ﺳﻨﺪﮪ ﺑﻠﮉﻧﮓ ﮐﻨﭩﺮﻭﻝ ﺍﺗﮭﺎﺭﭨﯽ ﺑﻠﮉﺭﺯ ﮐﺎ ﺍﯾﺠﻨﭧ ﮨﮯ، ﭼﯿﻒ ﺟﺴﭩﺲ

ﺳﭙﺮﯾﻢ ﮐﻮﺭﭦ ﻧﮯ ﺳﻨﺪﮪ ﺑﻠﮉﻧﮓ ﮐﻨﭩﺮﻭﻝ ﺍﺗﮭﺎﺭﭨﯽ ﮐﯽ ﺭﭘﻮﺭﭦ ﭘﺮ ﻋﺪﻡ ﺍﻃﻤﯿﻨﺎﻥ ﮐﺎ ﺍﻇﮩﺎﺭ ﮐﺮتے ہوئے کہا ہے کہ ﺍﯾﺲ ﺑﯽ ﺳﯽ ﺍﮮ ﺑﻠﮉﺭﺯ ﮐﺎ ﺍﯾﺠﻨﭧ ﮨﮯ، ﺍﺗﻨﯽ ﺑﮍﯼ ﻋﻤﺎﺭﺗﯿﮟ ﺑﻦ ﺟﺎﺗﯽ ﮨﯿﮟ، ﺍﺩﺍﺭﮦ ﮐﮩﺎﮞ ﮨﻮﺗﺎ ﮨﮯ؟

ﺳﭙﺮﯾﻢ ﮐﻮﺭﭦ ﮐﺮﺍﭼﯽ ﺭﺟﺴﭩﺮﯼ ﻣﯿﮟ ﭼﯿﻒ ﺟﺴﭩﺲ ﭘﺎﮐﺴﺘﺎﻥ ﺟﺴﭩﺲ ﮔﻠﺰﺍﺭ ﺍﺣﻤﺪ ﮐﯽ ﺳﺮﺑﺮﺍﮨﯽ ﻣﯿﮟ ﺗﯿﻦ ﺭﮐﻨﯽ ﺑﯿﻨﭻ ﺍٓﺝ ﺍﮨﻢ ﻣﻘﺪﻣﺎﺕ ﮐﯽ ﺳﻤﺎﻋﺖ ﮐﺮ ﺭﮨﺎ ﮨﮯ

ﺗﺠﺎﻭﺯﺍﺕ ﮐﮯ ﺧﺎﺗﻤﮯ ﺳﮯ ﻣﺘﻌﻠﻖ ﮐﯿﺲ ﮐﯽ ﺳﻤﺎﻋﺖ ﮐﺮﺗﮯ ﮨﻮﺋﮯ ﭼﯿﻒ ﺟﺴﭩﺲ ﻧﮯ ﮐﻤﺸﻨﺮﮐﺮﺍﭼﯽ ﮐﯽ ﺗﺠﺎﻭﺯﺍﺕ ﺳﮯ ﻣﺘﻌﻠﻖ ﺭﭘﻮﺭﭦ ﭘﺮ ﺍﻇﮩﺎﺭ ﺑﺮﮨﻤﯽ ﮐﯿﺎ ﺍﻭﺭ ﺭﯾﻤﺎﺭﮐﺲ ﺩﯾﺌﮯ ﮐﮧ ﮐﻤﺸﻨﺮ ﮐﺮﺍﭼﯽ ﺳﻤﺠﮫ ﺭﮨﮯ ﮨﯿﮟ ﮐﮧ ﻋﺪﺍﻟﺖ ﮈﭘﭩﯽ ﮐﻤﺸﻨﺮ ﮐﯽ ﺭﭘﻮﺭﭦ ﭘﺮ ﮐﺎﻡ ﮐﺮﮮ ﮔﯽ

