﺷﺮﻭﻉ ﮨﻮﮔﯿﺎ، ﺍﯾﻢ ﮐﯿﻮ ﺍﯾﻢ ﺳﮯ ہمارے ﻣﻌﺎﻣﻼﺕ ﻣﻨﺼﻮﺭ ﻧﮯ ہی ﻃﮯ ﮐﺮﺍﺋﮯ ﺗﮭﮯ، ہم ﺍﯾﻢ ﮐﯿﻮ ﺍﯾﻢ ﮐﻮ پندرہ ﺳﮯ پچیس ﻻﮐﮫ ﺭﻭﭘﮯ ﺑﮭﺘﮧ ادا کرتے تھے، ﻣﻨﺼﻮﺭ ﻧﮯ ہمیں دھمکی دی تھی کہ ﺍﮔﺮ ﮐﺮﺍﭼﯽ ﻣﯿﮟ ﮐﺎﻡ ﮐﺮﻧﺎ ﮨﮯ ﺗﻮ ﺍﯾﻢ ﮐﯿﻮ ﺍﯾﻢ ﺳﮯ ﺑﻨﺎ ﮐﺮ ﺭﮐﮭﻨﯽ ﮨﻮﮔﯽ. 2005ع ﻣﯿﮟ ﻓﯿﮑﭩﺮﯼ کے ﺟﻨﺮﻝ ﻣﻨﯿﺠﺮ ﻣﻨﺼﻮﺭ ﻧﮯ ﺯﺑﯿﺮ ﻋﺮﻑ ﭼﺮﯾﺎ ﮐﻮ ﻓﯿﮑﭩﺮﯼ کے فائنانسنگ ﮈﭘﺎﺭﭨﻤﻨﭧ ﻣﯿﮟ ﺑﮭﺮﺗﯽ ﮐﯿﺎ. ﺯﺑﯿﺮ ﭼﺮﯾﺎ ﺑﻠﺪﯾﮧ ﺳﯿﮑﭩﺮ ﺍﻧﭽﺎﺭﺝ ﺍﺻﻐﺮ ﺑﯿﮓ ﮐﮯ ﭼﮭﻮﭨﮯ ﺑﮭﺎﺋﯽ ﮐﺎ ﮔﮩﺮﺍ ﺩﻭﺳﺖ ﺗﮭﺎ۔
ارشد بھائیلہ کا مزید کہنا تھا کہ ﺟﻨﺮﻝ ﻣﻨﯿﺠﺮ ﻣﻨﺼﻮﺭ ﻧﮯ ہمیں ﺍﯾﻢ ﮐﯿﻮﺍﯾﻢ ﮐﻮ پندرہ ﻻﮐﮫ ﺭﻭﭘﮯ ﻣﺎﮨﺎﻧﮧ بھتہ ﺩﯾﻨﮯ ﭘﺮ مجبور ﮐﯿﺎ. ﺍٓﺗﺸﺰﺩﮔﯽ ﮐﮯ ﺑﻌﺪ بھی ﺍﯾﻢ ﮐﯿﻮ ﺍﯾﻢ ﺳﯿﮑﭩﺮ ﺍﻧﭽﺎﺭﺝ ﺍﺻﻐﺮ ﺑﯿﮓ نے ہم سے ﺑﮭﺘﮧ لیا
فیکٹری مالک ﻧﮯ اپنے بیان میں ﺑﺘﺎﯾﺎ ﮐﮧ 2012ع ﻣﯿﮟ ﻣﻨﺼﻮﺭ ﮐﮯ ﺍٓﻓﺲ ﻣﯿﮟ ﺷﺎﮨﺪ ﺑﮭﺎﺋﯿﻠﮧ ﺳﮯ ﺳﯿﮑﭩﺮ ﺍﻧﭽﺎﺭﺝ ﻣﻼ ﺍﻭﺭ ﮐﮩﺎ ﮐﮧ ﺍﺏ ﺍﯾﻢ ﮐﯿﻮ ﺍﯾﻢ ﮐﻮ ﮐﺮﻭﮌﻭﮞ ﺭﻭﭘﮯ ﺑﮭﺘﮧ ﺩﯾﻨﺎ ﭘﮍﮮ ﮔﺎ۔ ﺑﯿﺎﻥ ﮐﮯ ﻣﻄﺎﺑﻖ 12 ﺟﻮﻻﺋﯽ 2012ع ﮐﻮ ﺍﺻﻐﺮ ﺑﯿﮓ ﮐﯽ ﺟﮕﮧ ﺭﺣﻤٰﻦ ﺑﮭﻮﻻ ﮐﻮ ﺑﻠﺪﯾﮧ ﮐﺎ ﺳﯿﮑﭩﺮ ﺍﻧﭽﺎﺭﺝ ﻟﮕﺎﯾﺎ ﮔﯿﺎ، ﺟﺲ ﮐﮯ ﺑﻌﺪ ﺍﯾﮏ ﺭﻭﺯ ﮨﻢ ﺟﺐ ﻓﯿﮑﭩﺮﯼ ﺳﮯ ﻧﮑﻞ ﺭﮨﮯ ﺗﮭﮯ ﺗﻮ ﺭﺣﻤٰﻦ ﺑﮭﻮﻻ ﻧﮯ ﺭﻭﮐﺎ ﺍﻭﺭ ﺩﮬﻤﮑﯽ ﺩﯼ ﮐﮧ ﺑﮭﺘﮯ ﮐﮯ ﻟﯿﮯ ﺣﻤﺎﺩ ﺻﺪﯾﻘﯽ ﺳﮯ ﺭﺍﺑﻄﮧ ﮐﺮﻭ۔
ﺍﻧﮩﻮﮞ ﻧﮯ ﺑﺘﺎﯾﺎ ﮐﮧ ﺭﺣﻤٰﻦ ﺑﮭﻮﻻ ﻧﮯ ﺣﻤﺎﺩ ﺻﺪﯾﻘﯽ ﮐﯽ ﺍﯾﻤﺎ ﭘﺮ پچیس ﮐﺮﻭﮌ ﺭﻭﭘﮯ ﺑﮭﺘﮧ ﺍﻭﺭ ﻓﯿﮑﭩﺮﯼ ﻣﯿﮟ ﺣﺼﮧ ﻣﺎﻧﮕﺎ، ﯾﮧ ﺳﻦ ﮐﺮ ﮨﻢ ﺣﯿﺮﺍﻥ ﺭﮦ ﮔﺌﮯ۔
ﻓﯿﮑﭩﺮﯼ ﻣﺎﻟﮏ ﮐﮯ ﻣﻄﺎﺑﻖ ﮨﻢ ﻧﮯ ﻣﻨﺼﻮﺭ ﮐﻮ ﺑﮭﺘﮯ ﮐﮯ ﻣﻌﺎﻣﻼﺕ ﺩﯾﮑﮭﻨﮯ ﮐﮯ ﻟﯿﮯ ﮐﮩﺎ ﺍﻭﺭ ﺍﻧﮩﯿﮟ ﮐﮩﺎ ﮐﮧ ﺍﯾﮏ ﮐﺮﻭﮌ ﺭﻭﭘﮯ ﺩﮮ ﮐﺮ ﻣﻌﺎﻣﻠﮧ ﻧﻤﭩﺎﯾﺎ ﺟﺎﺋﮯ۔ﺍﻧﮩﻮﮞ ﻧﮯ ﺑﺘﺎﯾﺎ ﮐﮧ ﮨﻤﯿﮟ ﻣﺴﻠﺴﻞ ﺍﯾﻢ ﮐﯿﻮ ﺍﯾﻢ ﮐﯽ ﺟﺎﻧﺐ ﺳﮯ ﺗﻨﮓ ﮐﯿﺎ ﺟﺎﻧﮯ ﻟﮕﺎ، ﺟﺲ ﭘﺮ ﮨﻢ ﻧﮯ ﮐﺎﺭﻭﺑﺎﺭ ﺑﻨﮕﻠﮧ ﺩﯾﺶ ﻣﻨﺘﻘﻞ ﮐﺮﻧﮯ ﮐﮯ ﻟﯿﮯ ﻭﮨﺎﮞ ﮐﺎ ﺩﻭﺭﮦ ﮐﯿﺎ جب کہ ﮨﻢ ﻓﯿﮑﭩﺮﯼ ﺟﺎﻧﮯ کے لئے ﺭﺍﺳﺘﮯ ﺍﻭﺭ ﮔﺎﮌﯾﺎﮞ ﺑﮭﯽ ﺗﺒﺪﯾﻞ ﮐﺮﺗﮯ ﺭﮨﺘﮯ ﺗﮭﮯ۔
