آپ کو یاد ہوگا کہ ایک سال قبل گوگل نے اعلان کیا تھا کہ اب اینڈرائڈ آلات کے لیے بطور اسسٹنٹ ایک آپشن پیش کیا جا رہا ہے، جس کے تحت گوگل نیوز یا کسی بھی ویب بیچ کو بلند آواز میں سنا جا سکتا تھا۔ حال ہی میں گوگل نے اس میں مزید پیش رفت کی ہے
جی ہاں، اب آپ اپنے فون کو دور رکھ کر انگریزی کے تین مختلف لہجوں میں ویب پیج سن سکتے ہیں۔ ان میں برطانوی، آسٹریلوی اور ہندوستانی انگریزی کے لہجے شامل ہیں۔ صرف یہی نہیں بلکہ یہ 42 زبانوں میں ترجمہ بھی کر سکتا ہے، اب تک اس میں زبانیں پڑھنے اور انگریزی لہجوں کی جو کمی تھی، اسے پورا کر دیا گیا ہے
اب ’رِیڈ الاؤڈ‘ کے آپشن میں چھ مختلف آوازوں میں سے ایک منتخب کی جا سکتی ہے۔ ان میں مرد اور خواتین کی آوازیں شامل ہیں جو ہندوستانی، آسٹریلوی اور برطانوی انگریزی لہجوں میں خبریں سناتی ہیں
اس سہولت کو استعمال کرنے اور فیچر تک رسائی حاصل کرنے کا طریقہ یہ ہے کہ کروم یا کروم پر مبنی کسی بھی براؤزر کو کھولیں اور اسسٹنٹ کو آن کریں۔ اب فون پر کہیں ’رِیڈ دِس‘ یا کہیں ’ریڈ اِٹ‘ ۔ آپ کے یہ کہتے ہی ایک نیا انٹرفیس پاپ اپ میں کھل جائے گا، جس کے درمیان میں مطلوبہ پیج ہوگا اور نیچے پلے بیک کنٹرول ہوگا۔ اب اوپر دائیں جانب تین ڈاٹ وال اوورفلو بٹن کو ٹچ کیجئے اور اس میں "رِیڈ الاؤڈ وائس” کا انتخاب کیجئے
اسی جگہ سے آپ انگریزی کے مختلف لہجوں کا انتخاب بھی کر سکتے ہیں، جن میں چھ نئی آوازیں شامل ہیں، جنہیں مصنوعی ذہانت سے تخلیق کیا گیا ہے.