ﭼﯿﻒ ﺟﺴﭩﺲ ﻧﮯ ﮐﮩﺎ ﮐﮧ ﺍﺱ ﺭﭘﻮﺭﭦ ﻣﯿﮟ ﮨﺮ ﺟﮕﮧ ﻟﮑﮭﺎ ﮨﮯ ﺭﭘﻮﺭﭦ ﮐﺎ ﺍﻧﺘﻈﺎﺭ ﮨﮯ، ﭼﯿﻒ ﺳﯿﮑﺮﭨﺮﯼ ﺻﺎﺣﺐ ﺍٓﭖ ﺍﯾﺴﮯ ﺍﻓﺴﺮ ﻓﺎﺭﻍ ﮐﺮﯾﮟ

ﻋﺪﺍﻟﺖ ﻧﮯ ﮐﻤﺸﻨﺮ ﮐﺮﺍﭼﯽ ﭘﺮ ﺑﺮﮨﻤﯽ کا اظہار ﮐﺮﺗﮯ ﮨﻮﺋﮯ ﮐﮩﺎ ﮐﮧ ﺍٓﭖ ﮐﻮ ﻣﻌﻠﻮﻡ ﻧﮩﯿﮟ ﮨﮯ ﺍٓﭖ ﮐﯿﺎ ﮐﮩﮧ ﺭﮨﮯ ﮨﯿﮟ، آپ کو ﮐﭽﮫ ﻧﮩﯿﮟ ﭘﺘﮧ آپ ﺻﺮﻑ ﺭﺑﺮ ﺍﺳﭩﯿﻤﭗ ﮨﯿﮟ، ﭼﯿﻒ ﺟﺴﭩﺲ ﭘﺎﮐﺴﺘﺎﻥ ﻧﮯ ﺭﯾﻤﺎﺭﮐﺲ ﺩﯾﺌﮯ ﮐﮧ ﮐﻤﺸﻨﺮ ﮐﺮﺍﭼﯽ، ﮈﯼ ﺟﯽ ﺍﯾﺲ ﺑﯽ ﺳﯽ ﺍﮮ ﮐﻮ ﭘﺘﮧ ﻧﮩﯿﮟ ﺑﻌﺪ ﻣﯿﮟ ﮐﺘﻨﮯ ﻧﯿﺐ ﮐﯿﺲ ﺑﻨﯿﮟ ﮔﮯ

ﻋﺪﺍﻟﺖ ﻧﮯ ﮐﮩﺎ ﮐﮧ ﮨﻤﺎﺭﮮ ﻟﺌﮯ ﻣﺸﮑﻼﺕ ﭘﯿﺪﺍ ﮐﺮ ﺭﮨﮯ ﮨﯿﮟ ﺗﻮ ﻟﻮﮔﻮﮞ ﮐﮯ ﻟﺌﮯ ﮐﺘﻨﯽ ﻣﺸﮑﻼﺕ ﭘﯿﺪﺍ ﮐﺮﺗﮯ ﮨﻮﮞ ﮔﮯ، ﮨﻢ ﻧﮯ ﻭﺯﯾﺮ ﺍﻋﻠﯽٰ ﺳﻨﺪﮪ ﺳﮯ ﺭﭘﻮﺭﭦ ﻣﺎﻧﮕﯽ ﺗﮭﯽ ﺍﻧﮩﻮﮞ ﻧﮯ ﺑﻮﻝ ﺩﯾﺎ ﺳﺐ ﺍﭼﮭﺎ ﮨﮯ، ﻭﺯﯾﺮﺍﻋﻠﯽٰ ﮐﯽ ﺩﻭﺳﺮﯼ ﺭﭘﻮﺭﭦ ﺩﯾﮑﮭﯽ ﮨﮯ ﻭﮦ ﺭﭘﻮﺭﭦ ﺑﮭﯽ ﮐﭽﮫ ﻧﮩﯿﮟ ﮨﮯ

ﭼﯿﻒ ﺟﺴﭩﺲ ﻧﮯ ﺭﯾﻤﺎﺭﮐﺲ ﺩﯾﺌﮯ ﮐﮧ ﮨﻢ ﻧﮯ ﻣﯿﭩﻨﮓ ﮐﺎ ﮐﮩﺎ ﺗﮭﺎ ﮐﭽﮫ ﻧﮩﯿﮟ ﮐﯿﺎ ﺷﮩﺮ ﮐﮯ ﻟﺌﮯ ﻧﮧ ﮐﭽﮫ ﮐﺮﻧﺎ ﭼﺎﮨﺘﮯ ﮨﯿﮟ، ﮨﻢ ﮐﻤﺸﻨﺮ ﮐﺮﺍﭼﯽ ﮐﻮ ﮨﭩﺎﻧﮯ ﺟﺎﺭﮨﮯ ﮨﯿﮟ، ﺑﮍﯼ ﻣﻌﺬﺭﺕ ﮐﮯ ﺳﺎﺗﮫ ﺍٓﭖ ﮐﮯ ﺑﺎﺭﮮ ﻣﯿﮟ ﺍﯾﺴﺎ ﮐﮩﺎ ﻣﮕﺮ ﮨﻤﺎﺭﮮ ﺳﺎﻣﻨﮯ ﺍﯾﺴﯽ ﺭﭘﻮﺭﭦ ﮨﯿﮟ ﮐﯿﺎ ﮐﺮﯾﮟ؟

ﻋﺪﺍﻟﺖ ﻧﮯ ﺍﯾﺲ ﺑﯽ ﺳﯽ ﺍﮮ ﮐﯽ ﺭﭘﻮﺭﭦ ﭘﺮ ﻋﺪﻡ ﺍﻃﻤﯿﻨﺎﻥ ﮐﺎ ﺍﻇﮩﺎﺭ ﮐﯿﺎ، ﭼﯿﻒ ﺟﺴﭩﺲ ﻧﮯ ﮈﯼ ﺟﯽ ﺍﯾﺲ ﺑﯽ ﺳﯽ ﺍﮮ ﺳﮯ ﻣﮑﺎﻟﻤﮧ ﮐﺮﺗﮯ ﮨﻮﺋﮯ ﮐﮩﺎ ﮐﮧ ﺍٓﭖ ﺟﺎﻧﺘﮯ ﮨﯿﮟ ﺍﯾﺲ ﺑﯽ ﺳﯽ ﺍﮮ ﺑﻠﮉﺭﻭﮞ ﮐﺎ ﺍﯾﺠﻨﭧ ﮨﮯ، ﭼﯿﻒ ﺟﺴﭩﺲ ﻧﮯ ﺍﺳﺘﻔﺴﺎﺭ ﮐﯿﺎ ﮐﮧ ﺍﺗﻨﯽ ﺑﮍﯼ ﻋﻤﺎﺭﺗﯿﮟ ﺑﻦ ﺟﺎﺗﯽ ﮨﯿﮟ ﺍٓﭖ ﮐﮩﺎﮞ ﮨﻮﺗﮯ ﮨﯿﮟ؟ ﮐﻞ ﮐﻮﺋﯽ ﭼﯿﻒ ﻣﻨﺴﭩﺮ ﮨﺎﻭٔﺱ ﮐﺎ ﺍﺟﺎﺯﺍﺕ ﻧﺎﻣﮧ ﺩﮐﮭﺎ ﺩﮮ، ﺍٓﭖ ﺑﻨﺎﻧﮯ ﺩﯾﮟ ﮔﮯ؟

ﭼﯿﻒ ﺟﺴﭩﺲ ﻧﮯ ﮐﮩﺎ ﮐﮧ ﻭﻥ ﻭﻧﮉﻭ ﺍٓﭘﺮﯾﺸﻦ ﮨﻮﻧﺎ ﭼﺎﮨﯿﮯ، ﮈﯼ ﺟﯽ ﺍﯾﺲ ﺑﯽ ﺳﯽ ﺍﮮ ﻧﮯ ﮐﮩﺎ ﮐﮧ ﮨﻤﺎﺭﮮ ﭘﺎﺱ ﻭﻥ ﻭﻧﮉﻭ ﺍٓﭘﺮﯾﺸﻦ ﻣﻮﺟﻮﺩ ﮨﮯ، تو چیف جسٹس نے انہیں ٹوکتے ہوئے کہا کہ تین سو ﺳﮯ ﺯﺍﺋﺪ ﺩﺭﺧﻮﺍﺳﺘﯿﮟ ﮨﻤﺎﺭﮮ ﭘﺎﺱ ﮨﯿﮟ، ﮨﻤﺎﺭﮮ ﺳﺎﻣﻨﮯ ﺍﭘﻨﮯ ﻭﻥ ﻭﻧﮉﻭ ﺍٓﭘﺮﯾﺸﻦ ﮐﯽ ﺑﺎﺕ ﻧﮧ ﮐﺮﯾﮟ ﮨﻢ ﺟﺎﻧﺘﮯ ﮨﯿﮟ

ﮈﯼ ﺟﯽ ﺍﯾﺲ ﺑﯽ ﺳﯽ ﺍﮮ ﺳﮯ ﻣﮑﺎﻟﻤﮧ ﮐﺮﺗﮯ ﮨﻮﺋﮯ ﭼﯿﻒ ﺟﺴﭩﺲ ﻧﮯ ﮐﮩﺎ ﮐﮧ ﮐﻞ ﮐﻮﺋﯽ ﭼﯿﻒ ﻣﻨﺴﭩﺮ ﮨﺎﻭٔﺱ ﮐﺎ ﺍﺟﺎﺯﺕ ﻧﺎﻣﮧ ﺩﮐﮭﺎ ﺩﮮ، ﺍٓﭖ ﺑﻨﺎﻧﮯ ﺩﯾﮟ ﮔﮯ؟

ﭼﯿﻒ ﺟﺴﭩﺲ ﻧﮯ ﺭﯾﻤﺎﺭﮐﺲ ﻣﯿﮟ ﮐﮩﺎ ﮐﮧ ﺍﯾﮏ ﭘﻼﻥ ﻣﻨﻈﻮﺭ ﮐﺮﺍﻧﮯ ﮐﮯ ﮐﺘﻨﮯ ﭘﯿﺴﮯ ﻟﯿﺘﮯ ﮨﯿﮟ؟ ﮐﻞ ﮐﻮ ﻣﯿﺮﮮ ﮔﮭﺮ ﭘﺮ ﮐﻮﺋﯽ ﭘﻼﻥ ﻻ ﮐﺮ ﺑﻨﺎ ﺩﮮ ﮔﺎ، ﺍﯾﺲ ﺑﯽ ﺳﯽ ﺍﮮ ﭼﻼﻧﮯ ﻭﺍﻻ ﮨﺮ ﻣﮩﯿﻨﮯ ﮐﮭﺮﺑﻮﮞ ﺭﻭﭘﮯ ﺑﻨﺎ ﺭﮨﺎ ﮨﮯ، ﺳﺐ ﺭﺟﺴﭩﺮﺍﺭ ﺍٓﻓﺲ، ﺍﯾﺲ ﺑﯽ ﺳﯽ ﺍﮮ ﻣﯿﮟ ﺳﺐ ﺳﮯ ﺯﯾﺎﺩﮦ ﮐﻤﺎﺋﯽ ﮨﻮ ﺭﮨﯽ ﮨﮯ

ﮈﯼ ﺟﯽ ﺍﯾﺲ ﺑﯽ ﺳﯽ ﺍﮮ ﻧﮯ ﻋﺪﺍﻟﺖ ﮐﻮ ﺑﺘﺎﯾﺎ ﮐﮧ ﻣﯿﮟ ﻧﮯ ﺍﯾﺴﺎ ﮐﭽﮫ ﻧﮩﯿﮟ ﮐﯿﺎ، ﻋﺪﺍﻟﺖ ﻧﮯ ﮐﮩﺎ ﮐﮧ ﮨﻢ ﻧﮯ ﺍٓﭖ ﮐﺎ ﻧﺎﻡ ﻧﮩﯿﮟ ﻟﯿﺎ ﮨﮯ ﻭﮦ ﮐﻮﺋﯽ ﺍﻭﺭ ﮨﯿﮟ

