دنیا کے سب سے بڑے سمندر میں ایک بار تنہا سفر کر کے کامیاب ہونا ہی کوئی چھوٹی موٹی بات نہیں، لیکن اس کے باوجود 83 سالہ جاپانی سمندری مہم جُو کینیچی ہوری کو اس پر بھی اطمینان نہ ہوا اور انہوں نے یہ کارنامہ کئی بار انجام دیا
امریکی نیوز چینل سی این این کے مطابق ہفتہ 4 جون کو کینیچی ہوری نے بحرالکاہل میں رُکے بغیر (نان اسٹاپ) سفر کرکے دنیا کے معمر ترین کشتی ران کا ریکارڈ قائم کیا ہے
دنیا کے سب سے بڑے سمندر میں دو ماہ سے زیادہ کا عرصہ گزارنے کے بعد کینیچی ہوری مغربی جاپان کے جزیرہ نما کائی میں مقامی وقت کے مطابق دو بج کر 39 منٹ پر پہنچے
کینیچی کا کہنا ہے ’اپنی زندگی میں ایک ہدف رکھیں اور اس کے حصول کے لیے کام کریں‘
کینیچی ہوری نے اپنی 990 کلوگرام اور 19 فٹ لمبی کشتی پر سفر کا آغاز امریکی شہر سان فرانسسکو سے کیا تھا
کینیچی ہوری سمندری مہم جوئی کے دوران اپنے خاندان کے ساتھ سیٹلائٹ فون پر رابطے میں رہے
ان کا کہنا ہے ”سمندر میں سفر کے کچھ حصے مشکل تھے, سفر کے دوران اپنے خاندان کے ساتھ رابطے میں رہا اور ان سے سیٹلائٹ فون کے ذریعے بات کرتا۔ اگر ان سے دن میں میری ایک مرتبہ ٹیلی فون پر بات نہ ہوتی تو وہ پریشان ہو جاتے“
فرانسیسی خبر رساں ادارے اے ایف پی کے مطابق کینچی ہوری نے 1962ع میں تیئیس سال کی عمر میں جاپان سے سان فرانسسکو سمندر کے راستے پہنچے تھے
وہ اُس وقت بھی بحرالکاہل میں تنہا سفر کرنے والے پہلے شخص بن گئے تھے
سنہ 1962ع میں ان کے تنہا سمندری سفر نے شہ سرخیاں بنائی تھیں۔ اُس وقت انہوں نے بغیر پاسپورٹ کے سفر کیا تھا
انہوں نے اپنے ایک بلاگ میں لکھ ’ساٹھ سال قبل میں مسلسل پریشان تھا کہ کہیں پکڑا نہ جاؤں۔ میری حالت بہت خراب تھی۔‘
ان کا کہنا ہے ’اس مرتبہ یہ مختلف ہے، مجھے بہت سے لوگوں نے سفر پر رخصت کیا اور ٹریکنگ سسٹم اور وائرلس ریڈیو پر ان کی مدد میرے ساتھ رہی۔‘
