ﺟﺎﭘﺎﻧﯽ ﮐﻤﭙﻨﯽ ﻧﮯ ﺍﯾﮏ ﺍﯾﺴﺎ ﻣﺎﺳﮏ ﺗﯿﺎﺭ ﮐﯿﺎ ﮨﮯ، ﺟﻮ ﺳﻤﺎﺟﯽ ﻓﺎﺻﻠﮯ ﮐﮯ ﻭﻗﺖ ﺍٓﭖ ﮐﯽ ﺍٓﻭﺍﺯ ﮐﻮ نہ صرف ﺑﮍﮬﺎتا ہے بلکہ آپ کی بات کوﺍٓﭨﮫ ﺯﺑﺎﻧﻮﮞ ﻣﯿﮟ ﺗﺮﺟﻤﮧ بھی ﮐﺮﺳﮑﺘﺎ ﮨﮯ
ایک طرف ﮐﻮﺭﻭﻧﺎ ﻭﺍﺋﺮﺱ ﻭﺑﺎ میں ﻓﯿﺲ ﻣﺎﺳﮏ ﻟﮕﺎﻧﺎ ﻻﺯﻣﯽ ٹھہرا تو دوسری طرف مختلف کمپنیوں نے اس عام سی چیز کو خاص روپ دینے کے جتن شروع کر دیے۔ ﺍﺱ ﺿﻤﻦ ﻣﯿﮟ ﺍﯾﮏ ﺟﺎﭘﺎﻧﯽ ﮐﻤﭙﻨﯽ ﻧﮯ ﺍﯾﮏ ﺍﯾﺴﺎ ﻣﺎﺳﮏ ﺗﯿﺎﺭ ﮐﯿﺎ ﮨﮯ ﺟﻮ ﺳﻤﺎﺟﯽ ﻓﺎﺻﻠﮯ ﮐﮯ ﻭﻗﺖ ﺍٓﭖ ﮐﯽ ﺍٓﻭﺍﺯ ﮐﻮ ﺑﮍﮬﺎتا ﺍﻭﺭ اسے ﺍٓﭨﮫ ﺯﺑﺎﻧﻮﮞ ﻣﯿﮟ ﺗﺮﺟﻤﮧ ﮐﺮﺳﮑﺘﺎ ﮨﮯ۔
ﯾﮧ ایک ایسا ﻣﺎﺳﮏ ہے، ﺍﯾﮏ ﺍﯾﭗ ﮐﮯ ﺫﺭﯾﻌﮯ ﮐﺎﻡ ﮐﺮﺗﺎ ﮨﮯ ﺍﻭﺭ ﺍﮔﺮ ﺍٓﭖ ﮐﭽﮫ ﮐﮩﮧ ﺭﮨﮯ ﮨﯿﮟ ﺗﻮ ﯾﮧ ﺍﺱ ﮐﺎ ﺗﺮﺟﻤﮧ ﮐﺌﯽ ﺯﺑﺎﻧﻮﮞ ﻣﯿﮟ ﮐﺮﺳﮑﺘﺎ ﮨﮯ ﺍﻭﺭ ﺍﮔﺮ آپ ﺳﻤﺎﺟﯽ ﻓﺎﺻﻠﮯ ﮐﯽ ﻭﺟﮧ ﺳﮯ ﺍﭘﻨﯽ ﺍٓﻭﺍﺯ ﺩﻭﺳﺮﮮ ﺗﮏ ﭘﮩﻨﭽﺎ نہیں پا رہے ﺗﻮ یہ ﻣﺎﺳﮏ ﺍﯾﮏ فکس ﻻﻭٔﮈ ﺍﺳﭙﯿﮑﺮ ﮐﮯ ﺫﺭﯾﻌﮯ ﺍٓﭖ ﮐﯽ ﺍٓﻭﺍﺯ ﮐﻮ ﺑﮍﮬﺎ ﺳﮑﺘﺎ ﮨﮯ۔ ﺍﺱ ﻃﺮﺡ ﺳﻤﺎﺟﯽ ﻓﺎﺻﻠﮧ ﺍﻭﺭ ﮔﻔﺘﮕﻮ ﻣﯿﮟ ﺍٓﺳﺎﻧﯽ ﮐﮯ ﻟﯿﮯ ﺍﺏ ﯾﮧ ﻣﺎﺳﮏ ﻣﺪﺩ ﮔﺎﺭ ﺛﺎﺑﺖ ﮨﻮﮔﺎ
