ﻣﻠﮏ ﻣﯿﮟ ﺁﮐﺴﯿﺠﻦ ﮐﯽ ﻓﺮﺍﮨﻤﯽ کے لیے ﭘﺎﮐﺴﺘﺎﻥ ﺍﺳﭩﯿﻞ ﻣﻠﺰ ﻣﻼﺯﻣﯿﻦ کی بڑی پیشکش
ﻣﻠﮏ ﻣﯿﮟ ﮐﻮﺭﻭﻧﺎ ﮐﮯ ﺑﮍﮬﺘﮯ ﮨﻮﺋﮯ ﮐﯿﺴﺰ ﮐﮯ ﺩﻭﺭﺍﻥ ﺁﮐﺴﯿﺠﻦ ﮐﯽ ﻭﺍﻓﺮ ﻓﺮﺍﮨﻤﯽ کے لیے ﭘﺎﮐﺴﺘﺎﻥ ﺍﺳﭩﯿﻞ ﻣﻠﺰ ملازمین نے حکومت کو بڑی پیشکش کی ہے
ﻣﯿﮉﯾﺎ ﺭﭘﻮﺭﭦ ﮐﮯ ﻣﻄﺎﺑﻖ ﭘﺎﮐﺴﺘﺎﻥ ﺍﺳﭩﯿﻞ ﮐﮯ ﻣﻼﺯﻣﯿﻦ ﻧﮯ ﺍﺩﺍﺭﮮ ﮐﺎ ﺑﺮﺳﻮﮞ ﺳﮯ ﺑﻨﺪ ﺍٓﮐﯿﺴﺠﻦ ﭘﻼﻧﭧ ﮨﻨﮕﺎﻣﯽ ﺑﻨﯿﺎﺩﻭﮞ ﭘﺮ ﺻﺮﻑ ﺍﯾﮏ ﮨﻔﺘﮯ ﻣﯿﮟ ﻓﻌﺎﻝ ﮐﺮﻧﮯ ﮐﯽ ﭘﯿﺸﮑﺶ ﮐﯽ ہے، ﺟﺲ ﺳﮯ ﯾﻮﻣﯿﮧ 520 ﭨﻦ 99 ﺍﻋﺸﺎﺭﯾﮧ 5 ﻓﯿﺼﺪ ﺧﺎﻟﺺ ﺁﮐﺴﯿﺠﻦ ﭘﯿﺪﺍ ﮨﻮﺳﮑﮯ ﮔﯽ ﺍﻭﺭ ﻣﻠﮏ ﻣﯿﮟ ﺍٓﮐﺴﯿﺠﻦ ﮐﯽ ﻗﻠﺖ ﮐﺎ ﺧﺪﺷﮧ ﻣﮑﻤﻞ ﻃﻮﺭ ﭘﺮ ﺧﺘﻢ ﮨﻮﺟﺎﺋﮯ ﮔﺎ
اطلاعات کے مطابق ﺍﺱ ﻣﻘﺼﺪ ﮐﮯ ﻟﯿﮯ ﭘﺎﮐﺴﺘﺎﻥ ﺍﺳﭩﯿﻞ ﮐﮯ ﻣﻼﺯﻣﯿﻦ ﺍﻭﺭ ﻭﺭﮐﺮﺯ ﯾﻮﻧﯿﻦ ﮐﮯ ﺭﮨﻨﻤﺎﺅﮞ ﮐﯽ ﺟﺎﻧﺐ ﺳﮯ ﺣﮑﻮﻣﺖ ﭘﺮ ﺯﻭﺭ ﺩﯾﺎ ﮔﯿﺎ ﮨﮯ ﮐﮧ ﻣﻮﺟﻮﺩﮦ ﺣﺎﻻﺕ ﻣﯿﮟ ﭘﺎﮐﺴﺘﺎﻥ ﺍﺳﭩﯿﻞ ﮐﮯ ﺁﮐﺴﯿﺠﻦ ﭘﻼﻧﭧ ﮐﻮ ﻓﻌﺎﻝ ﮐﺮﮐﮯ نہ صرف ﭘﻮﺭﮮ ﭘﺎﮐﺴﺘﺎﻥ ﻣﯿﮟ ﺁﮐﺴﯿﺠﻦ ﮐﯽ ﻃﻠﺐ ﭘﻮﺭﯼ ﮐﯽ ﺟﺎﺳﮑﺘﯽ ﮨﮯ بلکہ اس سے ﺁﮐﺴﯿﺠﻦ ﮐﯽ ﺑﻠﯿﮏ ﻣﺎﺭﮐﯿﭩﻨﮓ ﮐﺎ ﺧﺎﺗﻤﮧ ﺑﮭﯽ ﻣﻤﮑﻦ ﮨﻮﮔﺎ
