گلاسگو : تقریباً ہر براعظم کے لوگ ہفتے کے روز گلاسگو میں موسمیاتی تبدیلی کے سربراہی اجلاس کے چلتے، موسمیاتی انصاف کے عالمی دن کے موقع پر مارچ اور ریلیوں کے لیے جمع ہو رہے تھے
اس کے علاوہ دنیا کے دیگر ملکوں برطانیہ، فلپائن، اسکاٹ لینڈ، جنوبی کوریا، انڈونیشیا، ہالینڈ اور فرانس میں بھی ریلیاں نکالی گئیں۔ بیلجیئم میں آرم آف ایکسٹنکشن ریبیلین کے کارکن برسلز کی سڑک پر دھرنا دے کر بیٹھ گئے اور شدید احتجاج کیا
گلاسگو شہر میں بھی، جہاں کوپ-26 منعقد ہو رہی ہے ، لاکھوں لوگ سڑک پر نکلے اور مارچ کیا. مارچ میں زندگی کے ہر شعبے سے تعلق رکھنے والے لوگوں کی بڑی تعداد موجود تھی. جن کا کہنا تھا کہ بند دروازوں کے پیچھے ہونے والی بات چیت سے ہماری حوصلہ شکنی کرنا آسان ہے، لیکن ہم بارش اور سخت موسم کے باوجود ماحولیاتی تبدیلی کے باعث آنے والی تباہی سے آگاہی کے لیے یہاں موجود اور پر عزم ہیں
مارچ میں کچھ لوگوں نے شہید ناظم جوکھیو کی تصاویر بھی اٹھا رکھی تھیں ، جنہیں گذشتہ دنوں ملیر کراچی میں مقامی بااثر افراد نے اپنے غیر ملکی مہمانوں کو پرندوں کے شکار سے منع کرنے پر بے دردی سے تشدد کرکے قتل کر دیا تھا
اسکاٹ لینڈ، گلاسگو میں شدید سردی ، بارش اور یخ بستہ ہواؤں کے باوجود ہزاروں بچے، جوان، بوڑھے مرد ، عورتیں کلائمیٹ جسٹس مارچ کے لئے تاریخی پارک کلائیو گروو میں جمع ہوئے
ہر طرف گیت گائے جارہے تھے، لوگوں سرمایہ داری کے پیداواری اور ماحولیاتی جرائم کے خلاف پوسٹر، بینرز اٹھائے ماحول کے تحفظ اور انصاف پر مبنی ماحولیاتی مراجعت کے لئے جدوجہد کے نعرے لگ لگا رہے تھے
گلاسگو شہر کے مرکز میں، ڈائریکٹ ایکشن گروپ سائنٹسٹ ریبلین نے تقریباً 11.30 بجے کنگ جارج پنجم پل کو بلاک کر دیا، جو جنوب کی طرف جانے والے اہم راستوں میں سے ایک تھا۔ 20 سے زیادہ سائنسدان، طالب علموں سے لے کر ایک ریٹائرڈ پروفیسر تک، سبھی لیب کوٹ پہنے ہوئے تھے۔ سرگرم ماہرین تعلیم کے اتحاد کا خیال ہے کہ ماحولیاتی بحران کی انتہا کی طرف توجہ مبذول کرنے کے لیے عدم تشدد پر مبنی سول نافرمانی ہی واحد آپشن ہے
ٹم ہیولٹ، شریک بانی ڈائریکٹ ایکشن گروپ سائنٹسٹ ریبلین کا کہنا تھا کہ حقیقت میں، 1995 میں COP1 کے بعد سے گرین ہاؤس گیس کا اخراج بڑھا ہے۔ اس لیے ہم یہاں طاقت سے سچ بولنے کے لیے جمع نہیں ہوئے کیونکہ وہ یہ سن پہلے ہی جانتے ہیں – لیکن بے اختیار لوگوں کے لیے اور اپنی آواز بلند کرنے کے لیے جمع ہوئے ہیں "۔ ہیولٹ نے مزید کہا کہ پل شام 4 بجے سے پہلے تک بلاک کر دیا گیا تھا، اور گروپ نے کہا کہ 21 افراد کو گرفتار کر لیا گیا ہے
مظاہرین کا کہنا تھا کہ ماحولیاتی تبدیلی سے تباہی بہت واضح ہے، ملکی سربراہان کو ہمیں سننا ہوگا اور سات نسلوں کے آگے سوچنا شروع کرنا ہوگا، نہ کہ محض آج کے لیے
سرد موسم کے باوجود، کلائیمیٹ جسٹس مارچ کا ماحول گرم تھا اور شرکاء نعرے نعرے لگا رہے تھے کہ Cop26 میں شریک عالمی رہنماؤ! آپ کی بے عملی ہمیں بیمار کر دیتی ہے
لندن میں ہزاروں مظاہرین، بشمول ٹریڈ یونینسٹ، مہاجرین کے حقوق کے گروپ، طلباء اور ماہرین ماحولیات نے بینک آف انگلینڈ سے ٹریفلگر اسکوائر تک مارچ کیا
مظاہرین نے بار بار مایوسی کا اظہار کیا کہ سیاست دان موسمیاتی ہنگامی صورتحال سے نمٹنے کے لیے مطلوبہ اقدامات اٹھانے میں ناکام ہو چکے ہیں۔ آکسفورڈ سے تعلق رکھنے والی اکتالیس سالہ پاؤلا سومریسا نے کہا کہ ہمارے پاس وقت نہیں ہے۔ ‘عزائم اور مستقبل میں کیا ہونے والا ہے’ کے بارے میں بیانات دینا بہت اچھا ہے لیکن ہمیں فوری طور پر عملی اقدامات کرنے کی ضرورت ہے۔