ﮐﻤﭙﻨﯽ ﮐﮯ ترجمان نے بتایا ہے ﺍﺱ ﻣﺎﺳﮏ ﻣﯿﮟ ﺳﺎﻣﻨﮯ ﮐﯽ ﺟﺎﻧﺐ ﺳﺎﻧﺲ ﻟﯿﻨﮯ ﮐﮯ ﻟﯿﮯ جالی نما ﺳﻮﺭﺍﺥ ﺑﻨﺎﺋﮯ ﮔﺌﮯ ﮨﯿﮟ، جن ﮐﺎ ﺍﺻﻞ ﮐﺎﻡ ﺗﺮﺟﻤﮧ ﮐﺮﻧﺎ ﺍﻭﺭ ﺍٓﭖ ﮐﯽ ﺍٓﻭﺍﺯ ﮐﻮ ﺑﮍﮬﺎ ﮐﺮ ﭘﯿﺶ ﮐﺮﻧﺎ ﮨﮯ۔ یہ ماسک ﭘﻼﺳﭩﮏ ﺍﻭﺭ ﺳﻠﯿﮑﻮﻥ ﺳﮯ ﺑﻨﺎﯾﺎ ﮔﯿﺎ ﮨﮯ
کمپنی ترجمان کے مطابق ﺍﺱ ﻣﺎﺳﮏ ﻣﯿﮟ ﺍﯾﮏ ﺟﺪﯾﺪ ﺗﺮﯾﻦ ﻣﺎﺋﯿﮑﺮﻭ ﭼِﭗ ﻧﺼﺐ ﮨﮯ ﺟﻮ ماسک کو ﭘﮩﻨﻨﮯ ﻭﺍﻟﮯ ﮐﮯ ﺍﺳﻤﺎﺭﭦ ﻓﻮﻥ ﺳﮯ ﺑﻠﯿﻮ ﭨﻮﺗﮫ ﯾﺎ ﻭﺍﺋﯽ ﻓﺎﺋﯽ کے ذریعے کنیکٹ کرتی ﮨﮯ۔ ﺍﺱ ﻃﺮﺡ ﺍٓﭖ اپنی بات اسپینش، ﻓﺮینچ، ﭼﯿﻨﯽ، ﮐﻮﺭﯾﺎﺋﯽ، ﻭﯾﺖ ﻧﺎﻣﯽ، ﺍﻧﮉﻭﻧﯿﺸﯿﺎﺋﯽ، ﺍﻧﮕﺮﯾﺰﯼ ﺍﻭﺭ ﺟﺎﭘﺎﻧﯽ ﺯﺑﺎﻧﻮﮞ ﻣﯿﮟ ﺗﺮﺟﻤﮧ ﮐﺮ ﺳﮑﺘﮯ ﮨﯿﮟ
ﺍﻥ ﺍٓﭨﮭﻮﮞ ﺯﺑﺎﻧﻮﮞ ﮐﻮ ﺍﯾﮏ ﺩﻭﺳﺮﮮ ﻣﯿﮟ ﺗﺮﺟﻤﮧ ﮐﯿﺎ ﺟﺎﺳﮑﺘﺎ ﮨﮯ۔ ﭘﮩﻠﮯ ﯾﮧ ﮐﻤﭙﻨﯽ ﺻﺮﻑ ﺍﯾﮏ ﻣﺘﺮﺟﻢ ﺍٓﻟﮧ ﺑﻨﺎﻧﺎ ﭼﺎﮨﺘﯽ ﺗﮭﯽ، ﻟﯿﮑﻦ ﮐﻮﻭﯾﮉ-19 ﺍٓﻧﮯ ﮐﮯ ﺑﻌﺪ ﺍس آلے کو ﻓﯿﺲ ﻣﺎﺳﮏ ﻣﯿﮟ ﺗﺒﺪﯾﻞ ﮐﺮنے کا فیصلہ کیا ﮔﯿﺎ
ﻣﺎﮨﺮﯾﻦ ﮐﺎ ﮐﮩﻨﺎ ﮨﮯ ﮐﮧ ﯾﮧ ﻣﺘﺮﺟﻢ ﻣﺎﺳﮏ ﺍﯾﺴﮯ ﺳﯿﺎﺣﻮﮞ ﮐﮯ ﻟﯿﮯ ﺑﻨﺎﯾﺎ ﮔﯿﺎ ﮨﮯ ﺟﻮ کسی ملک میں بولی جانے والی ﺯﺑﺎﻥ ﻧﮧ ﺟﺎﻧﻨﮯ ﮐﯽ ﻭﺟﮧ ﺳﮯ ﻣﺸﮑﻼﺕ ﮐﮯ ﺷﮑﺎﺭ ﮨﻮﺗﮯ ﮨﯿﮟ.
