سویڈن سے تعلق رکھنے والے مشہور فٹ بالر زلاٹن ابراہیمووچ نے فٹبال کو خیر باد کہتے ہوئے کھیل سے ریٹائرمنٹ کا اعلان کر دیا ہے
سویڈن کے اکتالیس سالہ مشہور فٹ بالر زلاٹن ابراہیمووچ نے گزشتہ روز سیزن کے آخری میچ کے بعد سان سائرو میں موجود مداحوں سے کہا ”میں کھیل چھوڑ رہا ہوں، آپ کو نہیں۔“
فٹ بالر زلاٹن ابراہیمووچ پہلے ہی کہہ چکے تھے کہ وہ اطالوی کلب کو خیرآباد کہیں گے
زلاٹن ابراہیمووچ نے پیرس سینٹ جیرمین، مانچسٹر یونائٹڈ، اے سی اور انٹر ملان میں 511 گولز کرکے چار ممالک میں لیگ ٹائٹل اپنے نام کیا
فٹبالر نے 2020 میں اے سی ملان کے لیے دوسری بار کھیلنا شروع کیا تھا اور آخری سیزن میں ٹائٹل نام کرنے میں مدد کی، تاہم اس سے قبل انہوں نے 2011 میں اس کلب کے لیے کھیلا تھا
لیکن انہوں نے صرف چار بار کھیلا اور اس مدت میں سیری اے کی طرف سے ایک میچ شروع کیا اور انجریز کے بعد ایک گول کیا اور ان کا معاہدہ اس ماہ ختم ہونے والا تھا
انہوں نے جذباتی انداز میں کہا ”اس وقت میں بہت سے جذبات سے گزر رہا ہوں“
زلاٹن ابراہیمووچ نے کہا کہ جب میں پہلی بار یہاں آیا تو آپ نے مجھے خوشیاں دیں اور جب آخری بار آیا تو آپ نے پیار دیا
انہوں نے جذباتی انداز میں کہا ”آپ نے کھلے بازوؤں سے میرا استقبال کیا، آپ نے مجھے گھر میں محسوس کرایا، میں ساری زندگی میلانسٹا (اے سی کلب) کا رہوں گا“
زلاٹن ابراہیمووچ نے اپنے کیریئر کے آغاز سے 34 ٹرافیز بشمول 14 لیگ ٹائٹل اپنے نام کیے۔ کلب کی ایک بڑی ٹرافی جس میں بھی وہ شامل رہے، وہ چیمپئنز لیگ تھی، اس کا واحد یورپی ٹائٹل مانچسٹر یونائیٹڈ کے ساتھ 2017 یوروپا لیگ کی شکل میں آیا
فٹ بالر نے 62 انٹرنیشنل گولز اور 122 میچز کے ساتھ سویڈن کے ٹاپ فٹبالر کے طور پر اپنی پہچان بنائی
انہوں نے یورو 2016 کے بعد قومی ٹیم کو خیرباد کہہ دیا لیکن 2021 میں ورلڈ کپ کوالیفائنگ کی ناکام مہم کے لیے واپس آئے تھے
انہوں نے اپنے اعلان کے بعد صحافیوں کو بتایا ”جب صحافی میرے مستقبل کے بارے میں پوچھتے تھے تو میں ڈر جاتا تھا، لیکن اب میں اسے قبول کر سکتا ہوں، میں تیار ہوں“
زلاٹن ابراہیمووچ نے کہا ”میں ساری زندگی یہی کرتا رہا ہوں، فٹبال نے مجھے ایک انسان بنایا، اس نے مجھے ان لوگوں کو جاننے کا موقع دیا ورنہ میں کبھی نہیں جانتا تھا، میں نے فٹبال کی بدولت دنیا کا سفر کیا، یہ سب فٹبال کی بدولت ہے۔“
زلاٹن ابراہیمووچ نے اپنے کیریئر کا آغاز 1999 میں اپنے شہر سے کیا تھا، اس کے بعد وہ 2002 میں اے ایف سی اجاکس فٹبال کلب میں شامل ہوئے، جہاں انہوں نے تین لیگ ٹائٹلز اپنے نام کیے
زلاٹن ابراہیمووچ نے 2004 میں اٹلی میں دو لیگ ٹائٹل جیتے، جس کے بعد وہ انٹر ملان میں شامل ہوئے اور تین ٹائٹلز اپنے نام کیے، اسی طرح وہ 2009 میں بارکلونا میں شامل ہوئے تھے
تاہم ایک سال بعد وہ دوبارہ آگے بڑھے اور پیرس سینٹ جرمین کے لیے سائن کر رہے تھے، جہاں انہوں نے لیگ کے 122 مقابلوں میں 113 گول کیے اور چار لیگ 1 ٹرافی جیتیں
جولائی 2016 میں انہوں نے مانچسٹر یونائیٹڈ کے لیے پریمیئر لیگ کلب کے ساتھ دو سال کے لیے دستخط کیے
زلاٹن ابراہیمووچ نے 2018 میں ایم ایل ایس سائیڈ لا گلیکسی کو سائن کیا اور اے سی میلان میں واپسی سے پہلے کیلیفورنیا میں دو سیزن گزارے۔
