ﺍﯾﮏ ﺑﯿﻦ ﺍﻻﻗﻮﺍﻣﯽ ﺍﺩﺍﺭﮮ ﮐﺎ ﻧﺎﻡ ﮨﮯ، ﺍٓﺋﯽ ﺍﯾﻢ ﺍﯾﻒ۔ ﯾﻌﻨﯽ ﺍﻧﭩﺮﻧﯿﺸﻨﻞ ﻣﺎﻧﯿﭩﺮﯼ ﻓﻨﮉ۔ ﺳﻠﯿﺲ ﺍﺭﺩﻭ ﻣﯿﮟ ﺍﺱ ﺍﺩﺍﺭﮮ ﮐﻮ ﺍٓﭖ ﺑﯿﻦ ﺍﻻﻗﻮﺍﻣﯽ ﻣﺎﻟﯿﺎﺗﯽ ﺍﺩﺍﺭﮦ ﮐﮩﮧ ﺳﮑﺘﮯ ﮨﯿﮟ۔ ﯾﮧ ﺍﺩﺍﺭﮦ ﻏﺮﯾﺐ ﺍﻭﺭ ﻧﺎﺩﺍﺭ ﻣﻤﺎﻟﮏ ﮐﯽ ﻣﺎﻟﯿﺎﺗﯽ ﺩﯾﮑﮫ ﺑﮭﺎﻝ ﺍﻭﺭ ﺍﻣﺪﺍﺩ ﮐﺮﺗﺎ ﮨﮯ ۔ﺩﻧﯿﺎ ﮐﮯ ﺳﺨﯽ ﺑﺎﺑﺎ ﻣﻤﺎﻟﮏ ﺍﺱ ﺍﺩﺍﺭﮮ ﮐﻮ ﭼﻼﺗﮯ ﮨﯿﮟ۔ ﮨﻤﺎﺭﮮ ﺩﯾﺮﯾﻨﮧ ﺩﺷﻤﻦ ﻣﻤﺎﻟﮏ ﺍﺱ ﺍﺩﺍﺭﮮ ﮐﻮ ﭼﻼﻧﮯ ﻭﺍﻟﮯ ﻣﻤﺎﻟﮏ ﮐﯽ ﻓﮩﺮﺳﺖ ﻣﯿﮟ ﺷﺎﻣﻞ ﮨﯿﮟ، ﮨﻢ ﺍﺱ ﺍﺩﺍﺭﮮ ﺳﮯ ﻣﺎﻟﯽ ﻣﻌﺎﻭﻧﺖ ﺍﻭﺭ ﺍﻣﺪﺍﺩ ﻟﯿﻨﮯ ﻭﺍﻟﮯ ﻣﻤﺎﻟﮏ ﻣﯿﮟ ﺷﺎﻣﻞ ﮨﯿﮟ۔ ﻣﮕﺮ ﺍٓﭖ ﮔﮭﺒﺮﺍﺋﯿﮟ ﻣﺖ۔ ﺍﮔﺮ ﮐﭙﺘﺎﻥ ﻻﺟﻮﺍﺏ ﮨﻮ ﺗﻮ ﭘﮭﺮ ﮐﮭﮍﻭﺱ ﺳﮯ ﮐﮭﮍﻭﺱ ﭨﯿﻢ ﺑﮭﯽ ﻏﯿﺮ ﻣﻌﻤﻮﻟﯽ ﮐﺎﺭﻧﺎﻣﮯ ﮐﺮ ﮐﮯ ﺩﮐﮭﺎ ﺳﮑﺘﯽ ﮨﮯ۔ ﺍٓﭖ ﺩﯾﮑﮫ ﻟﯿﺠﺌﮯ ﮔﺎ۔ ﻋﻨﻘﺮﯾﺐ ﮨﻢ ﺍٓﺋﯽ ﺍﯾﻢ ﺍﯾﻒ ﮐﻮ ﭼﻼﻧﮯ ﻭﺍﻟﮯ ﻣﻤﺎﻟﮏ ﮐﯽ ﻓﮩﺮﺳﺖ ﻣﯿﮟ ﺷﺎﻣﻞ ﮨﻮﻧﮕﮯ… ﺍﻭﺭ ﭘﮭﺮ ﺩﯾﮑﮭﺘﮯ ﮨﯽ ﺩﯾﮑﮭﺘﮯ ﺳﺮ ﻓﮩﺮﺳﺖ ﮨﻮﻧﮕﮯ ۔ ﯾﮧ ﻭﻗﺖ ﻭﻗﺖ ﮐﯽ ﺑﺎﺕ ﮨﮯ۔ ﺳﺮﺩﺳﺖ ﮨﻢ ﺍٓﺋﯽ ﺍﯾﻢ ﺍﯾﻒ ﺳﮯ ﻣﺎﻟﯽ ﻣﻌﺎﻭﻧﺖ ﺍﻭﺭ ﺍﻣﺪﺍﺩ ﻟﯿﻨﮯ ﻭﺍﻟﮯ ﻣﻤﺎﻟﮏ ﮐﯽ ﻓﮩﺮﺳﺖ ﻣﯿﮟ ﻧﻤﺎﯾﺎﮞ ﻧﻤﺒﺮ ﭘﺮ ﻣﻮﺟﻮﺩ ﮨﯿﮟ۔ ﮨﻢ ﻏﯿﺮ ﻣﻌﻤﻮﻟﯽ ﮐﺎﺭﻧﺎﻣﮯ ﺗﺐ ﺳﺮ ﺍﻧﺠﺎﻡ ﺩﮮ ﺳﮑﺘﮯ ﮨﯿﮟ ﺟﺐ ﮨﻢ ﭘﮭﻨﮯ ﺧﺎﻥ ﺑﻨﻨﺎ ﭼﮭﻮﮌ ﺩﯾﮟ۔
ﺍٓﺋﯽ ﺍﯾﻢ ﺍﯾﻒ ﺳﮯ ﻣﻠﻨﮯ ﻭﺍﻟﯽ ﻣﻌﺎﻭﻧﺖ ﺍﻭﺭ ﺍﻣﺪﺍﺩ ﮐﮍﯼ ﺗﻨﻘﯿﺪ ﺳﮯ ﻧﺘﮭﯽ ﮨﻮﺗﯽ ﮨﮯ۔ ﺍﮔﺮ ﺍٓﭖ ﮐﻮ ﻟﻔﻆ ﻧﺘﮭﯽ ﺍﭼﮭﺎ ﻧﮩﯿﮟ ﻟﮕﺘﺎ ﺗﻮ ﭘﮭﺮ ﻧﺘﮭﯽ ﮐﯽ ﺟﮕﮧ ﺍٓﭖ ﻟﻔﻆ ﻣﺸﺮﻭﻁ ﺍﺳﺘﻌﻤﺎﻝ ﮐﺮ ﺳﮑﺘﮯ ﮨﯿﮟ۔ ﺍٓﺋﯽ ﺍﯾﻢ ﺍﯾﻒ ﮐﮯ ﻣﺎﮨﺮﯾﻦ ﺍﻣﺪﺍﺩ ﺍﻭﺭ ﻣﺎﻟﯽ ﻣﻌﺎﻭﻧﺖ ﻟﯿﻨﮯ ﻭﺍﻟﮯ ﻣﻤﺎﻟﮏ ﮐﯽ ﺍٓﻣﺪﻧﯽ ﺍﻭﺭ ﺍﺧﺮﺍﺟﺎﺕ ﭘﺮ ﻟﮕﺎﺗﺎﺭ ﻧﻈﺮ ﺭﮐﮭﺘﮯ ﮨﯿﮟ۔ ﮨﻤﺎﺭﮮ ﺍٓﻧﮯ ﺍﻭﺭ ﺟﺎﻧﮯ ﻭﺍﻟﮯ ﺣﮑﻤﺮﺍﻥ ﺳﯿﻨﮧ ﺗﺎﻥ ﮐﺮ ﺑﺘﺎﺗﮯ ﺭﮨﺘﮯ ﮨﯿﮟ ﮐﮧ ﮨﻤﺎﺭﮮ ﭘﺎﺱ ﺍﯾﭩﻢ ﺑﻢ ﮨﯿﮟ۔ ﮨﻤﺎﺭﮮ ﭘﺎﺱ ﺳﻮﻧﮯ ،ﭼﺎﻧﺪﯼ ،ﭘﯿﺘﻞ، ﺍﻭﺭ ﺗﺎﻧﺒﮯ ﮐﮯ ﻻ ﻣﺤﺪﻭﺩ ﺫﺧﺎﺋﺮ ﮨﯿﮟ۔ ﮔﻨﺪﻡ ، ﭼﺎﻭﻝ، ﮐﭙﺎﺱ ، ﭘﮭﻞ ، ﺳﺒﺰﯾﻮﮞ ﺍﻭﺭ ﮨﺮ ﻧﻮﻋﯿﺖ ﮐﯽ ﺯﺭﻋﯽ ﭘﯿﺪﺍﻭﺍﺭ ﻣﯿﮟ ﮨﻢ ﺧﻮﺩ ﮐﻔﯿﻞ ﮨﯿﮟ، ﺑﻠﮑﮧ ﻭﺍﻓﺮ ﭘﯿﺪﺍﻭﺍﺭ ﮐﮯ ﺩﮬﻨﯽ ﮨﯿﮟ۔ ﮨﻢ ﺑﮭﻮﮐﮯ، ﻣﻔﻠﺲ ﺍﻭﺭ ﻧﺎﺩﺍﺭ ﻣﻤﺎﻟﮏ ﮐﻮ ﮐﮭﺎﻧﮯ ﭘﯿﻨﮯ ﮐﯽ ﺍﺷﯿﺎ ﺑﮭﯿﺠﺘﮯ ﺭﮨﺘﮯ ﮨﯿﮟ۔
ﺍٓﺋﯽ ﺍﯾﻢ ﺍﯾﻒ ﮐﮯ ﻣﺎﮨﺮﯾﻦ ﺍﭘﻨﮯ ﺑﺎﻝ ﻧﻮﭼﺘﮯ ﺭﮨﺘﮯ ﮨﯿﮟ۔ ﺍﻥ ﮐﯽ ﺳﻤﺠﮫ ﻣﯿﮟ ﻧﮩﯿﮟ ﺍٓﺗﺎ ﮐﮧ ﻗﺪﺭﺗﯽ ﺫﺧﺎﺋﺮ ﺳﮯ ﻣﺎﻻ ﻣﺎﻝ ﻣﻠﮏ ﻣﺎﻟﯽ ﺧﺴﺎﺭﮮ ﻣﯿﮟ ﮐﯿﻮﮞ ﺭﮨﺘﺎ ﮨﮯ؟ ﻣﺎﮨﺮﯾﻦ ﮐﻮ ﯾﻘﯿﻦ ﮨﮯ ﮐﮧ ﭘﺎﮐﺴﺘﺎﻥ ﻣﯿﮟ ﮐﮩﯿﮟ ﻧﮧ ﮐﮩﯿﮟ ﺷﺎﮦ ﺧﺮﭼﯿﺎﮞ ﮨﻮ ﺭﮨﯽ ﮨﯿﮟ۔ ﯾﺎ ﭘﮭﺮ ﺑﺎﺍﺛﺮ ﺑﺎﺩﺷﺎﮨﻮﮞ ﮐﮯ ﮨﺎﺗﮫ ﺧﺰﺍﻧﻮﮞ ﮐﯽ ﮐﻨﺠﯿﺎﮞ ﻟﮓ ﮔﺌﯽ ﮨﯿﮟ!
