دنیا کا سب سے چھوٹا سولر پاور بینک اور چارجر

بیلجیئم میں دنیا کا سب سے چھوٹا سولر پاور بینک اور چارجر تیار کیا گیا ہے، جسے سن سلائس کا نام دیا گیا ہے۔ لیکن اس کے چھوٹی جسامت کے باوجود تمام روایتی شمسی چارجر کے مقابلے میں یہ تین گنا تیزرفتار اور مؤثر ہے۔ اس کی بدولت اسمارٹ فون تین گھنٹے میں چارج کیا جاسکتا ہے

اس سے اب بجلی کے بغیر جہاں اور جب چاہیں اسمارٹ فون کو چارج کرسکتے ہیں۔ ایسے علاقوں کے رہنے والے جہاں بجلی نہیں ہے یا  سیاح اور کیمپنگ کے شوقین ہر جگہ اپنا فون چارج کرسکتے ہیں اور سفر کے دوران بھی اپنا موبائل استعمال کر سکتے ہیں

اس سولر چارجر بینک میں 2.4 ایمپیئر بیٹری نصب ہے۔ یہ سولر چارجر تہہ در تہہ کھل کر ایک پٹے کی صورت اختیار کرلیتا ہے جس کے اندر لچکدار سولر پینل کھلتے چلے جاتے ہیں

اس چارجر پر بیلجیئم کے دو انجینیئروں نے غیرمعمولی کام کیا ہے اور تین سال کی مسلسل محنت کے بعد ایک نئی ٹیکنالوجی بنائی ہے جسے سن سلائس کا نام دیا گیا ہے۔ تجرباتی رپورٹ کے مطابق یہ روایتی شمسی چارجر سے بہتر کارکردگی کا حامل ہے۔ تجرباتی آزمائش کے دوران اسے سے آئی فون، اینڈروئڈ فون، گو پرو اور جی پی ایس کے آلات کے چارج کئے گئے جس کے بہترین نتائج برآمد ہوئے

اس کی خاص بات یہ ہے کہ یہ مکمل طور پر واٹر پروف اور ماحول دوست ہے۔ تاہم اس کی ڈیزائننگ کے لیے مائیکروالیکٹرانکس کے کئی جدید تصورات سے مدد لی گئی ہے۔

تکنیکی تفصیلات کے مطابق اس پر نصب سولر پینل چار واٹ کے ہیں۔ بیٹری کی گنجائش 4000 ایم اے ایچ ہے۔ اس کا مجموعی وزن 220 گرام ہے اور ہر طرح کی کیبل فراہم کی جارہی ہے۔

ابتدائی طور پر سن سلائس کی قیمت 99 یورو ہے لیکن رعایتی بنیاد پر اسے 65 ڈالر میں فروخت کیا جا رہا ہے.