سری لنکا کے سابق اسپنر مرلی دھرن پر بننے والی فلم ’800‘ کے ڈائریکٹر سینو راماسوامی کو بھی جان سے مارنے کی دھمکیاں ملنے لگیں۔
تفصیلات کے مطابق مرلی دھرن پر بننے والی فلم ’800‘ کے ڈائریکٹر سینو راماسوامی کو جان سے مارنے کی دھمکیاں ملی ہیں، اس بات کی نشاندہی فلم ڈائریکٹر سینو راما سوامی نے سماجی رابطوں کی ویب سائٹ ٹوئٹر پر اپنی ایک ٹویٹ میں کی ہے، انہوں نے تامل ناڈو کے وزیراعلیٰ سے فوری طور پر اس کا نوٹس لینے کا مطالبہ بھی کیا ہے
بعد ازاں میڈیا سے بات چیت کے دوران راما سوامی کا کہنا تھا کہ معروف اداکار وجے سیتھو پاتھی کے فلم سے الگ ہونے پر میں نے غصے کا اظہار کیا تھا، اس کے بعد واٹس ایپ اور ایس ایم ایس کے ذریعے مجھے دھمکیاں دی گئیں، بعد میں میری اس معاملے پر سیتھو پاتھی سے بات ہوگئی تھی اور معاملہ ختم بھی ہوچکا ہے.
