امریکا کی سیکیورٹی کمپنی نے اینڈرائیڈ فون صارفین کے لئے ایک تشویشناک خبر سنائی ہے۔
تفصیلات کے مطابق امریکا کی سائبر سیکیورٹی کمپنی "چیک پوائنٹ” کے ماہرین نے کہا ہے کہ ایک ارب سے زائد اینڈرائیڈ فون استعمال کرنے والے صارفین کو ہیکرز اپنا آسان ہدف بنا سکتے ہیں۔
اس سلسلے میں چیک پوائنٹ کے ماہرین کا کہنا ہے کہ ہیکرز ایک ایپ کی مدد سے ایک ارب سے بھی زائد صارفین کا ڈیٹا باآسانی ہیک کر سکتے ہیں۔ اس ایپ کو فون میں انسٹال کرنے سے آپ کا سمارٹ فون بہت آسانی کے ساتھ ایک جاسوس ڈیوائس میں تبدیل ہو سکتا ہے۔ جو نی صرف آپ کی حرکات و سکنات اور سرگرمیوں کی اطلاع ہیکرز تک پہنچاتا رہے گا بلکہ ہیکرز آپ کے فون میں موجود تمام ڈیٹا تک رسائی بھی حاصل کر لیں گے.
ماہرین نے انڈرائڈ صارفین کو متنبہ کیا ہے کہ اسنیپ ڈریگن پر چلنے والے اینڈرائیڈ فون میں چار سو سے زائد سیکیورٹی نقائص موجود ہیں، جنہیں ہیکرز استعمال کر کے باآسانی تمام ڈیٹا اپنے کنٹرول میں لے سکتے ہیں۔
تحقیقی ٹیم کے سربراہ ینیف بالماس نے خبردار کیا کہ اگر آپ اسنیپ ڈریگن پروسیسر کا حامل اینڈرائیڈ فون استعمال کر رہے ہیں تو آپ ہیکرز کی زد میں ہیں اور آپ کی جاسوسی ہو سکتی ہے، اس کے ساتھ ساتھ آپ کو اپنے تمام ڈیٹا سے بھی یاتھ دھونا پڑ سکتے ہیں۔
سربراہ ینیف بالماس نےمزید کہا کہ اگر اسنیپ ڈریگن کے حامل اینڈرائیڈ فونز میں موجود سیکیورٹی نقائص کے بارے میں ہیکرز کو علم ہوگیا تو ایک ارب سے زائد صارفین کو بہت بڑے نقصان کا سامنا کرنا پڑ سکتا ہے۔
واضح رہے کہ گوگل، سام سنگ، شیاﺅمی، ایل جی اور ون پلس سمیت کئی بڑی کمپنیوں کے فلیگ شپ فونز میں اسنیپ ڈریگن چپ (chip) استعمال ہو رہی ہے۔ ایپل اپنے صارفین کو آئی فونز میں پروسیسرز کی سہولت مہیا کرتی ہے جس کی وجہ سے اُن کے ڈیٹا تک کوئی رسائی حاصل نہیں کرسکتا۔
