ایک امریکی اسٹارٹ اپ نے دعویٰ کیا ہے کہ اس کی ہیڈ بینڈ ڈیوائس کی مدد سے لوگ سوتے وقت بھی کام کر سکیں گے
پروفیٹک نامی کمپنی کی ہالو ڈیوائس واضح خواب دکھانے کے لیے ڈیزائن کی گئی ہے، جس سے پہننے والوں کو سونے کا احساس ہوتا ہے اور وہ اپنے تجربے کو کنٹرول کر سکتے ہیں
پروفیٹک کے مطابق ہالو ’غیر جارحانہ نیوروسٹیمولیشن آلہ‘ ہے جو ’مختلف مسائل کو حل کرنے کے لیے حتمی تجربہ گاہ‘ پیش کرتا ہے۔ کمپنی کا دعویٰ ہے کہ صرف پہننے والے کا تخیّل ہی اس کی صلاحیت کو محدود کرنے والا عنصر ہے
اس کا مقصد خواب دیکھنے کی حالت کو فعال کرنے کے لیے فوکسڈ الٹرا ساؤنڈ سگنلز کا استعمال کرنا ہے، جس کے بارے میں کمپنی کے بانی ایرک وولبرگ کا دعویٰ ہے کہ اس کے بعد کارکنوں کو ڈیمو مشق کرنے یا مشکل کاموں کے لیے تخلیقی حل نکالنے کا موقع مل سکتا ہے
اسٹارٹ اپ کی ویب سائٹ پر کہا گیا: ’واضح خوابوں میں، آپ فزکس کے روایتی قوانین سے آزاد ہو جاتے ہیں، جیسے کہ کشش ثقل، م بقائے توانائی اور بقائے مادہ کے قوانین‘
مزید کہا گیا: ’اس کی وجہ ہے کہ سائنس، ریاضی اور آرٹ میں تاریخ کی نامور شخصیات اپنی سب سے اہم دریافتوں کا سہرا اپنے واضح خوابوں کو دیتی ہیں۔‘
کمپنی پہلے ہی ہیڈ بینڈ تیار کرنے کے لیے دس لاکھ ڈالر سے زیادہ جمع کر چکی ہے اور مبینہ طور پر ایلون مسک کی نیورالنک ڈیوائس کے ڈیزائنرز میں سے ایک کے ساتھ کام کر رہی ہے
نیورو سائنسدانوں کا اندازہ ہے کہ تقریباً ستر فی صد لوگ اپنی زندگی میں کم از کم ایک بار واضح خواب دیکھنے کا تجربہ کریں گے، حالیہ تحقیق میں اس بات پر توجہ مرکوز کی گئی ہے کہ انہیں کس طرح دکھایا جائے۔
2017ع میں ایڈیلیڈ یونیورسٹی کے سائنسدانوں نے تین تکنیکوں کا تجربہ کیا تھا، جو ان کے وقوع پذیر ہونے کے امکانات کو بڑھا سکتی ہیں
پہلے مرحلے میں دن میں کئی بار آپ کے ماحول کی جانچ پڑتال کرنا شامل ہے تاکہ یہ دیکھا جاسکے کہ کیا آپ خواب دیکھ رہے ہیں، دوسرے میں آپ کو ترغیب دی جاتی ہے کہ سونے کے پانچ گھنٹے بعد کا الارم لگائیں اور نیند کے آر ای ایم (ریپڈ آئی موومنٹ) یعنی نیند کا وہ مرحلہ، جہاں زیادہ تر خواب آتے ہیں، کے لیے سو جائیں، جبکہ تیسرے میں لوگوں کو یہ فقرہ دہرانا ہوتا ہے کہ اگلی بار جب میں خواب دیکھوں گا، مجھے یاد رہے گا کہ میں خواب دیکھ رہا ہوں۔‘
تجربات سے پتہ چلا کہ تیسری تکنیک کو آزماتے وقت 46 فی صد شرکاء نے واضح خواب دیکھے، جس سے ثابت ہوتا ہے کہ ایسی تکنیک موجود ہیں، جو واضح خواب دیکھنے کے امکانات کو بہتر بنا سکتی ہیں
پروفیٹک پہلا اسٹارٹ اپ نہیں ہے، جس نے واضح خواب دیکھنے کی صلاحیت کا وعدہ کیا ہے، لیکن کوئی بھی ابھی تک ایسی مصنوعات نہیں لا سکا، جس سے صارفین مستقل تجربہ کر سکیں
فارچیون میگزین کے مطابق، 2025 میں لانچ ہونے پر پروفیٹک کی ہالو ڈیوائس کی قیمت پندرہ سو اور دو ہزار ڈالر کے درمیان متوقع ہے