ﻋﺪﺍﻟﺖ ﻣﯿﮟ ﺑﯿﺎﻥ ﺩﯾﺘﮯ ﮨﻮﺋﮯ ان کا کہنا تھا ﮐﮧ 11 ﺳﺘﻤﺒﺮ 2012ع ﮐﻮ ﭘﮩﻠﮯ ﮔﻮﺩﺍﻡ ﻣﯿﮟ ﺍٓﮒ ﻟﮕﺎﺋﯽ ﮔﺌﯽ، ﻓﺎﺋﺮ ﺑﺮﯾﮕﯿﮉ ﻭﺍﻗﻌﮧ ہونے ﮐﮯ ڈیڑھ گھنٹے ﺑﻌﺪ ﭘﮩﻨﭽﯽ۔ ﻟﯿﮑﻦ ﺍﻥ ﮐﮯ ﭘﺎﺱ نہ ﭘﺎﻧﯽ ﺗﮭﺎ ﺍﻭﺭ نہ ہی ﺍٓﻻﺕ، جس پر ﻣﯿﮟ ﻧﮯ ﻓﺎﺋﺮ ﺑﺮﯾﮕﯿﮉ ﻭﺍﻟﻮﮞ ﮐﻮ ﺍﭘﻨﮯ ﮨﺎﺋﯿﮉﺭﻧﭧ ﺳﮯ ﭘﺎﻧﯽ ﮐﯽ ﭘﯿﺶ ﮐﺶ ﮐﯽ، ﺟﺴﮯ ﺍﻧﮩﻮﮞ ﻧﮯ ﻣﺴﺘﺮﺩ ﮐﺮﺗﮯ ﮨﻮﺋﮯ ﮐﮩﺎ ﮐﮧ ﮨﻤﯿﮟ ﺍﭘﻨﺎ ﮐﺎﻡ ﮐﺮﻧﮯ ﺩﻭ۔
فیکٹری ﻣﺎﻟﮏ ﻧﮯ ﺑﺘﺎﯾﺎ ﮐﮧ ﺍْﺱ ﻭﻗﺖ ﮐﮯ ﭼﯿﻒ ﺳﯽ ﭘﯽ ﺍﯾﻞ ﺳﯽ ﺍﺣﻤﺪ ﭼﻨﺎﺋﮯ ﻧﮯ ﺭﺷﺘﮧ ﺩﺍﺭ ﮐﮯ ﺫﺭﯾﻌﮯ ہمیں ﭘﯿﻐﺎﻡ ﺑﮭﯿﺠﺎ کہ ﻓﯿﮑﭩﺮﯼ ﻣﯿﮟ ہمارا ﻣﺰﯾﺪ ﺭﮐﻨﺎ ٹھیک ﻧﮩﯿﮟ ﮨﮯ ﺗﻮ ﮨﻢ ﺭﺷﺘﮧ ﺩﺍﺭﻭﮞ ﮐﮯ ﮨﺎﮞ ﭼﻠﮯ ﮔﺌﮯ، ﮨﻤﺎﺭﮮ ﺟﺎﻧﮯ ﮐﮯ ﺑﻌﺪ ﺍﯾﻢ ﮐﯿﻮ ﺍﯾﻢ ﮐﺎﺭﮐﻨﻮﮞ ﻧﮯ ﻓﯿﮑﭩﺮﯼ ﮐﺎ ﮐﻨﭩﺮﻭﻝ ﺳﻨﺒﮭﺎﻝ ﻟﯿﺎ ﺍﻭﺭ ﮐﺴﯽ ﮐﻮ بھی فیکٹری کے ﺍﻧﺪﺭ ﺟﺎﻧﮯ نہیں ﺩﯾﺎ
