ﭘﭽﮭﻠﮯ ﺩﻧﻮﮞ ﻣﯿﮟ ﻧﮯ ﺍﯾﮏ ﺳﻮﺍﻝ ﺍﭨﮭﺎﯾﺎ ﺗﮭﺎ ﮐﮧ ﺟﻦ ﺑﺎﺫﻭﻕ ﺍﻭﺭ ﻋﻠﻢ ﺩﻭﺳﺖ ﻟﻮﮔﻮﮞ ﻧﮯ ﭘﭽﺎﺱ ﭘﭽﺎﺱ ﺳﺎﭨﮫ ﺳﺎﭨﮫ ﺳﺎﻝ ﻟﮕﺎ ﮐﺮ ﮐﺘﺎﺑﯿﮟ ﺟﻤﻊ ﮐﯽ ﺗﮭﯿﮟ،ﺍﻥ ﮐﯽ ﺍٓﻧﮑﮫ ﺑﻨﺪ ﮨﻮﻧﮯ ﮐﮯ ﺑﻌﺪ ﮐﺘﺎﺑﻮﮞ ﮐﮯ ﺍﻥ ﺫﺧﯿﺮﻭﮞ ﮐﺎ ﮐﯿﺎ ﺑﻨﮯ ﮔﺎ؟ﻣﯿﺮﺍ ﺧﯿﺎﻝ ﺗﮭﺎ ﮐﮧ ﺍﺱ ﺑﺎﺭﮮ ﻣﯿﮟ ﮨﺮ ﻃﺮﻑ ﺳﮯ ﺗﺒﺼﺮﮮ ﺍﻭﺭ ﻣﺸﻮﺭﮮ ﺍٓﺋﯿﮟ ﮔﮯ۔ﮐﭽﮫ ﻧﮧ ﺍٓﯾﺎ۔ ﮨﺎﮞ ﻣﮕﺮ ﺻﺎﻑ ﻟﮕﺎ ﮐﮧ ﺍﮐﺜﺮ ﺍﺣﺒﺎﺏ ﺟﻮ ﺧﺎﻣﻮﺵ ﮨﯿﮟ ،ﺩﻝ ﮨﯽ ﺩﻝ ﻣﯿﮟ ﮐﯿﺎ ﮐﮩﮧ ﺭﮨﮯ ﮨﯿﮟ۔ ﯾﮧ ﮐﮧ ﻧﮩﯿﮟ ﺍﺑﮭﯽ ﮐﭽﮫ ﻋﺮﺻﮧ ﺍﻭﺭ ،ﺍﺑﮭﯽ ﮐﭽﮫ ﺍﻭﺭ ﺟﯽ ﻟﯿﮟ، ﻓﯽ ﺍﻟﺤﺎﻝ ﺟﯽ ﺗﻮ ﺭﮨﮯ ﮨﯿﮟ۔
ﻣﯿﮟ ﮐﺒﮭﯽ ﻧﮩﯿﮟ ﭼﺎﮨﻮﮞ ﮔﺎ ﮐﮧ ﺍﺣﺒﺎﺏ ﺩﻧﯿﺎ ﺳﮯ ﮔﺰﺭ ﺟﺎﻧﮯ ﮐﯽ ﺑﺎﺗﯿﮟ ﮐﺮﯾﮟ ﺍﻭﺭ ﺩﻝ ﮐﻮ ﺩﮐﮭﺎﻧﮯ ﻭﺍﻻ ﻟﺐ ﻭ ﻟﮩﺠﮧ ﺍﺧﺘﯿﺎﺭ ﮐﺮﯾﮟ۔ ﻣﯿﮟ ﺻﺮﻑ ﯾﮧ ﭼﺎﮨﺘﺎ ﮨﻮﮞ ﮐﮧ ﻟﻮﮒ ﺳﻨﺠﯿﺪﮔﯽ ﺳﮯ ﻧﮧ ﺻﺮﻑ ﺳﻮﭼﯿﮟ ﺑﻠﮑﮧ ﮐﻮﺋﯽ ﻋﻤﻠﯽ ﻗﺪﻡ ﺍﭨﮭﺎ ﮐﺮ ﯾﮧ ﻃﮯ ﮐﺮﯾﮟ ﮐﮧ ﺍﻥ ﮐﯽ ﮐﺘﺎﺑﯿﮟ ﮐﮩﯿﮟ ﭨﮭﮑﺎﻧﮯ ﻟﮕﺎﻧﮯ ﮐﺎ ﮐﯿﺎ ﺑﻨﺪﻭﺑﺴﺖ ﮨﻮﮔﺎ، ﯾﮧ ﮐﺘﺎﺑﯿﮟ ﺭﺩّﯼ ﻭﺍﻟﮯ ﮐﻮ ﺑﻼ ﮐﺮ ﺍُﺱ ﮐﮯ ﺣﻮﺍﻟﮯ ﺗﻮ ﻧﮩﯿﮟ ﮐﺮﺩﯼ ﺟﺎﺋﯿﮟ ﮔﯽ۔
ﻟﮕﮯ ﮨﺎﺗﮭﻮﮞ ﺍﯾﮏ ﮐﺘﺎﺏ ﮐﯽ ﮐﮩﺎﻧﯽ ﺳﻦ ﻟﯿﺠﺌﮯ۔ ﻣﯿﮟ ﺳﻨﮧ ﺳﺘّﺮ ﮐﮯ ﻋﺸﺮﮮ ﻣﯿﮟ ﻟﻨﺪﻥ ﮐﯽ ﺍﻧﮉﯾﺎ ﺍٓﻓﺲ ﻻﺋﺒﺮﯾﺮﯼ ﺍﻭﺭ ﺑﺮﭨﺶ ﻻﺋﺒﺮﯾﺮﯼ ﻣﯿﮟ ﺍﭘﻨﮯ ﺩﺍﺩﺍ ﭘﺮﺩﺍﺩﺍ ﮐﮯ ﺯﻣﺎﻧﮯ ﮐﯽ ﺍﺭﺩﻭ ﮐﺘﺎﺑﯿﮟ ﺩﯾﮑﮫ ﺭﮨﺎ ﺗﮭﺎ، ﺍُﺱ ﻭﻗﺖ ﺳﯿﮑﮍﻭﮞ ﮐﺘﺎﺑﯿﮟ ﻣﯿﺮﯼ ﻧﻈﺮ ﺳﮯ ﮔﺰﺭﯾﮟ۔ ﺍﻥ ﻣﯿﮟ ﺍﯾﮏ ﮐﺘﺎﺏ ﻣﯿﺮﮮ ﺫﮨﻦ ﭘﺮ ﺍﭘﻨﺎ ﻧﻘﺶ ﭼﮭﻮﮌ ﮔﺌﯽ۔ ﺍﺱ ﮐﺘﺎﺏ ﮐﺎ ﻧﺎﻡ ’ ﺍﻟﻮﺍﻥِ ﻧﻌﻤﺖ ‘ ﺗﮭﺎ ﺍﻭﺭ ﻭﮦ ﺳﻨﮧ 1876 ﻣﯿﮟ ﺩﻟّﯽ ﻣﯿﮟ ﭼﮭﭙﯽ ﺗﮭﯽ۔
ﮐﻮﺋﯽ ﺑﻼﻗﯽ ﺩﺍﺱ ﺍُﺱ ﮐﮯ ﻣﺼﻨﻒ ﺗﮭﮯ ﺍﻭﺭ ﺍﺱ ﺣﯿﺮﺕ ﺍﻧﮕﯿﺰ ﮐﺘﺎﺏ ﻣﯿﮟ ﻟﮑﮭﺎﺗﮭﺎ ﮐﮧ ﺍﻧﯿﺴﻮﯾﮟ ﺻﺪﯼ ﻣﯿﮟ ﮐﮭﺎﻧﮯ ﮐﯿﺴﮯ ﭘﮑﺎﺋﮯ ﺟﺎﺗﮯ ﺗﮭﮯ ۔ﻣﯿﮟ ﻧﮯ ﺍﯾﮏ ﺑﺎﺭ ﮈﺍﮐﭩﺮ ﺟﻤﯿﻞ ﺟﺎﻟﺒﯽ ﺳﮯ ﺑﻼﻗﯽ ﺩﺍﺱ ﮐﺎ ﺫﮐﺮ ﮐﯿﺎ۔