کولمبیا : کولمبیا کے ایک تاجر نے لمبے سینگوں والے سیاہ بھنوروں (بیٹلز) کی تجارت کے لیے اپنی کرپٹوکرنسی وضع کی ہے
ان کا کہنا ہے کہ انہوں نے یہ کام بین الاقوامی تجارت میں بھاری کمیشن سے بچنے کے لیے کیا ہے
واضح رہے کہ جاپان ان بھنوروں کی فروخت کا سب سے بڑی مارکیٹ ہے، جہاں بچے اور نوجوان انہیں پالتو جانور کے طور پر رکھتے ہیں
کولمبیئن کمپنی ٹیرا وائیوا ایک عرصے سے بھنوروں کو جاپانی بازاروں میں بیچ رہی ہے۔ کمپنی سے وابستہ کارمیلو کیمپوس کہتے ہیں کہ یہ ایک متبادل طریقہ کار ہے جس کی بدولت جاپان اور دنیا کے دیگر علاقوں میں بڑے کمیشن اور فیس کو کم کیا جاسکتا ہے
یہ کمپنی بالخصوص ہرکولیس، نیپچونس اور ایلیفینٹ بھنوروں کی تجارت کرتی ہے۔ جاپان میں ایک جوڑے کی قیمت تین سو ڈالر تک ہوتی ہے ۔ اس دوران کئی افراد کے ہاتھوں کمیشن جاتا ہے جن میں سیلزمین کا حصہ دس فیصد تک ہوتا ہے
کولمبیا والوں نے لمبے سینگ والے بھنورے ’کابوٹومیوشی‘ کے نام پر اس کرنسی کا نام کے میوشی کوئن رکھا گیا ہے۔ صرف کولمبیا میں ہی اسے دو سو بیس کمپنیاں اور تاجر استعمال کر رہے ہیں۔ ان میں لباس، ضروری آلات کی دکانیں اور کیفے شامل ہیں۔ اس ضمن میں کمپنی کوئن کی دوبارہ فروخت پر اپنا حصہ وصول کرتی ہیں
2019ع میں اس کرپٹوکرنسی کی قدر تیس امریکی سینٹ تھی، جو اب بڑھ کر 1.84 ڈالر ہوچکی ہے۔ اب وہ اس کرنسی کو پورے ملک میں پھیلانا چاہتے ہیں تاکہ لوگ اس سے اپنے گھریلو بِل بھی ادا کر سکیں
لمبے سینگوں والا بھنورا سترہ مہینوں تک زندہ رہتا ہے، اس کی جسامت انسانی ہتھیلی تک ہو سکتی ہے۔ جاپان میں اسے پالتو بنا کر رکھا جاتا ہے اور مرنے پر محفوظ کرکے اسے اکثر لاکٹ کی صورت میں بھی پہنا جاتا ہے.