اپنے بیان میں ان کا کہنا تھا ﮐﮧ ﺑﻌﺪ ﻣﯿﮟ ﮨﻤﯿﮟ ﻣﻼﺯﻡ ﻧﮯ ﺑﺘﺎﯾﺎ ﮐﮧ ﺟﺐ ﺍٓﮒ ﻟﮕﯽ ﺗﻮ ﺯﺑﯿﺮ ﭼﺮﯾﺎ 4 ﺳﮯ 5 ﺍﺟﻨﺒﯽ ﺍﻓﺮﺍﺩ ﮐﮯ ﺳﺎﺗﮫ ﮐﯿﻨﭩﻦ ﻣﯿﮟ ﺑﯿﭩﮫ ﮐﺮ ﭼﺮﺱ ﭘﯽ ﺭﮨﺎ ﺗﮭﺎ، ﺧﯿﺎﻝ ﺗﮭﺎ ﮐﮧ ﺯﺑﯿﺮ ﭼﺮﯾﺎ ﺑﮭﯽ ﻓﯿﮑﭩﺮﯼ ﻣﯿﮟ ﺍٓﮒ ﻟﮕﺎﻧﮯ ﻣﯿﮟ ﻣﻠﻮﺙ ﮨﮯ۔
ﺍﻧﮩﻮﮞ ﻧﮯ ﺑﺘﺎﯾﺎ ﮐﮧ 12 ﺳﺘﻤﺒﺮ ﮐﻮ ﺍﯾﻢ ﮐﯿﻮ ﺍﯾﻢ ﺍﻭﺭ ﺭﻭٔﻑ ﺻﺪﯾﻘﯽ ﮐﮯ ﺩﺑﺎﻭٔ ﭘﺮ واقعے کا مقدمہ ﮨﻤﺎﺭﮮ ہی ﺧﻼﻑ ﺩﺭﺝ ﮐﺮﺩﯾﺎ ﮔﯿﺎ اور چوبیس ﮔﮭﻨﭩﻮﮞ ﻣﯿﮟ ﮨﻤﺎﺭﮮ ﻧﺎﻡ ﺍﯼ ﺳﯽ ﺍﯾﻞ ﻣﯿﮟ ڈال دئے ﮔﺌﮯ، ﮨﻤﯿﮟ ﻭﻟﻦ ﺍﻭﺭ ﺍﺻﻠﯽ ﻣﻠﺰﻡ ﮐﮯ ﻃﻮﺭ ﭘﺮ ﭘﯿﺶ ﮐﯿﺎ ﮔﯿﺎ، جس کے بعد ﮨﻢ ﻧﮯ ﻻﮌﮐﺎﻧﮧ ﺳﮯ ﺿﻤﺎﻧﺖ ﺣﺎﺻﻞ ﮐﯽ ﺍﻭﺭ ﭘﻮﻟﯿﺲ ﮐﯽ ﺗﻔﺘﯿﺶ ﻣﯿﮟ ﺷﺎﻣﻞ ﮨﻮﺋﮯ۔
فیکٹری مالک ﺍﺭﺷﺪ ﺑﮭﺎﺋﯿﻠﮧ ﻧﮯ ﮐﮩﺎ ﮐﮧ ﮨﻢ ﺗﯿﻦ ﺳﺎﻝ ﺗﮏ ﻣﺘﺎﺛﺮﯾﻦ ﮐﻮ ﺭﺍﺷﻦ ﺩﯾﺘﮯ ﺭﮨﮯ ﺍﻭﺭ ﻣﺎﻟﯽ ﺍﻣﺪﺍﺩ ﺑﮭﯽ ﮐﯽ، واقعے کی تحقیقات کے لئے ﮐﻤﯿﺸﻦ بننے پر ﮨﻢ ﻧﮯ ﻓﺮﺍﻧﺴﮏ کا مطالبہ کیا ﺟﺴﮯ ﻣﺴﺘﺮﺩ ﮐﺮﺩﯾﺎ ﮔﯿﺎ. ﺍﺱ ﻭﻗﺖ ﮐﮯ ﺻﻮﺑﺎﺋﯽ ﻭﺯﯾﺮ ﺻﻨﻌﺖ ﻭ ﺗﺠﺎﺭﺕ ﺭﻭٔﻑ ﺻﺪﯾﻘﯽ ﻧﮯ ﮨﻤﺎﺭﮮ ﮨﯽ ﺧﻼﻑ ﻣﻘﺪﻣﮧ ﺩﺭﺝ ﮐﺮﻭﺍﯾﺎ، ﮨﻢ ﻧﮯ اپنی پیروی ﮐﮯ ﻟﺌﮯ ﻧﻌﻤﺖ ﷲ ﺭﻧﺪﮬﺎﻭﺍ ﺍﯾﮉﻭﮐﯿﭧ ﮐﯽ ﺧﺪﻣﺎﺕ ﺣﺎﺻﻞ ﮐﯽ ﺗﮭﯿﮟ، جنہیں ﭼﻨﺪ ﺗﺎﺭﯾﺨﻮﮞ ﭘﺮ ﭘﯿﺶ ﮨﻮنے کے بعد ﻗﺘﻞ ﮐﺮﺩﯾﺎ ﮔﯿﺎ
ﺍﺭﺷﺪ ﺑﮭﺎﺋﯿﻠﮧ ﻧﮯ ﺑﯿﺎﻥ ﻣﯿﮟ ﮐﮩﺎ ﺗﮭﺎ ﮐﮧ ﺟﻮﻥ 2013ع ﻣﯿﮟ ﮨﻤﺎﺭﮮ ﺍﻧﮑﻞ ﮐﻮ ﺳﺎﺋﭧ ﺍﯾﺮﯾﺎ ﺳﮯ ﺍﻏﻮﺍﺀ ﮐﺮﻟﯿﺎ ﮔﯿﺎ، ﺳﯽ ﭘﯽ ﺍﯾﻞ ﺳﯽ ﮐﮯ ﺳﺎﺑﻖ ﭼﯿﻒ ﺍﺣﻤﺪ ﭼﻨﺎﺋﮯ ﻧﮯ ﮨﻤﯿﮟ ﺍﻏﻮﺍﺀ ﮐﺎﺭﻭﮞ ﺳﮯ ﻣﻌﺎﻣﻼﺕ ﻃﮯ ﮐﺮﻧﮯ ﮐﺎ ﮐﮩﺎ، جس کے بعد ہم نے بھاری تاوان ادا کرکے ﺍﻧﮑﻞ ﮐﻮ رہا کروایا
ﺍﺭﺷﺪ ﺑﮭﺎﺋﯿﻠﮧ ﻧﮯ ﮐﮩﺎ ﮐﮧ تیرہ ﺳﺘﻤﺒﺮ ﮐﻮ ﮔﻮﺭﻧﺮ ﺳﻨﺪﮪ ﻋﺸﺮﺕ ﺍﻟﻌﺒﺎﺩ ﻧﮯ ﺍﺣﻤﺪ ﭼﻨﺎﺋﮯ ﮐﮯ ﺫﺭﯾﻌﮯ ﭘﯿﻐﺎﻡ ہمیں ﺑﮭﺠﻮﺍﯾﺎ ﮐﮧ ﮨﻢ ﮔﻮﺭﻧﺮ ﮨﺎﻭٔﺱ ﻣﯿﮟ ﺧﻮﺩ ﮐﻮ ﭘﻮﻟﯿﺲ ﮐﮯ ﺣﻮﺍﻟﮯ ﮐﺮﺩﯾﮟ. ﮔﻮﺭﻧﺮ ﻧﮯ ﮐﮩﺎ ﮐﮧ ﺍﮔﺮ ﮨﻢ ﺍﯾﻢ ﮐﯿﻮ ﺍﯾﻢ ﮐﮯ ﭘﻠﯿﭧ ﻓﺎﺭﻡ ﺳﮯ ﻣﺘﺎﺛﺮﯾﻦ ﮐﻮ ﻣﻌﺎﻭﺿﮧ ﺩﯾﮟ ﺗﻮ ﺗﻤﺎﻡ ﭼﯿﺰﯾﮟ ﭨﮭﯿﮏ ﮨﻮﺟﺎﺋﯿﮟ ﮔﯽ. ﻣﻌﺎﻣﻠﮧ ﭨﮭﻨﮉﺍ ﮐﺮﻧﺎ ﮨﮯ ﺗﻮ ﮨﺮ ﻣﺮﻧﮯ ﻭﺍﻟﮯ ﮐﮯ ﺍﮨﻠﺨﺎﻧﮧ ﮐﮯ لئے 4 ﻻﮐﮫ ﺭﻭﭘﮯ ﺍﯾﻢ ﮐﯿﻮ ﺍﯾﻢ ﮐﮯ پاس ﺟﻤﻊ ﮐﺮﺍﺩﯾﮟ
