ﭘﺎﮐﺴﺘﺎﻥ ﺍﻭﺭ ﺭﻭﺱ ﮐﮯ درمیان ﺍﺭﺑﻮﮞ ﮈﺍﻟﺮﺯ ﮐﺎ ﺍﮨﻢ ﺗﺮﯾﻦ ﻣﻌﺎﮨﺪﮦ ﻃﮯ ﮐﺮﻧﮯ ﮐﯽ ﮐﻮﺷﺸﯿﮟ

ﭘﺎﮐﺴﺘﺎﻥ ﺍﻭﺭ ﺭﻭﺱ ﮐﮯ ﺩﺭﻣﯿﺎﻥ ﺍﺭﺑﻮﮞ ﮈﺍﻟﺮﺯ ﮐﺎ ﺍﮨﻢ ﺗﺮﯾﻦ ﻣﻌﺎﮨﺪﮦ ﻃﮯ ﮐﺮﻧﮯ ﮐﯽ ﮐﻮﺷﺸﯿﮟ ﺷﺮﻭﻉ ہو گئی ہیں، اطلاعات ہیں کہ ﺍﮔﻠﮯ ﻣﺎﮦ ﮐﺮﺍﭼﯽ ﺳﮯ ﻻﮨﻮﺭ ﺗﮏ ﺁﺭ ﺍﯾﻞ ﺍﯾﻦ ﺟﯽ ﮔﯿﺲ ﺳﭙﻼﺋﯽ ﮐﯿﻠﺌﮯ ﻧﺎﺭﺗﮫ ﺳﺎؤﺗﮫ ﮔﯿﺲ ﭘﺎﺋﭗ ﻻﺋﻦ ﻣﻨﺼﻮﺑﮯ ﮐﮯ ﻣﺴﺘﻘﺒﻞ ﮐﺎ ﻓﯿﺼﻠﮧ ﮐﺮ ﻟﯿﮯ ﺟﺎﻧﮯ ﮐﺎ ﺍﻣﮑﺎﻥ ہے

ذرائع ﮐﮯ ﻣﻄﺎﺑﻖ ﭘﺎﮐﺴﺘﺎﻥ ﺍﻭﺭ ﺭﻭﺱ ﮐﮯ ﺩﺭﻣﯿﺎﻥ ﺩﮨﺎﺋﯿﻮﮞ ﺗﮏ ﺗﻌﻠﻘﺎﺕ ﺳﺮﺩ ﻣﮩﺮﯼ ﮐﺎ ﺷﮑﺎﺭ ﺭﮨﮯ، ﻟﯿﮑﻦ گذشتی ﮐﭽﮫ ﺑﺮﺳﻮﮞ ﮐﮯ ﺩﻭﺭﺍﻥ ﺩﻭﻧﻮﮞ ﻣﻤﺎﻟﮏ ﮐﮯ ﺩﺭﻣﯿﺎﻥ ﻗﺮﺑﺘﯿﮟ ﭘﯿﺪﺍ ہونا شروع ہوئی ﮨﯿﮟ

روس کو ﮨﻤﯿﺸﮧ ﺳﮯ ﺑﮭﺎﺭﺕ ﮐﺎ ﺳﺐ ﺳﮯ ﻗﺮﯾﺒﯽ ﺩﻭﺳﺖ ﺗﺼﻮﺭ کیا جاتا رہا ہے، جس کی وجہ سے پاکستان اور روس کے تعلقات بہتر نہیں ہو سکے، لیکن اب ﺭﻭﺱ کی طرف سے ﭘﺎﮐﺴﺘﺎﻥ کے ساتھ ﺗﻌﻠﻘﺎﺕ ﺑﮩﺘﺮ  ﮐﺮنے کے اشارے مل رہے ہیں

ذرائع کے مطابق ﺩﻭﻧﻮﮞ ﻣﻤﺎﻟﮏ ﺩﻓﺎﻋﯽ ﺍﻭﺭ ﻣﻌﺎﺷﯽ ﺷﻌﺒﻮﮞ ﻣﯿﮟ ﺗﻌﺎﻭﻥ ﮐﻮ ﻓﺮﻭﻍ ﺩﮮ ﮐﺮ ﺩﻭ ﻃﺮﻓﮧ ﺗﻌﻠﻘﺎﺕ ﺑﮩﺘﺮ ﺑﻨﺎ ﺭﮨﮯ ﮨﯿﮟ۔ ﺑﺘﺎﯾﺎ ﮔﯿﺎ ﮨﮯ ﮐﮧ ﭘﺎﮐﺴﺘﺎﻥ ﺍﻭﺭ ﺭﻭﺱ ﮐﮯ ﺩﺭﻣﯿﺎﮞ ﺍﺭﺑﻮﮞ ﮈﺍﻟﺮﺯ ﻣﺎﻟﯿﺖ ﮐﮯ ﮔﯿﺲ ﭘﺎﺋﭗ ﻻﺋﻦ ﻣﻨﺼﻮﺑﮯ ﮐﺎ ﻣﻌﺎﮨﺪﮦ ﺟﻠﺪ طے پانے ﮐﺎ ﺍﻣﮑﺎﻥ ﮨﮯ

