اسمارٹ فون کے معاملات پر نظر رکھنے والی ویب سائٹ سے منسلک تجزیہ کاروں نے کہا ہے کہ 2021ع میں سام سنگ اپنی توجہ زیڈ سیریز کے فولڈیبل (تہہ ہونے والے) فون پر رکھے گا جس کے لیے وہ تہہ ہونے والے ان فون کی قیمتوں میں کمی کر0کے اسے صارفین کی بڑی تعداد تک پہنچانا چاہتا ہے
دوسری جانب سام سنگ کے اندرونی حلقوں نے بھی کہا ہے کہ اب بھی زیڈ سیریز اور فولڈ ہونے والے فون کی گنجائش اور طلب موجود ہے، لیکن اس کی ہوش ربا قیمت اس میں سب سے بڑی رکاوٹ ہے۔ اب 2021ع میں سام سنگ گیلکسی زیڈ فولڈ تھری اور زیڈ فلپ تھری کے نئے ماڈل پیش کرے گی اور یہ کہا جارہا ہے کہ انہیں صارفین کے لیے کم خرچ بنایا جائے گا۔
ای ٹی ویب سائٹ کے مطابق اگلے سال کی وسط تک گیلکسی چار فولڈیبل ماڈل پیش کرے گا لیکن شاید یہ اگست اور ستمبر میں ہی فروخت کے لیے پیش کئے جاسکیں اس دوران سام سنگ شاید اپنی نوٹ سیریز کو فروخت کرنے کی کوشش کرے گا
ذرائع کے مطابق زیڈ فولڈ تھری میں میں پہلی مرتبہ ایس فون کی سہولت شامل ہوگی اور اسی بنا پر تجزیہ کاروں نے کہا ہے کہ شاید اب نوٹ سیریز قصہ پارینہ بن جائے گا۔ اس کے علاوہ زیڈ فولڈ کی قیمت مروجہ اچھے اسمارٹ فون ماڈل کی طرح کم رکھی جائے گی۔ یعنی اس کی قیمت گوگل پکسل اور آئی فون کے قریب ہی ہوگی
لیکن اس سے بھی پہلے 2020ع سے ہی فولڈ ای اور فولڈ لائٹ کی خبریں بھی گردش کرتی رہی ہیں اسی لیے اگلا سال سام سنگ اسمارٹ فون صارفین کے لئے بہت سے نئے ماڈل کے ساتھ طلوع ہوگا جن میں ہرفولڈیبل فون کسی طرح بھی نظرانداز نہیں کئے جا سکتے
واضح رہے کہ گیلکسی زیڈ فولڈ ٹو کو بار بار کھولنے اور بند کرنے سے اسکرین پر نشان ظاہر ہونے کی شکایات عام تھیں اور اتنے قیمتی فون کے ساتھ صارفین اس طرح کا فون لینے کے حق میں نہ تھے۔ یہی وجہ ہے کہ عوامی رائے یہ ہے کہ فولڈیبل فون کی قیمت ایک ہزار ڈالر سے زائد نہیں ہونی چاہیے.
