اسرائیل اور متحدہ عرب امارات کے معاہدے پر طنزیہ کارٹون بنانے پر اردنی کارٹونسٹ کو گرفتار کر لیا گیا
تفصیلات کے مطابق اردن کے حکام نے کارٹونسٹ عماد حجاز کو اسرائیل اور متحدہ عرب امارات کے معاہدے پر طنزیہ اور تنقیدی کارٹون کی اشاعت کے بعد حراست میں لیا ہے۔ حجاز کو جمعرات کے روز ریاستی سیکیورٹی عدالت کے پاس بھیجا گیا ، جس کی وجہ سے سوشل میڈیا نے ان کی رہائی کا مطالبہ کیا۔
ان کے کارٹون میں ابو ظہبی کے شیخ محمد بن زید النہیان کو دکھایا گیا تھا – جسے اکثر متحدہ عرب امارات کا ڈی فیکٹو حکمران کہا جاتا ہے- کارٹون میں دکھایا گیا ہے کہ اسرائیلی پرچم والا کبوتر خلیجی رہنما کے چہرے پر تھوک رہا ہے ، کارٹون میں شامل عربی متن میں اسرائیل کی طرف سے متحدہ عرب امارات کو امریکی F-35 ہوائی جہاز فروخت کرنے کی مخالفت کی طرف اشارہ کیا گیا ہے۔
آزادیء صحافت اور اظہار کے لئے کام کرنے والے ادارے سنٹر فار دی پروٹیکشن اینڈ فریڈم آف جرنلسٹس کے سی ای او ، ندال منصور نے کہا ہے کہ حجاز کو اردن کے سائبر کرائم قانون کے سلسلے میں گرفتار کیا گیا ہے ، ان پر ایسی اشاعت کے مواد پر جرمانہ عائد کیا گیا ہے جو کسی دوسرے عرب ملک کے لئے جارحانہ سمجھا جاسکتا ہے۔ ایک ٹویٹ میں منصور نے ان کی فوری رہائی کا مطالبہ کیا۔
ٹویٹ میں ندال منصور لکھتے ہیں "مجھے اپنے عزیز ساتھی عماد حجاج کی گرفتاری کے حوالے سے معلوم ہوا کہ یہ ملک کے سائبر کرائم قوانین کے سلسلے میں ہے۔ ہم اس کی فوری رہائی کا مطالبہ کرتے ہیں ، کیوں کہ اس کی نظربندی اسے قبل از وقت سزا دینے کے مترادف ہے۔”
سوشل میڈیا پر گردش کرنے والی تصاویر میں دیکھا جا سکتا ہے کہ حراست میں لیے جاتے وقت حجاج اپنے حامیوں کو دیکھ کر ہاتھ لہرا رہے ہیں
ندال منصور نے اپنی ایک دوسری ٹویٹ میں لکھا ہے کہ ریاستی سلامتی کے قوانین اس وقت نافذ کیے جاتے ہیں، جب لوگ تخلیقی انداز میں اپنے خیالات کا اظہار کرتے ہیں ، جیسے فنکار عماد حجاج کا کارٹون ، جو اسرائیل اور متحدہ عرب امارات معاہدے کا حوالہ دیتا ہے ، یہ کارٹون عربی نیوز ویب سائٹ ال عربی الجید پر شائع ہوا۔ بدھ کے روز شائع ہونے والے اس کیریکیچر کا عنوان تھا ‘اسرائیل، امریکہ سے متحدہ عرب امارات کو ایف 35 فروخت نہ کرنے کو کہہ رہا ہے’
ایکزیوس کے مطابق ، اس ہفتے کے آغاز میں ، متحدہ عرب امارات نے اسرائیلی اور امریکی عہدیداروں کے ساتھ معمول کی بات کو باقاعدہ بنانے کے لئے ایک ملاقات منسوخ کردی ، کیونکہ اسرائیلی وزیر اعظم بینجمن نیتن یاھو نے امریکہ کی طرف سے ابوظہبی کو لاک ہیڈ مارٹن F-35 لڑاکا طیارے فروخت کرنے کی مخالفت کی تھی۔
ابوظہبی امریکی ساختہ جدید ترین جیٹ طیاروں کی خریداری کے لئے کوشاں تھا ، لیکن امریکی پالیسی کے تحت اسرائیل کو خطے میں اپنی فوجی برتری برقرار رکھنی ہوگی۔
حجاج نے اپنے سیاسی کارٹونوں کے ذریعہ سوشل میڈیا پر ایک بہت بڑا حلقہ پیدا کیا ہے، ٹویٹر پر ان کے 1،30،000 سے زیادہ فالوورز ہیں۔
