بھارت میں ہمالیائی گلیشیئر اچانک پھٹ کر دریا میں گر گیا، جس سے ہولناک سیلاب کی کیفیت پیدا ہوگئی ہے. شدید سیلاب آس پاس کے گھروں کو بہا لے گیا جب کہ ریاست کے چیف سیکرٹری نے سیکڑوں ہلاکتوں کا خدشہ بھیظاہر کیا ہے
بھارتی میڈیا سے ملنے والی اطلاعات کے مطابق ریاست اتراکھنڈ کے علاقے تپوون میں اچانک گلیشیئر کے پگھل کر گرنے سے بھیانک حادثہ پیش آیا ہے. دھولی ندی نے بڑے سیلابی ریلے کی شکل اختیار کرلی ہے اور بھپرا ہوا پانی راستے میں آنے والی ہر شے کو اپنے ساتھ بہا کر لے گیا. اچانک آنے والے سیلابی ریلے کی وجہ سے کئی گھر تباہ ہوگئے اور سیکڑوں ہلاکتوں کا خدشہ ظاہر کیا جا رہا ہے
انتظامیہ کی جانب سے ضلع میں ایمرجنسی حالت کا اعلان کر دیا گیا ہے اور انتظامی اہلکار لاؤڈ اسپیکروں کے ذریعے شہریوں کو فوری طور پر گھر خالی کرنے کی ہدایت کر رہے ہیں
اچانک سیلاب کے باعث دریا میں پانی کی سطح خطرناک حد تک بڑھتی جارہی ہے اور چمولی سے ہری دوار تک خطرہ بڑھ گیا ہے. دوسری جانب سیلابی ریلے کے ڈیم سے ٹکرانے پر ڈیم کے دروازوں کو کھولنے کی ہدایت بھی کردی گئی ہے
ادھر اتراکھنڈ کے چیف سکریٹری اوم پرکاش نے سیلابی ریلے میں 150 سے زیادہ افراد کے ہلاک ہونے کا خدشہ ظاہر کیا ہے، تاہم ابھی تک درست اعدد و شمار سامنے نہیں آئ سکے ہیں۔ اسپتالوں میں ایمرجنسی نافذ کردی گئی ہے جب کہ فائر بریگیڈ اور ریسکیو اداروں نے امدادی کاموں کا آغاز کر دیا ہے
جب کہ اتراکھنڈ کے وزیر اعلیٰ تریویندر سنگھ راوت نے ٹوئٹر پر اطلاع دی ہے کہ ندی کے پانی کی سطح بڑھ گئی تھی، تاہم اب بہاؤ کم ہوتا جا رہا ہے اور یہ خوش آئند بات ہے.