ﭼﯿﻒ ﺟﺴﭩﺲ ﻧﮯ ﮐﮩﺎ ﮐﮧ ﭘﯽ ﺍﯼ ﺳﯽ ﺍﯾﭻ ﺍﯾﺲ ﻣﯿﮟ ﭘﭽﺎﺱ ﺳﺎﻝ ﺳﮯ ﮐﻮﺋﯽ ﭘﻼﭦ ﻧﮩﯿﮟ ﮨﮯ، ﺍﯾﮉﻭﻭﮐﯿﭧ ﺟﻨﺮﻝ ﺳﻨﺪﮪ ﻧﮯ ﺑﺘﺎﯾﺎ ﮐﮧ ﺭﻭﮈ ﮐﯽ ﺭﯼ ﺍﻻﻧﻤﻨﭧ ﮨﻮﺋﯽ ﮨﮯ ﺗﻮ ﭘﻼﭦ ﮐﯽ ﺟﮕﮧ ﺑﻨﯽ ﮨﮯ، ﺍﯾﺲ ﺑﯽ ﺳﯽ ﺍﮮ ﻣﺘﻌﻠﻘﮧ ﺍﺩﺍﺭﻭﮞ ﮐﯽ ﺍﺟﺎﺯﺕ ﮐﮯ ﺑﻌﺪ ﺗﻌﻤﯿﺮﺍﺕ ﮐﯽ ﺍﺟﺎﺯﺕ ﺩﯾﺘﺎ ﮨﮯ

ﭼﯿﻒ ﺟﺴﭩﺲ ﻧﮯ ﺭﯾﻤﺎﺭﮐﺲ ﺩﯾﺌﮯ ﮐﮧ ﮨﻢ ﺍﺑﮭﯽ ﭘﻼﭦ ﮐﯿﻨﺴﻞ ﮐﺮ ﺩﯾﺘﮯ ﮨﯿﮟ ﺍٓﭖ ﺟﺎﮐﺮ ﮔﺮﺍ ﺩﯾﮟ، ﺍﯾﮉﻭﻭﮐﯿﭧ ﺟﻨﺮﻝ ﺳﻨﺪﮪ ﻧﮯ ﮐﮩﺎ ﮐﮧ ﻣﺎﻟﮏ ﮐﻮ ﻧﻮﭨﺲ ﺟﺎﺭﯼ ﻧﮩﯿﮟ ﮐﯿﺎ ﮔﯿﺎ ﮨﮯ

ﭼﯿﻒ ﺟﺴﭩﺲ ﻧﮯ ﮐﻤﺸﻨﺮ ﮐﺮﺍﭼﯽ ﺳﮯ ﻣﮑﺎﻟﻤﮧ ﮐﺮﺗﮯ ﮨﻮﺋﮯ ﮐﮩﺎ ﮐﮧ ﺍٓﭖ ﮐﻮ ﺷﮩﺮ ﮐﺎ ﮐﭽﮫ ﻧﮩﯿﮟ ﭘﺘﮧ ﻋﻼﻗﻮﮞ ﮐﯽ ﺗﺎﺭﯾﺦ ﮐﺎ ﮐﭽﮫ ﭘﺘﮧ ﮨﮯ؟ ﺍﮔﺮ ﯾﮧ ﻣﺨﺘﯿﺎﺭ ﮐﺎﺭ ﻓﯿﺮﻭﺯ ﺍٓﺑﺎﺩ ﻣﯿﮟ ﺍٓﮔﺌﮯ ﺗﻮ ﮐﺮﺍﭼﯽ ﮐﺮﺍﭼﯽ ﻧﮩﯿﮟ ﺭﮨﮯ ﮔﺎ، ﻭﺯﯾﺮ ﺍﻋﻠﯽٰ ﺳﻨﺪﮪ ﺍٓﺋﯿﮟ ﺍﻭﺭ ﺑﺘﺎﺋﯿﮟ ﯾﮧ ﻣﺨﺘﯿﺎﺭ ﮐﺎﺭ ﮐﯿﺴﮯ ﮐﺎﻡ ﮐ ﺮﺭﮨﮯ ﮨﯿﮟ؟

