کیا آپ کو آمو حاجی یاد ہے، وہ شخص جس نے سڑک پر گاڑیوں کی ٹکر سے مرنے والے جانوروں کو کھایا اور برسوں تک نہانے سے گریز کیا؟ مینڈرس بارنیٹ نامی بتیس سالہ امریکی خاتون آپ کو اس کی یاد دلائے گی
امریکی ریاست اوریگون سے تعلق رکھنے والی بتیس سالہ مینڈرس بارنیٹ نے اپنی وائلڈ لائف ٹیکنیشن کی نوکری کو اس وقت خیرباد کہہ دیا، جب اس کی ملاقات ایک ایسے شخص سے ہوئی جو خانہ بدوش زندگی گزار رہا تھا اور چھ سال سے گھوڑے پر سفر کر رہا تھا
مینڈرس ترکِ دنیا کی زندگی گزار رہی ہے، وہ ہفتے کے سات دن اور چوبیس گھنٹے بغیر کسی گھر کے قدرتی مقامات میں رہ رہی ہے اور سڑک پر مارے گئے جانوروں کا گوشت کھاتی ہے
اس کی کہانی نے انٹرنیٹ پر دھوم مچا دی ہے۔ اس نے گوشت کی دوسری شکلوں کے بجائے گاڑیوں کی ٹکر سے مرنے والے جانوروں کا گوشت کھانے کی وجہ بتاتے ہوئے کہا کہ وہ نہیں چاہتی کہ جانوروں کی موت رائیگاں جائے
اس نے اپنی خانہ بدوش زندگی کا آغاز جولائی 2019 میں شروع کیا، جب اس کی ملاقات ایک ایسے لڑکے سے ہوئی، جو دنیا سے الگ تھلگ رہ کر چھ سال سے گھوڑے پر مختلف مقامات کا سفر کر رہا تھا
میںڈرس نے اس کے ساتھ شامل ہونے کے لیے ایک کشش محسوس کی اور اس لیے اُس نے اس نوجوان کی طرح زندگی گزارنے کا ارادہ کیا۔ اِس کے بعد بارنیٹ تہذیب سے دور رہنے والے نوجوان کے ساتھ شامل ہو گئی۔ دونوں نے سڑک پر ڈھائی سال گزارے، جس کے دوران انہوں نے امریکہ میں آئیڈاہو سے اوریگون تک 500 میل کا سفر کیا
آئیڈاہو کے باشندے نے ساؤتھ ویسٹ نیوز سروس سے بات کرتے ہوئے انکشاف کیا، ”ہم گرڈ سے دور رہ رہے تھے۔ میں وہ سب کچھ سپرد کر رہا تھا جو میں نے سوچا تھا کہ میں جانتا ہوں۔ وہ جدید دنیا کے میٹرکس سے بچنے کے لیے پچھلے چار سالوں سے ایک خیمے میں رہ رہی ہے کیونکہ وہ محسوس کرتی ہے کہ اس کا دل اور روح فطرت میں ہے“
تاہم، مینڈرس اور اس کے سڑک کے ساتھی نے 2022 میں راستے الگ کر دئیے۔ تب سے، مینڈرس گرانٹس پاس، اوریگون میں اپنے دو گھوڑوں Huittsuu اور Paxtwylá کے ساتھ 10 بائی 12 فٹ کے کینوس کے خیمے میں تنہا رہ رہی ہیں۔ وہ اپنے کپڑے نہانے اور دھونے کے لیے کنویں کا پانی استعمال کرتی ہے، گرم کرنے اور کھانا پکانے کے لیے لکڑی کا چولہا اور اپنے فون کو چارج کرنے کے لیے ایک سولر بیٹری پارک استعمال کرتی ہے۔ وہ شکار کرتی ہے، سلاد کھاتی ہے، اور محفوظ ’روڈ کِل‘ کھاتی ہے، نیز اپنی مقامی فارم شاپ سے گروسری اکٹھا کرتی ہے
مزید برآں، اس نے کہا، ”میں ایک چھوٹی سی جگہ میں رہنے کی عادی ہوں۔ میں سارا دن، ہر دن، باہر گزارتی ہوں۔“
مینڈرس نے یہ طرز زندگی دنیا کے عوام کو کنٹرول کرنے والے خفیہ نظام (matrix) سے بچنے کے لیے اپنایا ہے اور اس کے لیے پچھلے چار سالوں سے ایک خیمے میں رہ رہی ہے
واضح رہے کہ دنیا پر کنٹرول کی میٹرکس تھیوری پر یقین رکھنے والوں کا ماننا ہے کہ ایک طاقتور خفیہ مرکزی سوسائٹی ہے، جو سیاسی جماعتوں، حکومتوں، کارپوریشنوں اور ان کی روزمرہ کی زندگی کو کنٹرول کرتی ہے۔ ان کا کہنا ہے کہ یہ تنظیم انہیں آزادانہ زندگی گزارنے سے روک رہی ہے اور ایسے لوگوں کے ذہنوں کو مختلف طریقوں سے تبدیل کے لیے کوششیں کر رہی ہے جو اس پر سوال کرتے ہیں
مینڈرس اکثر فیسبک پر اپنی زندگی کے بارے میں اور مخلتف مہمات کے بارے میں اپ ڈیٹس پوسٹ کرتی رہتی ہے
مینڈرس بارنیٹ نے ساؤتھ ویسٹ نیوز سروس کو شہری زندگی سے کٹ کر خانہ بدوشوں والی زندگی کے تجربے کے بارے میں بتاتے ہوئے کہا ”میں سڑک حادثے میں مرے ہوئے جانور اٹھاتی ہوں۔ اس دوران میں اچھے طریقے سے جان گئی ہوں کہ کون سا مرا ہوا جانور کتنا تازہ ہے۔ مجھے سلاد کے لیے مشروم اور جنگلی پھول جمع کرنا پسند ہے۔“
اس نے یہ بھی اظہار کیا کہ ضروری نہیں کہ وہ اپنی اس غیر معمولی خوراک سے خوش ہے یا اسے اس میں کوئی دلچسپی ہے ، لیکن وہ جانوروں کی موت کو رائیگاں جانے دینے کے بجائے اسے کھاتی ہیں۔ درحقیقت اس نے انکشاف کیا کہ جانوروں کا گوشت کھانے کے علاوہ وہ اس کا کوئی حصہ ضائع یا بیکار نہیں ہونے دیتی۔ اس نے دعویٰ کیا کہ وہ ہرن کے تمام حصے استعمال کرتی ہے۔ وہ کپڑے اور تھیلے بنانے کے لیے ٹین کی چھپیاں اور اوزار بنانے کے لیے ہڈیاں لیتی ہے۔