ﻭﮦ ﺗﻮ ﺍﺭﺩﻭ ﺍﺩﺏ ﮐﯽ ﻻﺟﻮﺍﺏ ﺗﺎﺭﯾﺦ ﻟﮑﮫ ﭼﮑﮯ ﺗﮭﮯ۔ﺍﻧﮩﻮﮞ ﻧﮯ ﺑﺘﺎﯾﺎ ﮐﮧ ﺑﻼﻗﯽ ﺩﺍﺱ ﭘﺮﺍﻧﯽ ﺩﻟّﯽ ﮐﮯ ﮐﺘﺐ ﻓﺮﻭﺵ ﺗﮭﮯ، ﺧﻮﺩ ﮐﺘﺎﺑﯿﮟ ﻟﮑﮭﺘﮯ ﺗﮭﮯ ﺍﻭﺭ ﺍﭘﻨﮯ ﮨﯽ ﭼﮭﺎﭘﮯ ﺧﺎﻧﮯ ﻣﯿﮟ ﭼﮭﺎﭘﺘﮯ ﺗﮭﮯ۔
ﻣﯿﮟ ﺍﺱ ﮐﺘﺎﺏ ﺳﮯ ﻗﻮﺭﻣﮧ ﭘﮑﺎﻧﮯ ﮐﯽ ﺗﺮﮐﯿﺐ ﻧﻘﻞ ﮐﺮ ﻻﯾﺎ ﺍﻭﺭ ﭘﮭﺮ ﺟﻮ ﻗﻮﺭﻣﮧ ﭘﮑﺎ ﻭﮦ ﺧﺎﻟﺺ ﺩﻟّﯽ ﮐﺎ ﺍﻧﺪﺍﺯ ﻟﯿﮯ ﮨﻮﺋﮯ ﺗﮭﺎ۔ ﻣﯿﮟ ﻋﺮﺻﮯ ﺗﮏ ﺳﻮﭼﺘﺎ ﺭﮨﺎ ﮐﮧ ﺑﻼﻗﯽ ﺩﺍﺱ ﮐﯽ ﮐﺘﺎﺏ ﺳﮯ ﻣﻮﺍﺩ ﻟﮯ ﮐﺮ ﺍﭘﻨﮯ ﮐﮭﺎﻧﮯ ﭘﮑﺎﻧﮯ ﮐﮯ ﻃﻮﺭ ﻃﺮﯾﻘﻮﮞ ﭘﺮ ﮐﺘﺎﺏ ﻟﮑﮭﻮﮞ ﮔﺎ۔ ﻭﻗﺖ ﮔﺰﺭﺗﺎ ﮔﯿﺎ ﯾﮩﺎﮞ ﺗﮏ ﮐﮧ ﻻﺋﺒﺮﯾﺮﯼ ﺟﺎﻧﺎ ﺍﻭﺭ ﭘﺮﺍﻧﯽ ﮐﺘﺎﺑﻮﮞ ﻣﯿﮟ ﺳﺮ ﮐﮭﭙﺎﻧﺎ ﻣﯿﺮﮮ ﻟﺌﮯ ﻣﺸﮑﻞ ﮨﻮﺗﺎ ﮔﯿﺎ۔
ﭘﭽﮭﻠﮯ ﺩﻧﻮﮞ ﻣﺠﮭﮯ ﺍﺭﺩﻭ ﮐﯽ ﺗﺮﻗﯽ ﺍﻭﺭ ﻓﺮﻭﻍ ﮐﮯ ﻟﺌﮯ ﺑﮯ ﻣﺜﺎﻝ ﮐﺎﻡ ﮐﺮﻧﮯ ﻭﺍﻟﯽ ﺭﯾﺨﺘﮧ ﻓﺎﻭٔﻧﮉﯾﺸﻦ ﮐﮯ ﺳﺎﻟﻢ ﺳﻠﯿﻢ ﺻﺎﺣﺐ ﮐﺎ ﺧﯿﺎﻝ ﺍٓﯾﺎ ﺟﻮ ﺍﭼﮭﮯ ﺩﻭﺳﺖ ﮨﯿﮟ۔ ﻣﯿﮟ ﻧﮯ ﺍﻥ ﺳﮯ ’ ﺍﻟﻮﺍﻥِ ﻧﻌﻤﺖ ‘ ﮐﺎ ﺫﮐﺮ ﮐﯿﺎ ، ﺧﯿﺎﻝ ﺗﮭﺎ ﺍﻥ ﮐﮯ ﺫﺧﯿﺮﮮ ﻣﯿﮟ ﻣﻮﺟﻮ ﺩ ﮨﻮﮔﯽ۔ ﻧﮩﯿﮟ ﺗﮭﯽ۔ ﻣﮕﺮ ﻭﮦ ﮈﭦ ﮔﺌﮯ ﺍﻭﺭ ﮐﮩﻨﮯ ﻟﮕﮯ ﮐﮧ ﺷﮩﺮ ﺩﻟّﯽ ﻣﯿﮟ ﮐﮩﯿﮟ ﻧﮧ ﮐﮩﯿﮟ ﻣﻠﮯ ﮔﯽ ﺿﺮﻭﺭ۔ ﮐﭽﮫ ﺭﻭﺯﺑﻌﺪ ﻧﮧ ﺻﺮﻑ ﺍﻥ ﮐﯽ ﺧﻮﺵ ﺧﺒﺮﯼ ﺍٓﺋﯽ ﺑﻠﮑﮧ ’ ﺍﻟﻮﺍﻥِ ﻧﻌﻤﺖ ‘ ﮐﯽ ﭘﻮﺭﯼ ﻧﻘﻞ ﮐﻤﭙﯿﻮﭨﺮ ﮐﮯ ﺫﺭﯾﻌﮯ ﺍٓﮔﺌﯽ۔ﭘﺮﺍﻧﯽ ﺩﻟّﯽ ﮐﮯ ﮐﺴﯽ ﮐﺘﺐ ﺧﺎﻧﮯ ﻣﯿﮟ ﻣﻮﺟﻮﺩ ﺗﮭﯽ.
ﯾﮧ ﺍﺱ ﮐﺎ ﺩﻭﺳﺮﺍ ﺍﯾﮉﯾﺸﻦ ﺗﮭﺎ ﺟﻮ ﺳﺎﺕ ﺳﺎﻝ ﺑﻌﺪ 1883 ﺀ ﻣﯿﮟ ﭼﮭﭙﺎ ﺗﮭﺎ ﺍﻭﺭ ﻣﯿﮟ ﻧﮯ ﺗﻮ ﺻﺮﻑ ﺍﯾﮏ ﺟﻠﺪ ﺩﯾﮑﮭﯽ ﺗﮭﯽ۔ ﺍﺱ ﺑﺎﺭ ﺑﻼﻗﯽ ﺩﺍﺱ ﻧﮯ ﮐﺘﺎﺏ 3 ﺟﻠﺪﻭﮞ ﻣﯿﮟ ﻣﮑﻤﻞ ﮐﯽ ﺍﻭﺭﺍﻭﺭﻧﮓ ﺯﯾﺐ ﮐﮯ ﺯﻣﺎﻧﮯ ﺳﮯ ﺧﻮﺩﺑﻼﻗﯽ ﺩﺍﺱ ﮐﮯ ﺯﻣﺎﻧﮯ ﺗﮏ ﮐﮭﺎﻧﮯ ﮐﯿﺴﮯ ﭘﮑﺎﺋﮯ ﺟﺎﺗﮯ ﺗﮭﮯ، ﺳﺎﺭﮮ ﻧﺴﺨﮯ ﺟﻤﻊ ﮐﺮﺩﯾﮯ۔ﺟﺐ ﮔﮭﯽ ﮐﻮ ﺭﻭﻏﻦ ﺯﺭﺩ ﺍﻭﺭ ﺩﮬﻨﯿﮯﮐﻮ ﮐﺸﻨﯿﺰ ﮐﮩﺎ ﺟﺎﺗﺎ ﺗﮭﺎ ﺍﻭﺭ ﮐﺴﯽ ﮐﮭﺎﻧﮯ ﻣﯿﮟ ﺍٓﻟﻮ ﺍﻭﺭ ﭨﻤﺎﭨﺮ ﮐﺎ ﺫﮐﺮ ﺗﮏ ﻧﮧ ﺗﮭﺎ۔