ﺑﺘﺎﯾﺎ ﮔﯿﺎ ﮨﮯ ﮐﮧ ﭘﺎﮐﺴﺘﺎﻥ ﺍﺳﭩﯿﻞ ﮐﺎ ﺁﮐﺴﯿﺠﻦ ﭘﻼﻧﭧ 2015ع ﺳﮯ ﺑﻨﺪ ﭘﮍﺍ ﮨﮯ، ﺟﺴﮯ ﺻﺮﻑ 8 ﺳﮯ 12 ﺭﻭﺯ ﻣﯿﮟ ﻓﻌﺎﻝ ﮐﯿﺎ ﺟﺎﺳﮑﺘﺎ ﮨﮯ، ﺍﺱ ﭘﻼﻧﭧ ﮐﻮ ﭼﻼﻧﮯ ﮐﮯ ﻟﯿﮯ چالیس ﺍﻓﺮﺍﺩ ﭘﺮ ﻣﺸﺘﻤﻞ ﻋﻤﻠﮯ ﮐﯽ ﺿﺮﻭﺭﺕ ﮨﻮﮔﯽ، ﺍﺏ ﭼﻮﮞ ﮐﮧ ﻣﻠﮏ ﮐﻮ ﺿﺮﻭﺭﺕ ﮨﮯ ﺗﻮ ﮨﻨﮕﺎﻣﯽ ﺑﻨﯿﺎﺩﻭﮞ ﭘﺮ 24 ﮔﮭﻨﭩﮯ ﮐﺎﻡ ﮐﺮ ﮐﮯﺻﺮﻑ ﺍﯾﮏ ﮨﻔﺘﮯ ﺳﮯ ﺑﮭﯽ ﮐﻢ ﻭﻗﺖ ﻣﯿﮟ ﺁﮐﺴﯿﺠﻦ ﮐﯽ ﻓﺮﺍﮨﻤﯽ ﮐﻮ ﯾﻘﯿﻨﯽ ﺑﻨﺎﯾﺎ ﺟﺎﺳﮑﺘﺎ ﮨﮯ ﺟﺐ ﮐﮧ ﺍﺩﺍﺭﮮ ﮐﮯ ﻓﯿﺒﺮﯾﮑﯿﭩﻨﮓ ﮈﭘﺎﺭﭨﻤﻨﭧ ﻣﯿﮟ ﺁﮐﺴﯿﺠﻦ ﮐﮯ ﺳﻠﻨﮉﺭﺯ ﺑﮭﯽ ﺗﯿﺎﺭ ﮐﯿﮯ ﺟﺎﺳﮑﺘﮯ ﮨﯿﮟ
ﺭﭘﻮﺭﭦ ﮐﮯ ﻣﻄﺎﺑﻖ ﭘﺎﮐﺴﺘﺎﻥ ﺍﺳﭩﯿﻞ ﻣﻠﺰ ﻣﻼﺯﻣﯿﻦ کا کہنا ہے کہ ﺍﮔﺮ ﺍﺱ ﻭﻗﺖ ﭘﺎﮐﺴﺘﺎﻥ ﺍﺳﭩﯿﻞ ﺁﮐﺴﯿﺠﻦ ﭘﻼﻧﭧ ﭼﻞ ﺭﮨﺎ ﮨﻮﺗﺎ ﺗﻮ ﺁﺝ ﭘﻮﺭﮮ ﭘﺎﮐﺴﺘﺎﻥ ﻣﯿﮟ ﮐﻮﺭﻭﻧﺎ ﮐﮯ ﻣﺘﺎﺛﺮﯾﻦ ﮐﻮ ﮨﺴﭙﺘﺎﻟﻮﮞ ﻣﯿﮟ ﺁﮐﺴﯿﺠﻦ ﮐﯽ ﻓﺮﺍﮨﻤﯽ ﯾﻘﯿﻨﯽ ﺑﻨﺎﺋﯽ ﺟﺎﺳﮑﺘﯽ ﺗﮭﯽ، ﺗﺎﮨﻢ ﺁﮐﺴﯿﺠﻦ ﭘﻼﻧﭧ 2015ع ﻣﯿﮟ ﭼﻠﺘﯽ ﺣﺎﻟﺖ ﻣﯿﮟ ﯾﮧ کہہ ﮐﺮ ﺑﻨﺪ ﮐﺮﺩﯾﺎ ﮔﯿﺎ تھا ﮐﮧ ﺟﺐ ﺍﺳﭩﯿﻞ ﮨﯽ ﻧﮩﯿﮟ ﺑﻨﺎ ﺭﮨﮯ ﺗﻮ ﺁﮐﺴﯿﺠﻦ ﮐﯽ ﮐﯿﺎ ﺿﺮﻭﺭﺕ ﮨﮯ، ﺍﺱ ﭘﻼﻧﭧ ﻣﯿﮟ چالیس ﺍﻓﺮﺍﺩ ﮐﺎﻡ ﮐﺮﺗﮯ ﺗﮭﮯ ﺟﻦ ﻣﯿﮟ ﺳﮯ ﮐﭽﮫ ﮐﻮ ﻧﮑﺎﻝ ﺩﯾﺎ ﮔﯿﺎ ﮨﮯ.
