’اس کو کاٹیں‘ اور جب مریم نواز کے انٹرویو میں اینکر نے ’سیلبس‘ سے باہر سے سوال پوچھ لیا

مسلم لیگ ن کی چیف آرگنائزر مریم نواز کے نجی ٹی وی کو دیے گئے انٹرویو کا غیر نشر شدہ حصہ افشا ہو گیا ہے

گزشتہ دنوں مریم نواز نے نجی ٹی وی کو انٹرویو دیا تھا، جس کے دو کلپس وائرل ہوگئے ہیں، جو حذف کر دیے گئے تھے اور نشر نہیں کیے گئے

ان کلپس میں اینکر منصور علی خان نے مریم نواز سے توشہ خانہ سے گاڑی کا تحفہ لینے کے بارے میں سوالات کیے، جس پر مریم گڑبڑا گئیں اور آئیں بائیں شائیں کرنے لگیں

اس دوران انہوں نے اپنی بوکھلاہٹ چھپانے اور پُر اعتماد نظر آنے کی بھرپور کوشش کی لیکن پھر بھی ان کے چہرے پر ہوائیاں اڑتی دکھائی دیں

پھر انہوں نے لاجواب ہو کر ایک طرح سے انٹرویو کے وہ حصہ کٹ کرنے اور نشر نہ کرنے کا حکم دیتی ہیں، جس کے نتیجے میں نجی ٹی وی چینل سما نیوز نے وہ حصے نشر نہیں کیے گئے

مریم نواز ان حصوں کو نشر نہ کرنے کا حکم دے کر مطمئن ہوگئیں، لیکن اب کئی روز بعد وہ حصے کسی طرح لیک ہو کر سوشل میڈیا پر وائرل ہو گئے ہیں

مریم نواز سے پوچھا گیا کہ توشہ خانے سے گاڑی لینے کی اجازت نہیں لیکن نواز شریف نے 1990 کے عشرے میں سعودی شہزادے سے تحفے میں لی گئی مرسیڈیز گاڑی 2008 میں حاصل کی

اس کے جواب میں مریم نواز نے کہا کہ قانونی طور پر توشہ خانے سے پیسے دے کر تحفہ خریدا جاسکتا ہے، اس کی ممانعت نہیں

اینکر نے مریم کو ٹوکا کہ قواعد کے مطابق گاڑی لینے کی اجازت نہیں تھی جس پر مریم نواز بولیں اس کو کاٹیں۔ یعنی اس وڈیو کو بند کرو

اسی طرح مریم نواز سے سوال کیا گیا کہ آپ نے امارات کے شاہی خاندان سے بی ایم ڈبلیو گاڑی لی تو مریم نواز نے کسی بی ایم ڈبلیو کار کی ملکیت سے صاف انکار کر دیا۔ تاہم جب اینکر نے مریم نواز کو ثبوت دکھائے تو وہ ہکا بکا رہ گئیں۔ اور انہوں نے پھر وڈیو بند کرنے کا حکم دے دیا۔