ﺍﯾﮉﻭﻭﮐﯿﭧ ﺟﻨﺮﻝ ﺳﻨﺪﮪ ﻧﮯ ﮐﮩﺎ ﮐﮧ ﮐﻞ ﺗﮏ ﮐﯽ ﻣﮩﻠﺖ ﺩﮮ ﺩﯾﮟ، ﭼﯿﻒ ﺟﺴﭩﺲ ﺍٓﻑ ﭘﺎﮐﺴﺘﺎﻥ ﻧﮯ ﺭﯾﻤﺎﺭﮐﺲ ﺩﯾﺌﮯ ﮐﮧ ﺍﺑﮭﯽ ﺗﻮ ﮈﯼ ﺍﯾﭻ ﺍﮮ ﮐﺎ ﻣﺨﺘﯿﺎﺭ ﮐﺎﺭ ﺍٓﻧﮯ ﻭﺍﻻ ﮨﮯ، ﺍﯾﮉﻭﻭﮐﯿﭧ ﺟﻨﺮﻝ ﺻﺎﺣﺐ ﺍﯾﺴﯽ ﺑﺎﺗﯿﮟ ﮐﺮﺭﮨﮯ ﮨﯿﮟ ﺟﯿﺴﮯ ﮐﭽﮫ ﻣﻌﻠﻮﻡ ﮨﯽ ﻧﮩﯿﮟ ﮨﮯ

ﮐﻤﺸﻨﺮ ﮐﺮﺍﭼﯽ ﻧﮯ ﺑﺘﺎﯾﺎ ﮐﮧ ﻓﭧ ﺑﺎﻝ ﮔﺮﺍﻭٔﻧﮉ ﺍﻭﺭ ﭘﺎﺭﮎ ﺑﻦ ﮔﺌﮯ ﮨﯿﮟ، ﻭﺯﭦ ﮐﺮﻧﺎ ﭼﺎﮨﯿﮟ ﺗﻮ ﮐﺮﺳﮑﺘﮯ ﮨﯿﮟ، ﻣﯿﮟ ﺭﺍﺋﻞ ﭘﺎﺭﮎ، ﮐﮉﻧﯽ ﮨﻞ ﭘﺎﺭﮎ ﺍﻭﺭ ﺩﯾﮕﺮ ﺟﮕﮩﻮﮞ ﭘﺮ ﺫﺍﺗﯽ ﻃﻮﺭ ﭘﺮ ﺧﻮﺩ ﮔﯿﺎ ﮨﻮﮞ، ﺭﺍﺋﻞ ﭘﺎﺭﮎ ﺍﯾﮏ ﻣﺎﮦ ﻣﯿﮟ ﻣﮑﻤﻞ ﮨﻮﺟﺎﺋﮯ ﮔﺎ

ﺍﯾﮉﻭﻭﮐﯿﭧ ﺟﻨﺮﻝ ﺳﻨﺪﮪ ﻧﮯ ﻋﺪﺍﻟﺖ ﮐﻮ ﺑﺘﺎﯾﺎ ﮐﮧ ﮨﻞ ﭘﺎﺭﮎ ﮐﮯ ﺭﮨﺎﺋﺸﯿﻮﮞ ﻧﮯ ﻧﻈﺮ ﺛﺎﻧﯽ ﮐﯽ ﺩﺭﺧﻮﺍﺳﺖ ﺩﺍﺋﺮ ﮐﯽ ﮨﮯ، ﻭﮐﯿﻞ ﮨﻞ ﭘﺎﺭﮎ ﻣﺘﺎﺛﺮﯾﻦ ﺑﯿﺮﺳﭩﺮ ﺻﻼﺡ ﺍﻟﺪﯾﻦ ﺑﮭﯽ ﻋﺪﺍﻟﺖ ﻣﯿﮟ ﭘﯿﺶ ﮨﻮﺋﮯ

