موسمیاتی تبدیلی اور زراعت کے مشترکہ اثرات دنیا بھر میں کیڑوں کی آبادی میں بڑی کمی کے لیے ذمہ دار ہو سکتے ہیں، سب سے زیادہ متاثرہ علاقوں میں تعداد میں 49 فیصد کمی دیکھی جا سکتی ہے
ایک تحقیق میں بتایا گیا ہے کہ موسمیاتی تبدیلیوں اور شدید زراعت کی وجہ سے دنیا کے کچھ حصوں میں کیڑوں کی تعداد میں نصف کمی واقع ہوئی ہے۔
برطانیہ کے محققین کے مطابق، عالمی حرارت اور کاشتکاری کے مشترکہ دباؤ پوری دنیا میں کیڑوں کی "کافی کمی” کا باعث بن رہے ہیں۔
ان کا کہنا ہے کہ ہمیں کیڑوں سے لاحق خطرات کو تسلیم کرنا چاہیے، اس سے پہلے کہ کچھ انواع ہمیشہ کے لیے ختم ہو جائیں۔
لیکن فطرت کے لیے رہائش گاہ کو محفوظ رکھنے سے اہم کیڑوں کی افزائش کو یقینی بنانے میں مدد مل سکتی ہے۔
یو سی ایل (UCL) کے سرکردہ محقق ڈاکٹر چارلی اوتھویٹ نے کہا کہ کیڑوں کی آبادی میں کمی نہ صرف قدرتی ماحول بلکہ "انسانی صحت اور غذائی تحفظ کے لیے بھی نقصان دہ ہو سکتا ہے۔
انہوں نے مزید کہا کہ "ہمارے نتائج قدرتی رہائش گاہوں کو محفوظ رکھنے، تیز رفتار زراعت کی توسیع کو سست کرنے، اور موسمیاتی تبدیلیوں کو کم کرنے کے لیے اخراج کو کم کرنے کے لیے اقدامات کی فوری ضرورت کو اجاگر کرتے ہیں۔”
دنیا بھر میں کیڑے مکوڑوں کی گھٹتی ہوئی آبادی – ایک نام نہاد "کیڑوں کا apocalypse” – نے بڑے پیمانے پر تشویش پیدا کر دی ہے۔
تاہم، سائنسی اعداد و شمار ایک ملی جلی تصویر پیش کرتے ہیں، جس میں کچھ قسم کے حشرات میں زبردست کمی واقع ہوئی ہے، جبکہ دیگر مستحکم رہتے ہیں۔
تازہ ترین مطالعہ میں، محققین نے تقریباً 20,000 حشرات کی انواع، جن میں شہد کی مکھیاں، چیونٹیاں، تتلیاں، ٹڈی اور ڈریگن فلائیز شامل ہیں، کی حد اور تعداد کے بارے میں 6000 مختلف مقامات پر ڈیٹا اکٹھا کیا۔
"نیچر” میں شائع ہوئے ایک تحقیق کے مطابق، زیادہ شدت والی زراعت (intensive agriculture) اور کافی حد تک گرمی والے علاقوں میں، کیڑے مکوڑوں کی تعداد میں 49 فیصد اور مختلف انواع کی تعداد میں 27 فیصد کمی واقع ہوئی ہے،بہ نسبت ان علاقوں کے مقابلے جو ابھی تک موسمیاتی تبدیلی کے شدت سے متاثر نہیں ہوئے۔
لیکن محققین نے کہا کہ اس میں امید کی کچھ وجہ یہ تھی کہ ان کیڑوں کے لیے الگ الگ فطری ماحول بنایا گیا جو ان کے لیے ایک پناہ گاہ کے طور پر بنائی گئی تھی، جنہیں گرم موسم میں زندہ رہنے کے لیے سایہ کی ضرورت ہوتی ہے۔
یو سی ایل (UCL) کے ڈاکٹر ٹم نیوبولڈ نے بھی کہا، "زرعی علاقوں کا محتاط انتظام، جیسے کہ کھیتوں کے قریب قدرتی رہائش گاہوں کا تحفظ، اس بات کو یقینی بنانے میں مدد کر سکتا ہے کہ اہم حشرات اب بھی پروان چڑھ سکتے ہیں۔”
مطالعہ کے محقق، پیٹر میک کین نے مزید کہا: "ہمیں یہ تسلیم کرنے کی ضرورت ہے کہ کیڑے مکوڑے مجموعی طور پر ماحول کے لیے، اور انسانی صحت اور تندرستی کے لیے کتنے اہم ہیں، تاکہ بہت سی نسلوں کے ہمیشہ کے لیے ختم ہونے سے پہلے ہم ان کو لاحق خطرات سے نمٹ سکیں۔”