ﺍٓﺋﯽ ﺍﯾﻢ ﺍﯾﻒ ﮐﮯ ﻣﺎﮨﺮﯾﻦ ﮐﻮ ﺷﮏ ﺗﮭﺎ ﮐﮧ ﮨﻤﺎﺭﮮ ﺣﮑﻤﺮﺍﻥ ﻣﺮﺍﻋﺎﺕ ﮐﮯ ﻧﺎﻡ ﭘﺮ ﺩﻭﻟﺖ ﮐﮯ ﺍﻧﺒﺎﺭ ﺍﭘﻨﮯ ﺍٓﭖ ﭘﺮ ﻟﭩﺎ ﺭﮨﮯ ﮨﯿﮟ۔ ﻣﮕﺮ ﮐﮭﻮﺟﯿﻮﮞ ﻧﮯ ﺍﻥ ﮐﮯ ﺷﺒﮩﺎﺕ ﺩﻭﺭ ﮐﺮ ﺩﯾﮯ ﮨﯿﮟ۔ ﮨﻤﺎﺭﮮ ﺻﺪﺭ ﻣﻤﻠﮑﺖ، ﻭﺯﯾﺮ ﺍﻋﻈﻢ، ﻭﺯﺭﺍ، ﻣﺸﯿﺮﻭﮞ ﮐﮯ ﭨﻮﻟﮯ ،ﺍﯾﻢ ﺍﯾﻦ ﺍﯾﺰ ، ﺍﯾﻢ ﭘﯽ ﺍﯾﺰ، ﺍﻭﺭ ﺳﯿﻨﯿﭩﺮ ﺍﻋﻠﯽٰ ﻧﺴﻞ ﮐﯽ ﮔﺎﮌﯾﻮﮞ ﮐﯽ ﻗﻄﺎﺭ ﻧﮩﯿﮟ ﺭﮐﮭﺘﮯ۔ ﻣﺤﻞ ﻧﻤﺎ ﮐﻮﭨﮭﯿﻮﮞ ﻣﯿﮟ ﻧﮩﯿﮟ ﺭﮨﺘﮯ۔ ﮨﻮﺍﺋﯽ ﺟﮩﺎﺯﻭﮞ ﮐﻮ ﮐﺘﮭﺎ ﭼﻮﻧﺎ ﺧﺮﯾﺪﻧﮯ ﻧﮩﯿﮟ ﺑﮭﯿﺠﺘﮯ.. ﺍﻭﺭ ﮨﻤﺎﺭﮮ ﺍﮔﻠﮯ ﭘﭽﮭﻠﮯ ﺣﺎﮐﻤﻮﮞ ﮐﮯ ﺑﺎﺭﮮ ﻣﯿﮟ یہ ﻣﺸﮩﻮﺭ ﮨﮯ ﮐﮧ ﻭﮦ ﺍﭘﻨﮯ ﻭﺍﺭﺛﻮﮞ ﺍﻭﺭ ﻭﻟﯽ ﻋﮩﺪﻭﮞ ﮐﯽ ﺷﺎﺩﯼ ﺑﯿﺎﮦ ﭘﺮ ﺍﺭﺑﻮﮞ ﺭﻭﭘﮯ ﭘﺎﻧﯽ ﮐﯽ ﻃﺮﺡ ﺑﮩﺎ ﺩﯾﺘﮯ ﮨﯿﮟ، ﻗﻄﻌﯽ ﻏﻠﻂ ﺍﻟﺰﺍﻡ ﮨﮯ۔ ﺍﻋﻠﯽٰ ﺍﻓﺴﺮﺍﻥ ﮐﯽ ﺑﮩﺘﺎﺕ ﺍﻭﺭ ﺍﻥ ﮐﮯ ﺭﮨﻦ ﺳﮩﻦ، ﻋﻼﺝ ﻣﻌﺎﻟﺠﮧ ، ﺩﻧﯿﺎ ﺑﮭﺮ ﮐﮯ ﺩﻭﺭﻭﮞ ﭘﺮ ﺍﭨﮭﻨﮯ ﻭﺍﻟﮯ ﺍﺭﺑﻮﮞ ﺭﻭﭘﻮﮞ ﮐﮯ ﻗﺼﮯ صرف ﻣﻔﺮﻭﺿﮯ ﮨﯿﮟ، ﺍﻥ ﻣﯿﮟ ﮐﻮﺋﯽ ﺻﺪﺍﻗﺖ ﻧﮩﯿﮟ ﮨﮯ۔ ﭘﺎﮐﺴﺘﺎﻥ ﻣﯿﮟ ﺍﻓﺴﺮﺍﻥ ﻧﮩﺎﯾﺖ ﺳﺎﺩﮔﯽ ﺳﮯ ﺍﭘﻨﮯ ﻓﺮﺍﺋﺾ ﺳﺮ ﺍﻧﺠﺎﻡ ﺩﯾﺘﮯ ﮨﯿﮟ۔ ﺍﮔﻠﮯ ﭘﭽﮭﻠﮯ ﺣﮑﻤﺮﺍﻥ ﺑﮭﯽ ﺳﺎﺩﮔﯽ ﺳﮯ ﺍﭘﻨﮯ ﻭﻟﯽ ﻋﮩﺪﻭﮞ ﮐﯽ ﺷﺎﺩﯼ ﺑﯿﺎﮦ ﮐﯽ ﺭﺳﻤﯿﮟ ﭘﻮﺭﯼ ﮐﺮﺗﮯ ﮨﯿﮟ۔ ﺍٓﺋﯽ ﺍﯾﻢ ﺍﯾﻒ ﮐﮯ ﻣﺎﮨﺮﯾﻦ ﺍﻗﺘﺼﺎﺩﯾﺎﺕ ﺣﯿﺮﺍﻥ ﮨﯿﮟ ﮐﮧ ﻗﺪﺭﺗﯽ ﺧﺰﺍﻧﻮﮞ ﺳﮯ ﻣﺎﻻ ﻣﺎﻝ ﻣﻠﮏ ﮐﺎ ﭘﯿﺴﮧ ﮐﮩﺎﮞ ﺟﺎﺗﺎ ﮨﮯ؟ ﮐﮩﺎﮞ ﺧﺮﭺ ﮨﻮﺗﺎ ﮨﮯ؟ ﺍﺱ ﻣﻠﮏ ﮐﺎ ﺍﻧﺤﺼﺎﺭ ﺍﻣﺪﺍﺩﻭﮞ ﺍﻭﺭ ﻗﺮﺿﻮﮞ ﭘﺮ ﮐﯿﻮﮞ ﮨﮯ؟
ﺑﮍﯼ ﮐﮭﻮﺝ ﮐﮯ ﺑﻌﺪ ﺍٓﺋﯽ ﺍﯾﻢ ﺍﯾﻒ ﮐﻮ ﭘﺘﮧ ﭼﻼ ﮨﮯ ﮐﮧ ﭘﺎﮐﺴﺘﺎﻥ ﻣﯿﮟ ﭘﻨﺸﻦ ﻟﯿﻨﮯ ﻭﺍﻟﮯ ﺑﮉﮬﻮﮞ ﮐﯽ ﺗﻌﺪﺍﺩ ﺑﮍﮬﺘﯽ ﺟﺎ ﺭﮨﯽ ﮨﮯ۔ ﭼﮭﺎﻥ ﺑﯿﻦ ﮐﮯ ﺑﻌﺪ ﭘﺘﺎ ﭼﻼ ﮐﮧ ﭘﻨﺸﻦ ﻟﯿﻨﮯ ﻭﺍﻟﮯ ﺑﮉﮬﻮﮞ ﻧﮯ ﺍٓﺳﺎﻧﯽ ﺳﮯ ﻣﺮﻧﺎ ﭼﮭﻮﮌ ﺩﯾﺎ ﮨﮯ۔ ﻣﺎﺿﯽ ﻣﯿﮟ ﺭﯾﭩﺎﺋﺮ ﮨﻮﻧﮯ ﻭﺍﻟﮯ ﭘﻨﺸﻨﺮ ﺩﻭ ﭼﺎﺭ ﺑﺮﺱ ﺯﻧﺪﮦ ﺭﮨﺘﮯ ﺗﮭﮯ ﺍﻭﺭ ﭘﮭﺮ ﭼﭙﮑﮯ ﺳﮯ ﮐﻮﭺ ﮐﺮ ﺟﺎﺗﮯ ﺗﮭﮯ۔ ﯾﻌﻨﯽ ﷲ ﺳﺎﺋﯿﮟ ﮐﻮ ﭘﯿﺎﺭﮮ ﮨﻮ ﺟﺎﺗﮯ ﺗﮭﮯ۔ ﺗﺐ ﻣﺸﮑﻞ ﺳﮯ ﭘﯿﻨﺴﭩﮫ ﺑﺮﺱ ﮐﮯ ﺑﮉﮬﮯ ﭼﻠﺘﮯ ﭘﮭﺮﺗﮯ ﻧﻈﺮ ﺍٓﺗﮯ ﺗﮭﮯ۔ ﺯﯾﺎﺩﮦ ﺗﺮ ﺑﮉﮬﮯ ﺍﭘﻨﮯ ﺍﭘﻨﮯ ﻋﻘﯿﺪﮮ ﮐﮯ ﻣﻄﺎﺑﻖ ﻣﺴﺠﺪﻭﮞ، ﻣﻨﺪﺭﻭﮞ، ﮐﻠﯿﺴﺎﺋﻮﮞ ﻣﯿﮟ ﻋﺒﺎﺩﺕ ﮐﺮﺗﮯ ﮨﻮﺋﮯ ﻧﻈﺮ ﺍٓﺗﮯ ﺗﮭﮯ۔ ﺍٓﺋﯽ ﺍﯾﻢ ﺍﯾﻒ ﮐﮯ ﮐﮭﻮﺟﯿﻮﮞ ﮐﻮ ﭘﺘﮧ ﭼﻼ ﮐﮧ ﺍٓﺝ ﮐﻞ ﮐﮯ ﺑﮉﮬﮯ ﭘﺎﺭﮐﻮﮞ ﻣﯿﮟ ﭼﮩﻞ ﻗﺪﻣﯽ ﺍﻭﺭ ﺟﻮﮔﻨﮓ ﮐﺮﺗﮯ ﮨﯿﮟ۔ ﮨﻠﮑﯽ ﭘﮭﻠﯽ ﻭﺭﺯﺵ ﺑﮭﯽ ﮐﺮﺗﮯ ﮨﯿﮟ۔ ﭨﯿﻠﯽ ﻭﮊﻥ ﭘﺮ ﮐﺸﺘﯽ ﺍﻭﺭ ﺑﺎﮐﺴﻨﮓ ﮐﮯ ﭘﺮﻭﮔﺮﺍﻡ ﺩﯾﮑﮭﺘﮯ ﮨﯿﮟ۔ ﯾﻮ ﭨﯿﻮﺏ ﭘﺮ ﺍﭘﻨﮯ ﺟﻮﺍﻧﯽ ﻭﺍﻟﮯ ﺩﻭﺭ ﮐﮯ ﺩﻝ ﭘﺴﻨﺪ ﮔﺎﻧﻮﮞ ﮐﯽ ﻭﯾﮉﯾﻮ ﭼﻼ ﮐﺮ ﺩﯾﮑﮭﺘﮯ ﮨﯿﮟ۔ ﻣﻮﺑﺎﺋﻞ ﻓﻮﻥ ﭘﺮ ﺍﻧﭩﺮﻧﯿﭧ ﺍﺳﺘﻌﻤﺎﻝ ﮐﺮﺗﮯ ﮨﯿﮟ۔ ﺻﺤﺖ ﺍﻭﺭ ﺗﻨﺪﺭﺳﺘﯽ ﺳﮯ ﻣﺘﻌﻠﻖ ﻭﯾﺐ ﺳﺎﺋﭩﺲ ﮐﻮ ﺳﺒﺴﮑﺮﺍﺋﺐ ﮐﺮﺗﮯ ﮨﯿﮟ ۔ﮨﺪﺍﯾﺎﺕ ﮐﮯ ﻣﻄﺎﺑﻖ ﻣﻌﺎﻟﺠﻮﮞ ﺳﮯ ﺭﺍﺑﻄﮯ ﻣﯿﮟ ﺭﮨﺘﮯ ہیں. ﻭﮦ ﺩﻥ ﮨﻮﺍ ﮨﻮﺋﮯ ﺟﺐ ﺳﺎﭨﮫ ﺑﺮﺱ ﮐﯽ ﻋﻤﺮ ﻣﯿﮟ ﺭﯾﭩﺎﺋﺮ ﮨﻮﻧﮯ ﻭﺍﻟﮯ ﭘﻨﺸﻨﺮ ﭘﯿﻨﺴﭩﮫ ﮐﯽ ﻋﻤﺮ ﺗﮏ ﭘﮩﻨﭽﻨﮯ ﺳﮯ ﭘﮩﻠﮯ ﷲ ﺳﺎﺋﯿﮟ ﮐﻮ ﭘﯿﺎﺭﮮ ﮨﻮ ﺟﺎﺗﮯ ﺗﮭﮯ۔