ﺍﺏ ﺑﻼﻗﯽ ﺩﺍﺱ ﮐﮯ ﮐﺎﺭﻧﺎﻣﮯ ﮐﮯ ﺳﺎﺗﮫ ﮐﯿﺎ ﮨﻮﻧﺎ ﭼﺎﮨﮯ ، ﺑﻌﺪ ﻣﯿﮟ ﺳﻮﭼﯿﮟ ﮔﮯ۔ﺍﺑﮭﯽ ﺗﻮ ﺳﻮﭼﻨﮯ ﮐﯽ ﺑﺎﺕ ﯾﮧ ﮨﮯ ﮐﮧ ﺩﻟّﯽ ﻭﺍﻟﻮﮞ ﻧﮯ ﺍﭘﻨﮯ ﺑﺰﺭﮔﻮﮞ ﮐﯽ ﯾﺎﺩﮔﺎﺭ ﮐﺘﺎﺑﯿﮟ ﺣﻔﺎﻇﺖ ﺳﮯ ﺭﮐﮭﯽ ﮨﯿﮟ ﺍﻭﺭ ﺍﻧﮩﯿﮟ ﺟﺪﯾﺪ ﭨﯿﮑﻨﺎﻟﻮﺟﯽ ﮐﮯ ﺫﺭﯾﻌﮯ ﮨﻤﯿﺸﮧ ﮐﯿﻠﯿﮯ ﻣﺤﻔﻮﻅ ﮐﺮﺩﯾﺎ ﮨﮯ۔ ﺗﺎﺭﯾﺦ ﻟﮑﮭﻨﮯ ﻭﺍﻟﮯ ﺍﻥ ﮐﺎﺭﺭﻭﺍﺋﯿﻮﮞ ﮐﯽ ﻗﺪﺭ ﺟﺎﻧﺘﮯ ﮨﯿﮟ.
ﺍﺳﯽ ﺩﻭﺭﺍﻥ ﻣﺠﮭﮯ ﭘﺎﮐﺴﺘﺎﻥ ﮐﮯ ﺷﮩﺮ ﮐﻮﺋﭩﮧ ﺳﮯ ﺍﭘﻨﮯ ﺩﻭﺳﺖ ﻋﺒﺪﺍﻟﻘﺎﺩﺭ ﺭﻧﺪ ﮐﺎ ﺑﺮﻗﯽ ﺧﻂ ﻣﻼ ﺟﺲ ﻣﯿﮟ ﺍﻥ ﮐﮯ ﻋﻼﻗﮯ ﺑﻠﻮﭼﺴﺘﺎﻥ ﮐﮯ ﻋﻈﯿﻢ ﺍﺳﮑﺎﻟﺮ ﮈﺍﮐﭩﺮ ﻋﺒﺪﺍﻟﺮﺣﻤﺎﻥ ﺑﺮﺍﮨﻮﯼ ﮐﺎ ﺫﮐﺮ ﮨﮯ۔ ﺍﻥ ﮐﮯ ﺫﺍﺗﯽ ﮐﺘﺐ ﺧﺎﻧﮯ ﻣﯿﮟ ، ﺭﻧﺪ ﺻﺎﺣﺐ ﮐﮯ ﺑﻘﻮﻝ، 10 ﮨﺰﺍﺭ ﺳﮯ ﺯﯾﺎﺩﮦ ﮐﺘﺎﺑﯿﮟ ﮨﯿﮟ ﺍﻭﺭ ﻭﮦ ﺑﮭﯽ ﻧﺎﺩﺭ ﺍﻭﺭ ﻧﺎﯾﺎﺏ ۔ ﺍﺱ ﻭﻗﺖ ﮈﺍﮐﭩﺮ ﺑﺮﺍﮨﻮﯼ ﮐﯽ ﻋﻤﺮ 90 ﺑﺮﺱ ﮨﮯ ﺍﻭﺭ ﺍﻧﮩﯿﮟ ﯾﮧ ﻓﮑﺮ ﺳﺘﺎﺋﮯ ﺟﺎﺭﮨﯽ ﮨﮯ ﮐﮧ ﺍﻥ ﮐﺘﺎﺑﻮﮞ ﮐﺎ ﮐﯿﺎ ﮨﻮﮔﺎ.
