نیشنل ڈیزاسٹر مینجمنٹ اتھارٹی (این ڈی ایم اے) نے ملک کے وسطی اور شمالی علاقوں میں ہلکی سے متعدل بارش کے ممکنہ اثرات کے حوالے سے وارننگ جاری کر دی ہے
این ڈی ایم اے نے امریکی موسمیاتی نشریاتی ادارے ’دی ویدر چینل‘ کا حوالہ دیتے ہوئے کہا کہ کچھ علاقوں میں موسلادھار بارش اور ژالہ باری کا امکان ہے
ایک بیان میں این ڈی ایم اے نے کہا کہ اس نے بارش کی وجہ سے پہاڑی علاقوں میں لینڈ سلائیڈنگ، طوفانی سیلاب، اور پہاڑی طوفانوں کے علاوہ ژالہ باری کے خطرے کی نشاندہی کی ہے، جس سے املاک فصلوں اور پودوں کو بھی نقصان پہنچ سکتا ہے
بیان میں مزید کہا گیا کہ این ڈی ایم اے صورتحال کی نگرانی کرتی رہے گی اور جیسے جیسے موسم کی صورتحال بہتر ہوتی جائے گی، اس کے مطابق متعلقہ ایڈوائزری جاری کرے گی
جب استفسار کیا گیا کہ اتھارٹی دی ویدر چینل کے ڈیٹا کا حوالہ کیوں دے رہی ہے، جب کہ اس کے پاس پورا محکمہ موسمیات ہے
تو اتھارٹی نے کہا کہ وہ موسم کی پیش گوئی کے لیے ’تمام ذرائع‘ پر انحصار کرتی ہے
تاہم رابطہ کرنے پر اسلام آباد میں محکمہ موسمیات کے ایک عہدیدار نے تصدیق کی کہ اس نے آخری بار 26 مئی کو موسم کی ایڈوائزری جاری کی تھی
جب دی ویدر چینل کی جانب سے جاری کردہ ایڈوائزری کی تصدیق کرنے کو کہا گیا تو محکمہ موسمیات نے کہا کہ وہ اس پر تب ہی تبصرہ کر سکتا ہے، جب این ڈی ایم اے نے باضابطہ طور پر پاکستان میٹرولوجیکیل ڈیپارٹمنٹ (پی ایم ڈی) کے ساتھ ایڈوائزری شیئر کی ہو۔