اس موقع پر ﻭﮐﯿﻞ ﻣﺘﺎﺛﺮﯾﻦ ﺑﯿﺮﺳﭩﺮ ﺻﻼﺡ ﺍﻟﺪﯾﻦ ﻧﮯ ﻋﺪﺍﻟﺖ ﻣﯿﮟ ﮐﮩﺎ ﮐﮧ ﮨﻢ ﻧﮯ ﺟﺲ ﺳﮯ ﮔﮭﺮ ﺧﺮﯾﺪﺍ ﮨﮯ ﺍُﺱ ﺳﮯ ﻣﻌﺎﻭﺿﮧ ﺗﻮ ﺩﻟﻮﺍﯾﺎ ﺟﺎﺋﮯ، پچیس ﺳﺎﻝ ﺳﮯ ﮨﻤﺎﺭﮮ ﮔﮭﺮ ﺑﻨﮯ ﮨﻮﺋﮯ ﮨﯿﮟ، ﻧﻘﺸﮯ ﺳﻨﺪﮪ ﺣﮑﻮﻣﺖ ﻧﮯ ﭘﺎﺱ ﮐﯿﮯ

ﺍﺱ ﻣﻮﻗﻒ ﭘﺮ ﺳﭙﺮﯾﻢ ﮐﻮﺭﭦ ﮐﮯ ﺑﯿﻨﭻ ﻧﮯ ﺭﯾﻤﺎﺭﮐﺲ ﺩﯾﺌﮯ ﮐﮧ ﺑﭽﮯ ﺗﻮ ﻧﮩﯿﮟ ﮨﯿﮟ ﺟﺐ ﮔﮭﺮ ﺧﺮﯾﺪﺗﮯ ﮨﯿﮟ ﺳﺐ ﭘﺘﮧ ﮨﻮﺗﺎ ﮨﮯ

ﻭﮐﯿﻞ ﻣﺘﺎﺛﺮﯾﻦ ﻧﮯ ﻋﺪﺍﻟﺖ ﺳﮯ ﮐﮩﺎ ﮐﮧ ﺟﻨﮩﻮﮞ ﻧﮯ ﮨﻞ ﭘﺎﺭﮎ ﮐﯽ ﺟﮕﮧ ﭘﺮ ﻏﯿﺮ ﻗﺎﻧﻮﻧﯽ ﺗﻌﻤﯿﺮﺍﺕ ﮐﯽ ﺍﺟﺎﺯﺕ ﺩﯼ، ﺍﻥ ﮐﮯ ﺧﻼﻑ ﮐﺎﺭﺭﻭﺍﺋﯽ ﮐﯽ ﺟﺎﺋﮯ، 13 ﺳﻮ ﻣﻠﯿﻦ ﺭﻭﭘﮯ ﺑﻠﮉﺭ ﻧﮯ ﺍﻻﭨﯿﺰ ﺳﮯ ﻭﺻﻮﻝ ﮐﺌﮯ ﮨﯿﮟ

ﺍﺱ ﻣﻮﻗﻊ ﭘﺮ ﺳﭙﺮﯾﻢ ﮐﻮﺭﭦ ﻧﮯ ﮐﮉﻧﯽ ﮨﻞ ﭘﺎﺭﮎ ﮐﮯ ﻣﺘﺎﺛﺮﯾﻦ ﮐﻮ ﻣﮩﻠﺖ ﺩﯾﻨﮯ ﮐﯽ ﺍﺳﺘﺪﻋﺎ ﻣﺴﺘﺮﺩ ﮐﺮﺩﯼ.