ﺭﻧﺪ ﺻﺎﺣﺐ ﮐﮯ ﺧﻂ ﺳﮯ ﺍﺷﺎﺭﮦ ﻣﻠﺘﺎ ﮨﮯ ﮐﮧ ﺑﻠﻮﭼﺴﺘﺎﻥ ﮐﮯ ﺍﻥ ﺩﻭﺭ ﺩﺭﺍﺯ ﻋﻼﻗﻮﮞ ﻣﯿﮟ ﮐﺘﺎﺑﻮﮞ ﮐﮯ ﺧﺪﺍ ﺟﺎﻧﮯ ﮐﺘﻨﮯ ﺫﺧﯿﺮﮮ ﺍﭘﻨﮯ ﻣﺎﻟﮑﻮﮞ ﮐﯽ ﻃﺮﺡ ﺍٓﺧﺮﯼ ﺳﺎﻧﺴﯿﮟ ﻟﮯ ﺭﮨﮯ ﮨﯿﮟ۔ ﺍﻧﮩﻮﮞ ﻧﮯ ﻟﮑﮭﺎ ﮨﮯ ﺣﮑﻮﻣﺖ ﺳﮯ ﺑﺎﺭ ﺑﺎﺭ ﺩﺭﺧﻮﺍﺳﺖ ﮐﯽ ﮔﺌﯽ ﮨﮯ ﮐﮧ ﺍﯾﮏ ﺯﻣﯿﻦ ﮐﺎ ﭨﮑﮍﺍ ﺩﯾﺎ ﺟﺎﺋﮯ ﺟﮩﺎﮞ ﮐﺘﺐ ﺧﺎﻧﮧ ﻗﺎﺋﻢ ﮐﺮﮐﮯ ﻋﻠﻢ ﮐﮯ ﺍﻥ ﺟﻮﺍﮨﺮ ﮐﻮ ﯾﮏ ﺟﺎ ﮐﺮﺩﯾﺎ ﺟﺎﺋﮯ ﺗﺎﮐﮧ ﻋﻠﻢ ﮐﯽ ﻣﺘﻼﺷﯽ ﺩﻧﯿﺎ ﺍﻥ ﺳﮯ ﻣﺴﺘﻔﯿﺪ ﮨﻮ ۔ﻣﮕﺮ ﺣﮑﻮﻣﺖ ﮐﻮ ﺩﻭﺳﺮﮮ ﺟﮭﻨﺠﮭﭩﻮﮞ ﺳﮯ ﻧﺠﺎﺕ ﻣﻠﮯ ﺗﻮ ﻋﻠﻢ ﻭ ﺍٓﮔﮩﯽ ﮐﯽ ﺧﺎﻃﺮ ﮐﭽﮫ ﮐﺮﮮ.
ﻣﯿﮟ ﻧﮯ ﻋﻤﺮ ﮐﺎ ﺑﮍﺍ ﺣﺼﮧ ﮐﺮﺍﭼﯽ ﻣﯿﮟ ﮔﺰﺍﺭﺍ۔ ﺧﻮﺏ ﺟﺎﻧﺘﺎ ﮨﻮﮞ ﮐﮧ ﻣﻠﮏ ﮐﯽ ﺗﻘﺴﯿﻢ ﮐﮯ ﺑﻌﺪ ﺟﻮ ﻟﻮﮒ ﺗﺮﮎ ﻭﻃﻦ ﮐﺮﮐﮯ ﻧﺌﮯ ﻭﻃﻦ ﭘﺎﮐﺴﺘﺎﻥ ﺍٓﺋﮯ ﺗﮭﮯ، ﺟﯿﺴﮯ ﺑﮭﯽ ﺑﻨﺎ، ﺍﭘﻨﮯ ﺳﺎﺗﮫ ﺑﺰﺭﮔﻮﮞ ﮐﯽ ﭼﮭﻮﮌﯼ ﮨﻮﺋﯽ ﮐﺘﺎﺑﯿﮟ ﻟﮯ ﺍٓﺋﮯ ﺗﮭﮯ۔