ﺫﺭﺍﺋﻊ نے مزید بتایا ہے کہ ﺩﻭﻧﻮﮞ ﻣﻤﺎﻟﮏ ﮐﮯ ﻭﻓﻮﺩ ﺍﮔﻠﮯ ﻣﺎﮦ ﺍﺱ ﻣﻨﺼﻮﺑﮯ ﮐﮯ ﺣﻮﺍﻟﮯ ﺳﮯ ﻣﺬﺍﮐﺮﺍﺕ ﮐﺮﯾﮟ ﮔﮯ

ذرائع کی طرف سے ﺍﻣﮑﺎﻥ ﻇﺎﮨﺮ ﮐﯿﺎ ﺟﺎ ﺭﮨﺎ ﮨﮯ ﮐﮧ ﺳﺘﻤﺒﺮ ﻣﯿﮟ ﮐﺮﺍﭼﯽ ﺳﮯ ﻻﮨﻮﺭ ﺗﮏ ﺁﺭ ﺍﯾﻞ ﺍﯾﻦ ﺟﯽ ﮔﯿﺲ ﺳﭙﻼﺋﯽ کے لئے ﻧﺎﺭﺗﮫ ﺳﺎؤﺗﮫ ﮔﯿﺲ ﭘﺎﺋﭗ ﻻﺋﻦ ﻣﻨﺼﻮﺑﮯ ﮐﮯ ﻣﺴﺘﻘﺒﻞ ﮐﺎ ﻓﯿﺼﻠﮧ ﮐﺮ ﻟﯿﺎ ﺟﺎﺋﮯ ﮔﺎ۔

ﺑﺘﺎﯾﺎ ﮔﯿﺎ ﮨﮯ ﮐﮧ ﺍﺱ ﻣﻨﺼﻮﺑﮯ ﭘﺮ ﺍﺭﺑﻮﮞ ﮈﺍﻟﺮﺯ ﮐﯽ ﻻﮔﺖ ﺁﺋﮯ ﮔﯽ۔ ﺭﻭﺱ ﮐﯽ ﺟﺎﻧﺐ ﺳﮯ ﮐﺮﺍﭼﯽ ﺳﮯ ﻻﮨﻮﺭ ﺗﮏ گیارہ سو ﮐﻠﻮﻣﯿﭩﺮ ﻃﻮﯾﻞ ﭘﺎﺋﭗ ﻻﺋﻦ ﺗﻌﻤﯿﺮ ﮐﯽ ﺟﺎﺋﮯ ﮔﯽ، ﺟﺲ ﺳﮯ ﺁﺭ ﺍﯾﻞ ﺍﯾﻦ ﺟﯽ ﮔﯿﺲ ﮐﯽ ﺳﭙﻼﺋﯽ ﻣﻤﮑﻦ ﮨﻮ سکے ﮔﯽ

ﻣﻨﺼﻮﺑﮧ دو ﻓﯿﺰ ﻣﯿﮟ ﻣﮑﻤﻞ ﮐﺮﻧﮯ ﮐﯽ ﮐﻮﺷﺶ ﮐﯽ ﺟﺎﺋﮯ ﮔﯽ۔ ﭘﮩﻼ ﻓﯿﺰ 2022ع جب کہ ﺩﻭﺳﺮﺍ 2023ع ﺗﮏ ﻣﮑﻤﻞ ﮨﻮ ﮔﺎ

واضح رہے کہ ﺩﻭﻧﻮﮞ ﻣﻤﺎﻟﮏ ﮐﯽ طرف ﺳﮯ ﺍﺱ ﻣﻨﺼﻮﺑﮯ ﭘﺮ ﮐﺌﯽ ﺑﺮﺱ ﺳﮯ ﮐﺎﻡ ﺷﺮﻭﻉ ﮐﺮﻧﮯ ﮐﯽ ﮐﻮﺷﺸﯿﮟ جاری تھیں، تاہم یہ معاملہ کئی وجوہات کی بنا پر آگے نہیں بڑھ سکا، لیکن اب ان کوششوں کی کامیابی کے امکانات روشن ہو گئے ہیں.