ﺍٓﺋﯽ ﺍﯾﻢ ﺍﯾﻒ ﮐﮯ ﻣﺎﮨﺮﯾﻦ ﻧﮯ ﭘﺘﮧ ﭼﻼ ﻟﯿﺎ ﮨﮯﮐﮧ ﻣﻠﮏ ﻣﯿﮟ ﭘﻨﺸﻨﺮﺯ ﮐﯽ ﺗﻌﺪﺍﺩ ﺍﺱ ﻗﺪﺭ ﺑﮍﮪ ﮔﺌﯽ ﮨﮯ ﮐﮧ ﺑﺠﭧ ﮐﺎ ﺍﺳﯽ ﻓﯿﺼﺪ ﺑﮉﮬﮯ ﭘﻨﺸﻨﺮﻭﮞ ﭘﺮ ﺧﺮﭺ ﮨﻮ ﺟﺎﺗﺎ ﮨﮯ۔ ﺑﺠﭧ ﮐﺎ ﺑﺎﻗﯽ، ﺩﺱ ﻓﯿﺼﺪ ،ﺩﻓﺎﻉ، ﺗﻌﻠﯿﻢ ، ﺻﺤﺖ ﻋﺎﻣﮧ، ﺯﺭﺍﻋﺖ ، ﻧﻈﻢ ﻭ ﺿﺒﻂ ﭘﺮ ﺧﺮﭺ ﮨﻮﺗﺎ ﮨﮯ۔ ﻣﺎﻟﯽ ﺣﺎﻻﺕ ﮐﻮ ﻣﺪﻧﻈﺮ ﺭﮐﮭﺘﮯ ﮨﻮﺋﮯ ﺍٓﺋﯽ ﺍﯾﻢ ﺍﯾﻒ ﻧﮯ ﺣﮑﻮﻣﺖ ﻭﻗﺖ ﭘﺮ ﺷﺮﻁ ﻋﺎﺋﺪ ﮐﺮ ﺩﯼ ﮨﮯ ﮐﮧ ﺑﮉﮬﮯ ﭘﻨﺸﻨﺮﺯ ﭘﺮ ﺍﭨﮭﻨﮯ ﻭﺍﻟﮯ ﺍﺧﺮﺍﺟﺎﺕ ﮨﺮ ﺻﻮﺭﺕ ﻣﯿﮟ ﮨﺮ ﻗﯿﻤﺖ ﭘﺮ ﮐﻢ ﮐﺮ ﺩﯾﺌﮯ ﺟﺎﺋﯿﮟ۔ ﺑﮉﮬﻮﮞ ﮐﯽ ﺗﻌﺪﺍﺩ ﮔﮭﭩﺎﻧﮯ ﮐﮯ ﻟﺌﮯ ﺳﺨﺘﯽ ﺳﮯ ﻣﻨﺼﻮﺑﮧ ﺑﻨﺪﯼ ﮐﯽ ﺟﺎﺋﮯ۔ ﺍﺱ ﺳﻠﺴﻠﮯ ﻣﯿﮟ ﺍٓﺋﯽ ﺍﯾﻢ ﺍﯾﻒ ﮐﮯ ﻣﺎﮨﺮﯾﻦ ﺑﻐﯿﺮ ﮐﺴﯽ ﻣﻌﺎﻭﺿﮯ ﮐﮯ ﺣﮑﻮﻣﺖ ﻭﻗﺖ ﮐﯽ ﻣﺪﺩ ﮐﺮﯾﮟ ﮔﮯ۔
