ﺗﻌﻠﯿﻤﯽ ﺍﺩﺍﺭﻭﮞ ﮐﯿﻠﺌﮯ ﮨﻔﺘﮧ ﻭﺍﺭ ﺗﻌﻄﯿﻞ ﺧﺘﻢ ﮐﺮﻧﮯ ﮐﺎ ﻓﯿﺼﻠﮧ کیا گیا ہے، ﺭﻭﺍﮞ ﺳﺎﻝ ﻣﻮﺳﻢ ﺳﺮﻣﺎ ﮐﯽ ﺗﻌﻄﯿﻼﺕ ﺑﮭﯽ ﻧﮩﯿﮟ ﺩﯼ ﺟﺎﺋﯿﮟ ﮔﯽ، ﻓﯿﺼﻠﮯ ﮐﺎ ﺍﻃﻼﻕ ﻭﻓﺎﻗﯽ ﺩﺍﺭﺍﻟﺤﮑﻮﻣﺖ ﺍﺳﻼﻡ ﺁﺑﺎﺩ ﮐﮯ ﺗﻌﻠﯿﻤﯽ ﺍﺩﺍﺭﻭﮞ ﭘﺮ ﮨﻮﮔﺎ۔
ﺗﻔﺼﯿﻼﺕ ﮐﮯ ﻣﻄﺎﺑﻖ ﻭﻓﺎﻗﯽ ﻭﺯﺍﺭﺕ ﺗﻌﻠﯿﻢ ﻧﮯ ﺩﺍﺭﺍﻟﺤﮑﻮﻣﺖ ﺍﺳﻼﻡ ﺁﺑﺎﺩ ﮐﮯ ﺗﻤﺎﻡ ﺗﻌﻠﯿﻤﯽ ﺍﺩﺍﺭﻭﮞ کے لئے ﮨﻔﺘﮯ ﮐﮯ ﺭﻭﺯ ﮐﯽ ﮨﻔﺘﮧ ﻭﺍﺭ ﺗﻌﻄﯿﻞ ﺧﺘﻢ ﮐﺮﻧﮯ ﮐﺎ ﻓﯿﺼﻠﮧ ﮐﯿﺎ ﮨﮯ
وفاقی ﻭﺯﺍﺭﺕ تعلیم ﻧﮯ ﺭﻭﺍﮞ ﺳﺎﻝ ﺗﻌﻠﯿﻤﯽ ﺍﺩﺍﺭﻭﮞ ﻣﯿﮟ ﻣﻮﺳﻢ ﺳﺮﻣﺎ ﮐﯽ ﺗﻌﻄﯿﻼﺕ ﺑﮭﯽ ﻧﮧ ﺩﯾﻨﮯ ﮐﺎ ﻓﯿﺼﻠﮧ ﮐﯿﺎ ﮨﮯ۔
اس سلسلے میں ﻭﻓﺎﻗﯽ ﻭﺯﺍﺭﺕ ﺗﻌﻠﯿﻢ ﮐﮯ ﺣﮑﺎﻡ ﮐﺎ ﮐﮩﻨﺎ ﮨﮯ ﮐﮧ یہ ﻓﯿﺼﻠﮧ ﺗﻌﻠﯿﻤﯽ ﺳﺎﻝ ﮐﮯ ﺩﻭﺭﺍﻥ لاک ڈاؤن کی وجہ سے ﮨﻮﻧﮯ ﻭﺍﻟﮯ ﻧﻘﺼﺎﻥ ﮐﮯ ﺍﺯﺍﻟﮧ ﮐﯿﻠﺌﮯ ﻟﯿﺎ ﮔﯿﺎ ﮨﮯ۔
ذرائع کے مطابق ﺍﺳﺎﺗﺬﮦ ﮨﻔﺘﮯ ﮐﮯ ﺭﻭﺯ ﺗﻌﻠﯿﻤﯽ لحاظ سے ﺳﮯ ﮐﻤﺰﻭﺭ ﻃﺎﻟﺐ ﻋﻠﻤﻮﮞ ﮐﻮ ﺧﺼﻮﺻﯽ ﺗﯿﺎﺭﯼ ﮐﺮﻭﺍﺋﯿﮟ ﮔﮯ
