بھارتی اداکارہ عالیہ بھٹ کی ’پلیز بھائی لینڈ کروا دے‘ وڈیو سے مشہور ہونے والے وپن کمار کے ساتھ چاکلیٹ کے ایک اشتہار کی ویڈیو سوشل میڈیا پر وائرل ہے، جس میں انہیں وپن کمار کے ساتھ پیرا گلائڈنگ کرتے دکھایا گیا ہے
یاد رہے کہ وپن کمار وہ شخص ہیں، جن کی ایک وڈیو وائرل ہوئی تھی، جس میں انہیں پہلی مرتبہ پیرا گلائڈنگ کرتے دکھایا گیا تھا، جس میں وہ بہت ہی زیادہ ڈرے ہوئے تھے۔ وہ بار بار منتیں کر رہے تھے کہ ’پلیز بھائی لینڈ کروا دے‘
اب معروف اداکارہ عالیہ بھٹ نے اسی وپن کمار کے ساتھ ایک اشتہار میں کام کیا ہے۔ وپن کمار نے اشتہار کی یہ ویڈیو انسٹاگرام پر پوسٹ کی ہے جس میں وہ پیرا گلائڈنگ کرتے دکھائی دیتے ہیں، لیکن اس مرتبہ ان کے ساتھ عالیہ بھٹ ہیں
وڈیو میں عالیہ بھٹ پیرا گلائڈنگ کر رہی ہیں اور ان کے ساتھ وپن کمار سیلفی اسٹک سے وڈیو بنا رہے ہیں اور گھبرا کر وہی الفاظ استعمال کر رہے ہیں، جو انہوں نے اصل وڈیو میں کہے تھے یعنی ‘لینڈ کروا دے‘
اس موقع پر عالیہ بھٹ پریشان وپن کمار کو چاکلیٹ پیش کرتی ہیں اور وہ چِلانا بند کر دیتے ہیں
وپن کمار نے اپنی انسٹاگرام پوسٹ میں لکھا ہے کہ ’کون کہتا ہے میم وائرل نہیں ہو سکتی۔ کس نے کہا تھا کہ میم کی زندگی ایک یا دو ماہ ہوتی ہے۔ میں عالیہ بھٹ کے ساتھ شوٹ کر رہا ہوں‘
انہوں نے عالیہ بھٹ اور چاکلیٹ بنانے والی کمپنی کا شکریہ ادا کرتے ہوئے کہا کہ ’آپ کے ساتھ شوٹنگ کر کے میرا خواب پورا ہو گیا۔ میں پہلے شاٹ میں نروس ہو گیا، کیونکہ میں نے کبھی سوچا بھی نہیں تھا کہ ہم دونوں بیٹھ کر بات کر رہے ہوں گے۔‘
اس طرح ”پلیز لینڈ کروا دے بھائی“ والے بھائی صاحب اب مقبولیت کے آسمان میں اڑ رہے ہیں.