ﻭﮦ ﺷﮑﻢ ﮐﯽ ﺍٓﮒ ﻣﯿﮟ ﺟﻠﺘﮯ ﮨﻮﺋﮯ ﮨﺠﺮﺕ ﮐﮯ ﻣﺎﺭﮮ ﮨﻮﺋﮯ ﻟﻮﮒ ﺍﯾﮏ ﺍﯾﮏ ﮐﺮﮐﮯ ﺧﺎﻟﻖ ﺣﻘﯿﻘﯽ ﮐﮯ ﺩﺭﺑﺎﺭ ﻣﯿﮟ ﺍﭘﻨﮯ ﻧﺎﻡ ﻟﮑﮭﺎﺗﮯ ﮔﺌﮯ۔ ﺍﻭﺭ ﻭﮦ ﺟﻦ ﮐﺘﺎﺑﻮﮞ ﮐﻮ ﺍﭘﻨﯽ ﮔﻮﺩ ﻣﯿﮟ ﺭﮐﮫ ﮐﺮ ﻻﺋﮯ ﺗﮭﮯ ﻭﮦ ﺍٓﺝ ﺗﮏ ﮨﺮ ﺍﺗﻮﺍﺭ ﮐﮯ ﺭﻭﺯ ﺷﮩﺮ ﮐﮯ ﻓﭧ ﭘﺎﺗﮫ ﭘﺮ ﻓﺮﻭﺧﺖ ﮨﻮﺗﯽ ﮨﯿﮟ.
ﭘﮭﺮ ﺧﯿﺎﻝ ﮨﻮﺗﺎ ﮨﮯ ﮐﮧ ﺍﺳﯽ ﺑﮩﺎﻧﮯ ﯾﮧ ﮐﺘﺎﺑﯿﮟ ﻋﻠﻢ ﺩﻭﺳﺘﻮﮞ ﮐﮯ ﮔﮭﺮﻭﮞ ﻣﯿﮟ ﻣﻨﺘﻘﻞ ﮨﻮﺭﮨﯽ ﮨﯿﮟ۔ ﻣﮕﺮ ﯾﮧ ﺳﻌﺎﺩﺕ ﮨﺮ ﮐﺘﺎﺏ ﮐﻮ ﻧﺼﯿﺐ ﻧﮩﯿﮟ۔ ﮨﻢ ﺟﺎﻧﺘﮯ ﮨﯿﮟ ﮐﮧ ﮐﺘﻨﯽ ﮨﯽ ﮐﺘﺎﺑﯿﮟ ﻣﻘﺪﺱ ﺍﻭﺭ ﻣﺘﺒﺮﮎ ﺟﺎﻥ ﮐﺮ ﺩﺭﯾﺎ ﻣﯿﮟ ﺑﮩﺎﺩﯼ ﮔﺌﯿﮟ ﯾﺎ ﺩﻓﻦ ﮐﺮ ﺩﯼ ﮔﺌﯿﮟ۔ ﮨﻢ ﮐﺘﺎﺑﻮﮞ ﮐﮯ ﺍﯾﺴﮯ ﻋﺎﺷﻘﻮﮞ ﺳﮯ ﻭﺍﻗﻒ ﮨﯿﮟ ﺟﻨﮩﻮﮞ ﻧﮯ ﮐﻨﻮﻭٔﮞ ﻣﯿﮟ ﺍﺗﺮ ﮐﺮ ﯾﺎ ﻗﺒﺮﺳﺘﺎﻥ ﻣﯿﮟ ﺯﻣﯿﻦ ﮐﮭﻮﺩ ﮐﺮ ﻧﺎﯾﺎﺏ ﮐﺘﺎﺑﻮﮞ ﮐﻮ ﻣﭩﻨﮯ ﺳﮯ ﺑﭽﺎﯾﺎ ﮨﮯ.. ﻣﮕﺮ ﺍﯾﺴﮯ ﺳﺮ ﭘﮭﺮﮮ ﮐﺘﻨﮯ ﮨﻮﮞ ﮔﮯ۔ ﺍﻧﮕﻠﯿﻮﮞ ﭘﺮ ﮔﻨﯿﮟ ﺗﻮ ﺩﻭ ﭼﺎﺭ ﺍﻧﮕﻠﯿﺎﮞ ﺑﭻ ﺭﮨﯿﮟ ﮔﯽ.
بشکریہ جیو نیوز