ذرائع نے مزید بتایا ہے کہ اس سال ﻣﯿﭩﺮﮎ ﺍﻭﺭ ﺍﻧﭩﺮﻣﯿﮉﯾﭧ ﮐﮯ ﺍﻣﺘﺤﺎﻧﺎﺕ بھی پندرہ ﺭﻭﺯ ﮐﯽ ﺗﺎﺧﯿﺮ ﺳﮯ ﻟﯿﮯ ﺟﺎﺋﯿﮟ ﮔﮯ۔ ﺍﺱ ﺣﻮﺍﻟﮯ ﺳﮯ ﺑﺎﻗﺎﻋﺪﮦ ﺍﺣﮑﺎﻣﺎﺕ ﺑﮭﯽ ﺟﺎﺭﯼ ﮐﺮ ﺩﯾﮯ ﮔﺌﮯ ﮨﯿﮟ اور ﻭﻓﺎﻗﯽ ﻧﻈﺎﻣﺖ ﺗﻌﻠﯿﻢ ﮐﻮ ﮨﺪﺍﯾﺎﺕ بھی ﺟﺎﺭﯼ ﮐﺮ ﺩﯼ ﮔﺌﯽ ﮨﯿﮟ
ﺗﻌﻠﯿﻤﯽ ﺍﺩﺍﺭﻭﮞ ﮐﮯ ﺳﺮﺑﺮﺍﮨﺎﻥ ﮐﻮ ﮨﺪﺍﯾﺖ ﮐﯽ ﮔﺌﯽ ﮨﮯ کہ ﺗﻌﻠﯿﻤﯽ ﮐﻠﯿﻨﮉﺭ ﮐﮯ ﻣﻄﺎﺑﻖ ﻓﺮﯾﻢ ﻭﺭﮎ ﺗﯿﺎﺭ ﮐﺮﯾﮟ۔
ﻣﺰﯾﺪ ﮐﮩﺎ ﮔﯿﺎ ﮨﮯ ﮐﮧ 15 ﺳﺘﻤﺒﺮ ﺳﮯ ﺗﻌﻠﯿﻤﯽ ﺍﺩﺍﺭﮮ کھلنے کے واضح امکانات ہیں تاہم ﺍﺱ ﺣﻮﺍﻟﮯ ﺳﮯ ﺣﺘﻤﯽ ﻓﯿﺼﻠﮧ 7 ﺳﺘﻤﺒﺮ ﮐﻮ ﮨﻮﻧﮯ ﻭﺍﻟﮯ ﺍﺟﻼﺱ ﻣﯿﮟ ہی ﮐﯿﺎ ﺟﺎﺋﮯ ﮔﺎ
یاد ﺭﮨﮯ ﮐﮧ ﻣﻠﮏ ﻣﯿﮟ کورونا ﻭﺍﺋﺮﺱ وبا ﮐﯽ ﻭﺟﮧ ﺳﮯ ﻣﺎﺭﭺ ﮐﮯ ﻣﺎﮦ ﻣﯿﮟ ﺗﻌﻠﯿﻤﯽ ﺍﺩﺍﺭﮮ ﺑﻨﺪ ﮐﺮ ﺩئے ﮔﺌﮯ ﺗﮭﮯ۔ ﺍﺏ 15 ﺳﺘﻤﺒﺮ ﺳﮯ ﺗﻌﻠﯿﻤﯽ ﺍﺩﺍﺭﮮ ﻣﺮﺣﻠﮧ ﻭﺍﺭ ﮐﮭﻮﻟﻨﮯ کا امکان ہے
کہا جا رہا ہے کہ ﺍﺑﺘﺪﺍﺋﯽ ﻃﻮﺭ ﭘﺮ ﺻﺮﻑ ﻣﯿﭩﺮﮎ ﺍﻭﺭ ﺍﻧﭩﺮﻣﯿﮉﯾﭧ ﮐﯽ ﮐﻼﺳﺰ ﮐﮯ ﺁﻏﺎﺯ ﭘﺮ ﻏﻮﺭ ﮐﯿﺎ ﺟﺎ ﺭﮨﺎ ﮨﮯ۔ جب کہ 28 ﺳﺘﻤﺒﺮ ﺳﮯ ﭘﺮﺍﺋﻤﺮﯼ ﺍﻭﺭ ﻣﮉﻝ ﮐﻼﺳﺰ ﮐﮯ ﺁﻏﺎﺯ ﮐﯽ ﺍﺟﺎﺯﺕ ﺩﯼ ﺟﺎﺋﮯ ﮔﯽ۔