ﺍﺭﺷﺪ ﺑﮭﺎﺋﯿﻠﮧ ﻧﮯ ﻣﺰﯾﺪ ﺑﺘﺎﯾﺎ ﺗﮭﺎ ﮐﮧ ﺳﺎﺑﻖ ﺍﯾﻢ ﺍﯾﻦ ﺍﮮ ﺳﻠﻤﺎﻥ ﻣﺠﺎﮨﺪ ﺑﻠﻮﭺ ﻧﮯ ﺟﯿﻞ ﻣﯿﮟ ہم سے ﻣﻼﻗﺎﺕ ﮐﯽ ﺍﻭﺭ ﮐﮩﺎ ﮐﮧ ﻣﺠﮭﮯ ﻭﮐﯿﻞ ﮐﺮﻟﯿﮟ تو ﻣﯿﮟ ﻣﻌﺎﻣﻠﮧ ﭨﮭﻨﮉﺍ ﮐﺮﻭﺍ ﺩﻭﮞ ﮔﺎ. ﮨﻢ ﺟﺐ ﺿﻤﺎﻧﺖ ﭘﺮ ﺭﮨﺎ ﮨﻮﺋﮯ ﺗﻮ ﺍﯾﻢ ﮐﯿﻮ ﺍﯾﻢ ﮐﯽ ﺟﺎﻧﺐ ﺳﮯ ﮨﻢ ﭘﺮ ﺳﺨﺖ ﺩﺑﺎﻭٔ ﮈﺍﻻ ﮔﯿﺎ، ﮨﻢ ﻧﮯ مجبور ہو کر ﺍﯾﻢ ﮐﯿﻮ ﺍﯾﻢ ﮐﮯ ﺫﺭﯾﻌﮯ ﻣﻌﺎﻣﻼﺕ ﻃﮯ ﮐﺮﻧﮯ ﮐﺎ ﻓﯿﺼﻠﮧ ﮐﯿﺎ ﺍﻭﺭ ﻣﻠﺰﻡ ﻋﻠﯽ ﻗﺎﺩﺭﯼ ﮐﮯ ﺍﮐﺎﻭٔﻧﭧ ﻣﯿﮟ ﭘﺎﻧﭻ ﮐﺮﻭﮌ 98 ﻻﮐﮫ ﺭﻭﭘﮯ ﺟﻤﻊ ﮐﺮﺍﺋﮯ
یاد ﺭﮨﮯ ﮐﮧ گیارہ ﺳﺘﻤﺒﺮ 2012ع ﮐﻮ ﮐﺮﺍﭼﯽ ﮐﮯ ﻋﻼﻗﮯ ﺑﻠﺪﯾﮧ ﭨﺎﻭٔﻥ ﻣﯿﮟ ﮐﭙﮍﮮ ﮐﯽ ﻓﯿﮑﭩﺮﯼ ﻣﯿﮟ "ﻟﮕﻨﮯ” ﻭﺍﻟﯽ ﺍٓﮒ ﮐﮯ ﻧﺘﯿﺠﮯ ﻣﯿﮟ 250 ﺳﮯ ﺯﺍﺋﺪ ﺍﻓﺮﺍﺩ زندہ جل کر ﻟﻘﻤﮧء ﺍﺟﻞ ﺑﻦ ﮔﺌﮯ ﺗﮭﮯ۔ کئی سالوں کی سماعت کے بعد ﺍﻧﺴﺪﺍﺩ ﺩﮨﺸﺖ ﮔﺮﺩﯼ ﮐﯽ ﻋﺪﺍﻟﺖ ﻧﮯ بالآخر ﺳﺎﻧﺤﮧ ﺑﻠﺪﯾﮧ ﻓﯿﮑﭩﺮﯼ ﮐﯿﺲ ﮐﺎ ﻓﯿﺼﻠﮧ ﻣﺤﻔﻮﻅ ﮐﺮﻟﯿﺎ ہے جو اب سترہ ﺳﺘﻤﺒﺮ ﮐﻮ ﺳﻨﺎﯾﺎ ﺟﺎﺋﮯ ﮔﺎ.