ﻣﻨﺼﻮﺑﮧ ﺑﻨﺪﯼ ﮐﮯ ﺗﺤﺖ ﮐﺲ ﻃﺮﺡ ﺑﮉﮬﮯ ﭘﻨﺸﻨﺮﺯ ﮐﯽ ﺗﻌﺪﺍﺩ ﮐﻢ ﮐﯽ ﺟﺎﺋﮯﮔﯽ؟ ﺍﮌﺗﮯ ﺍﮌﺗﮯ ﮐﭽﮫ ﺍﺱ ﻃﺮﺡ ﮐﯽ ﺧﺒﺮﯾﮟ ﮨﻢ ﺑﮉﮬﻮﮞ ﺗﮏ ﭘﮩﻨﭽﯽ ﮨﯿﮟ ﺟﻮ ﻣﯿﮟ ﺍٓﭖ ﺳﮯ ﺍٓﻧﮯ ﻭﺍﻟﮯ ﻣﻨﮕﻞ ﮐﮯ ﺭﻭﺯ ﺷﯿﺌﺮ ﮐﺮﻭﮞ ﮔﺎ۔ ﺑﮉﮬﮯ ﭘﻨﺸﻨﺮ ﻏﯿﺮ ﻣﻌﻤﻮﻟﯽ ﭼﻮﻧﮑﺎ ﺩﯾﻨﮯ ﻭﺍﻟﮯ ﺍﻗﺪﺍﻡ ﮐﮯ ﻟﺌﮯ ﺫﮨﻨﯽ ﻃﻮﺭ ﭘﺮ ﺗﯿﺎﺭ رﮨﯿﮟ۔ ﺍﭘﻨﮯ ﻣﻠﮏ ﮐﻮ ﺍﻗﺘﺼﺎﺩﯼ ﻃﻮﺭ ﭘﺮ ﻣﺴﺘﺤﮑﻢ ﮐﺮﻧﮯ ﺍﻭﺭ ﭘﯿﺮﻭﮞ ﭘﺮ ﮐﮭﮍﺍ ﮐﺮﻧﮯ کے لیے ﭘﻨﺸﻨﺮﻭﮞ ﮐﯽ ﺗﻌﺪﺍﺩ ﮐﻢ ﮐﺮﻧﺎ ﺣﮑﻮﻣﺖ کے لیے ﻻﺯﻣﯽ ﮨﻮﭼﮑﺎ ﮨﮯ۔ ﻭﺭﻧﮧ ﺍٓﺋﯽ ﺍﯾﻢ ﺍﯾﻒ ﮨﻤﺎﺭﯼ ﻣﺎﻟﯽ ﻣﻌﺎﻭﻧﺖ ﺍﻭﺭ ﺍﻣﺪﺍﺩ ﺳﮯ ﮨﺎﺗﮫ ﮐﮭﯿﻨﭻ ﻟﮯ ﮔﺎ۔ ﻣﻠﮏ ﮐﻮ ﻣﺎﻟﯽ ﺑﺤﺮﺍﻥ ﺳﮯ ﻧﮑﺎﻟﻨﮯ کی خاطر ﭘﻨﺸﻨﺮﻭﮞ ﮐﻮ ﻗﺮﺑﺎﻧﯽ ﺩﯾﻨﮯ کے لیے ﺗﯿﺎﺭ ﺭﮨﻨﺎ ﭘﮍﮮ ﮔﺎ۔ ﭘﻨﺸﻨﺮﻭﮞ ﮐﻮ ﮔﮭﺒﺮﺍﻧﮯ ﮐﯽ ﺿﺮﻭﺭﺕ ﻧﮩﯿﮟ۔ ﺗﻌﺪﺍﺩ ﮔﮭﭩﺎﻧﮯ ﮐﯿﻠﺌﮯ ﭘﻨﺸﻨﺮﻭﮞ ﮐﻮ ﻓﺎﺋﺮﻧﮓ ﺍﺳﮑﻮﺍﮈ ﮐﮯ ﺳﺎﻣﻨﮯ ﮐﮭﮍﺍ ﻧﮩﯿﮟ ﮐﯿﺎ ﺟﺎﺋﮯ ﮔﺎ!
بشکریہ روزنامہ جنگ
