ﻣﯿﺮ ﭘﻮﺭ ﺧﺎﺹ ﻣﯿﮟ چیئرمین ﭘﺎﮐﺴﺘﺎﻥ ﭘﯿﭙﻠﺰ ﭘﺎﺭﭨﯽ ﺑﻼﻭﻝ ﺑﮭﭩﻮ ﺯﺭﺩﺍﺭﯼ ﮐﯽ ﺍٓﻣﺪ کی اطلاع پر ﺍﻧﺘﻈﺎﻣﯿﮧ ﮐﯽ ﺩﻭﮌﯾﮟ ﻟﮓ ﮔﺌﯿﮟ۔ ﺍﻧﺘﻈﺎﻣﯿﮧ ﮐﯽ ﺟﺎﻧﺐ ﺳﮯ ﺍﺋﯿﺮﭘﻮﺭﭦ ﮐﮯ نزدیک ﺳﯿﻼﺏ ﻣﺘﺎﺛﺮﯾﻦ ﮐﺎ ﺭﯾﻠﯿﻒ ﮐﯿﻤﭗ ﻗﺎﺋﻢ ﮐﺮﺩﯾﺎ ﮔﯿﺎ۔
اس سلسلے میں ﻣﺘﺎﺛﺮﯾﻦ ﮐﺎ ﮐﮩﻨﺎ ﮨﮯ ﮐﮧ ﯾﮧ ﮐﯿﻤﭗ ﺍٓﺝ ﮨﯽ ﻗﺎﺋﻢ ﮐﯿﺎ ﮔﻴﺎ ﮨﮯ۔ جب کہ ﮈﭘﭩﯽ ﮐﻤﺸﻨﺮ کا دعویٰ ہے کک ﺭﯾﻠﯿﻒ ﮐﯿﻤﭗ ﮔﺬﺷﺘﮧ ﺭﻭﺯ ﻗﺎﺋﻢ ﮐﯿﺎ ﮔﻴﺎ تھا
طوفانی بارشوں کی وجہ سے ﺳﻨﺪﮪ ﮐﮯ ﺿﻠﻊ ﻣﯿﺮﭘﻮﺭﺧﺎﺹ ﻣﯿﮟ ﺳﯿﻼﺏ ﺳﮯ ہزاروں ﮔﮭﺮ ﺯﯾﺮ ﺍٓﺏ ﺍٓﮔﺌﮯ ﮨﯿﮟ اور ﮨﺰﺍﺭﻭﮞ ﺍﯾﮑﮍ ﺯﺭﻋﯽ ﺯﻣﯿﻦ پر کھڑی فصلیں ﺑﮭﯽ ﺗﺒﺎﮦ ﮨﻮﮔﺌﯽ ہیں. لوگ بے سرو سامانی کی حالت میں اپنے مویشیوں کے ساتھ میرپورخاص سے نوکوٹ تک سڑک کنارے کھلے آسمان تلے بیٹھے ہیں. مرکزی سڑک کے دونوں اطراف تاحد نگاہ پانی ہی پانی نظر آ رہا ہے.
دوسری جانب ﻭﺯﯾﺮ ﺍﻋﻠﯽٰ ﺳﻨﺪﮪ ﺳﯿﺪ ﻣﺮﺍﺩ ﻋﻠﯽ ﺷﺎﮦ گڈو بیراج پر میڈیا سے گفتگو کرتے ہوئے بتایا ﮐﮧ ﮔﮉﻭ ﺑﯿﺮﺍﺝ ﮐﮯ ﻣﻘﺎﻡ ﭘﺮ ﺍﺱ ﻭﻗﺖ ﺳﯿﻼﺑﯽ ﺻﻮﺭﺗﺤﺎﻝ ﮨﮯ، ﮐﻞ ﮔﮉﻭ ﺑﯿﺮﺍﺝ ﭘﺮ ﭘﺎﻧﯽ ﻣﺰﯾﺪ ﺍُﻭﭘﺮ ﺟﺎﺋﮯ ﮔﺎ
وزیر اعلیٰ ﻧﮯ ﮐﮩﺎ ﮐﮧ ﺳﻨﺪﮪ ﺑﮭﺮ ﻣﯿﮟ ﺭﯾﮑﺎﺭﮈ ﺑﺎﺭﺷﯿﮟ ﮨﻮﺋﯿﮟ ﺟﺲ ﮐﮯ ﺑﺎﻋﺚ 25 ﻻﮐﮫ ﻟﻮﮒ ﻣﺘﺎﺛﺮ ﮨﻮئے ﮨﯿﮟ۔
