لندن : برطانوی ماہرین نے ٹیکنالوجی کی دنیا میں بڑا کارنامہ سرانجام دیتے ہوئے لیزر کی مدد سے شیشے کے ایک چھوٹے سے ٹکڑے میں غیرمعمولی طور پر بہت زیادہ زیادہ ڈیٹا محفوظ کرنے میں کامیابی حاصل کی ہے
اس طریقے کی مدد سے، جسے ’فائیو ڈی آپٹیکل اسٹوریج‘ بھی کہا جاتا ہے، عام سی ڈی جتنی شیشے کی پلیٹ میں پانچ سو ٹیرابائٹ کا ڈیٹا محفوظ کیا جاسکے گا، جو سچ میں حیرت انگیز ہے
اس تحقیق کی تفصیلات ریسرچ جرنل ’آپٹیکا‘ کے تازہ شمارے میں شائع ہوئی ہیں، جن میں یہ بھی دعویٰ کیا گیا ہے، جو کہ انتہائی اہم ہے کہ ’فائیو ڈی آپٹیکل اسٹوریج‘ کے ذریعے محفوظ کیا گیا ڈیٹا کئی ارب سال تک بھی اسی طرح محفوظ رہ سکتا ہے
اس ٹیکنالوجی کے تحت شفاف سلیکا (شیشے) کے ٹکڑے میں پرت در پرت ڈیٹا محفوظ کیا جاتا ہے اور اس طرح بہت کم جگہ میں بہت زیادہ ڈیٹا سمویا جا سکتا ہے
ڈیٹا اسٹوریج کا یہ طریقہ ’سپرمین میموری کرسٹل‘ کہلاتا ہے، جسے صرف تشہیر کی غرض سے یہ نام (فائیو ڈی آپٹیکل اسٹوریج) دیا گیا ہے جس کا حقیقت سے کوئی تعلق نہیں
فائیو ڈی آپٹیکل اسٹوریج ٹیکنالوجی پر پچھلے 30 سال سے کام ہو رہا ہے، لیکن اب تک یہ عملی میدان میں استعمال کے قابل نہیں ہوسکی ہے، کیونکہ یہ مروجہ ڈیٹا اسٹوریج ٹیکنالوجیز کے مقابلے میں بہت سست رفتار ہے
آج ڈجیٹل ڈسک میں ڈیٹا لکھنے اور پڑھنے کی رفتار 500 میگابائٹ فی سیکنڈ کے لگ بھگ ہے لیکن 2017ع تک فائیو ڈی آپٹیکل اسٹوریج کی رفتار صرف تین کلوبائٹ فی سیکنڈ تھی، جو موجودہ اوسط کے مقابلے میں بہت زیادہ کم ہے
ساؤتھ ایمپٹن یونیورسٹی کے ماہرین نے حالیہ تجربات میں فائیو ڈی آپٹیکل اسٹوریج کے ذریعے ڈیٹا لکھنے اور پڑھنے کی 230 کلوبائٹ فی سیکنڈ رفتار حاصل کی ہے جو اگرچہ پہلے سے 75 گنا تیز رفتار ہے لیکن اب بھی اتنی زیادہ نہیں کہ عملی استعمال کے قابل ہوسکے؛ کیونکہ نئے تجربات میں شفاف سلیکا کے ایک مربع انچ والے ٹکڑے میں پانچ گیگابائٹ ڈیٹا لکھنے میں کئی دن لگ گئے
اس سب کے باوجود، یہ فائیو ڈی آپٹیکل اسٹوریج کے میدان میں ایک بڑی پیش رفت ہے جو بتدریج بہتر ہوتے ہوئے سیکڑوں ٹیرابائٹ گنجائش والی کمرشل ڈی وی ڈیز کو حقیقت کا روپ دے سکتا ہے.
