مہاراشٹر – بھارتی ریاست مہاراشٹر کے ایک ضلع کے دو دیہاتوں میں بندروں اور کتوں کے درمیان عجیب پر تشدد ”گینگ وار“ کا ایک سلسلہ شروع ہوچکا ہے، جس میں بندروں نے اب تک انتقام کے لیے لگ بھگ ڈھائی سو کتوں کو بلندی سے گرا کر مار دیا ہے
بندروں اور کتوں کے مابین یہ ”گینگ وار“ تب شروع ہوئی، جب کتوں کے ایک غول نے بندر کے ایک چھوٹے بچے کو گھیر کر قتل کیا
اس کے بعد بندر اس قدر غضبناک ہوئے کہ کتوں کو چن چن کر بلندی سے نیچے گراکر مار رہے ہیں
رپورٹس کے مطابق اب تک بندروں کے ہاتج مارے جانے والے کتوں کی تعداد ڈھائی سو کے لگ بھگ ہو چکی ہے
کتوں کے ہاتھوں اپنے ایک بچے کی ہلاکت کے بعد بندروں کی طرف سے انتقامی طور پر کتوں کے مارے جانے کے وحشت ناک مناظر دیکھ کر عوام پریشان اور بچے دہشت زدہ رہ گئے ہیں
بدقسمتی سے مجل قصبے کے قریب چھوٹے دیہاتوں میں ہونے والے یہ واقعات ابھی تک تھم نہیں سکے، بلکہ یہ واقعات اب بھی ہو رہے ہیں
یہ علاقہ مہاراشٹر ریاست کے ضلع بیڑھ کے قریب ہے، جہاں اب یہ حال ہے کہ لاول نامی ایک گاؤں میں ایک بھی چھوٹا کتا نہیں بچا، کیونکہ بندروں نے درجنوں کتوں کو مارا ہے، جبکہ باقی خوفزدہ ہوکر بھاگ چکے ہیں۔ لیکن تشویش ناک بات یہ ہے کہ اب بندر اس قدر غضبناک ہو چکے ہیں کہ وہ اسکول کے بچوں کا پیچھا کر کے، ان پر بھی حملہ کر رہے ہیں
مقامی لوگوں کا کہنا ہے کہ بندر کتوں کو دبوچ لیتے ہیں اور اس کے بعد وہ انہیں بلندی سے گرا کر مار رہے ہیں. اس طرح بندروں نے صرف ایک ماہ میں دو سو سے زائد کتے مار دیے ہیں
مقامی لوگوں کے مطابق اب بندر انسانوں کا پیچھا کرنے لگے ہیں اور بالخصوص چھوٹے بچے سہمے ہوئے ہیں
ایک واقعے میں بندروں نے ایک آٹھ سالہ بچے کو پکڑا اور زمین پر گھسیٹتے ہوئے دور تک لے گئے۔ جب لوگوں نے دھمکایا اور شور مچایا تو وہ اسے زخمی حالت میں چھوڑ کر فرار ہو گئے
لوگوں کی طرف سے شکایات پر جنگلی حیات کے ماہرین یہاں پہنچے ہیں ، لیکن وہ تاحال ایک بھی بندر کو پکڑ نہیں سکے.
