محکمۂ موسمیات نے کراچی میں شدید گرمی کی پیشگوئی کردی

محکمۂ موسمیات نے کہا ہے کہ رواں ماہ شہر میں گرمی کی شدت میں اضافے کا امکان ہے

تفصیلات کے مطابق محکمۂ موسمیات نے سندھ کے دارالحکومت میں موسم گرم رہنے کی پیش گوئی کرتے ہوئے کہا ہے کہ رواں ماہ گرمی کی شدت میں اضافے کا امکان ہے، اور رواں ماہ زیادہ سے زیادہ درجۂ حرارت 37 ڈگری سینٹی تک جانے کی توقع ہے

ترجمان محکمۂ موسمیات خالد ملک کے مطابق ہوا میں نمی کا تناسب بڑھنے سے موسم اب سے مرطوب رہے گا، دن میں گرمی جب کہ شام میں سمندری ہوائیں چلنے کا امکان ہے

محکمۂ موسمیات کا کہنا ہے کہ رواں ماہ بارش کا کوئی سسٹم متوقع نہیں ہے اور رواں برس گرمیوں کا دورانیہ  بھی زیادہ ہوگا، عموماً گرمی کا آغاز اپریل سے ہوتا ہے، لیکن اس سال مارچ سے ہی گرمیاں پڑنا شروع ہو گئی ہیں.