دو ہفتے قبل ہونے والی ایک شادی نے اس وقت ہلچل مچا دی تھی، جب عراقی دولہے حیدرالفیلی نے کویتی دلہن فنکارہ غدیر الفہد سے شادی کی تھی اور مہر ایک کلو سونا معجل اور ایک ارب یورو مؤجل رکھا گیا تھا
ایک ارب یورو لگ بھگ ایک ارب 78 کروڑ ڈالر کے مساوی بنتے ہیں۔ اتنی بڑی رقم مہر رکھنے پر لوگ یقین نہیں کر پا رہے تھے۔ اسی لیے اس شادی کی نشر ہونے والی وڈیو ہر جگہ موضوع بحث بن گئی تھی
تاہم حق مہر کی خطیر رقم کی وجہ سے مشہور ہونے والی اس شادی کا انجام بدقسمتی سے اچھا نہیں ہوا اور یہ اعلان سامنے آیا ہے کہ حیدر الفیلی اور غدیر الفہد نے رضامندی سے الگ ہونے کا فیصلہ کرلیا ہے
چار مارچ کو شادی کرنے والے عراقی حیدرالفیلی نے اعلان کرتے ہوئے بتایا ”آپس میں ہم آہنگی اور مطابقت پیدا نہ ہونے کی وجہ سے میں نے غدیر الفہد کو طلاق دے دی ہے۔“
دو ہفتے قبل فن لینڈ میں مقیم عراقی نوجوان کی اس شادی سے سوشل میڈیا پر طوفان برپا ہو گیا تھا۔ کویت کی اداکارہ غدیر الفہد کے ساتھ شادی کے معاہدے پر دستخط کرنے کی وڈیو ٹک ٹاک ایپ کے جس اکاؤنٹ پر نشر کی گئی، اسے 6.8 لاکھ افراد فالو کر رہے تھے
اس وقت وڈیو میں مجاز شخص کو معاہدے کی شرائط پڑھتے ہوئے سنا گیا کہ وہ کہہ رہا ہے جہیز ایک کلو 21 قیراط سونا ہے۔ پھر مجاز شخص یہ جملہ پڑھ کر حیران رہ گیا کہ ”مہر میں ایک ارب یورو موجل بھی ہے۔“
نکاح خواں نے اس قدر بڑی رقم کے مہر کی درستی یقینی بنانے کے لیے دولہا کو متوجہ بھی کیا
اس وقت سوشل میڈیا پر ایک تنازع کھڑا ہوگیا تھا۔ بعض افراد نے اسے مبالغہ آرائی سمجھا اور بڑی تعداد میں لوگوں نے کہا کہ وہ صرف اپنی بیوی کے لیے اپنی محبت اور تعریف کا اظہار کرنا چاہ رہا ہے۔
