واٹس ایپ پر اب تک کا سب سے بہترین فیچر پیش کیے جانے کا امکان

اطلاعات ہیں کہ دنیا کی سب سے بڑی انسٹنٹ میسیجنگ ایپلیکیشن واٹس ایپ جلد ہی پلیٹ فارم پر اپنا اب تک کا سب سے بہترین فیچر یعنی پیغام کو ایڈٹ کرنے کا آپشن متعارف کرائے گی

واٹس ایپ پر ایڈٹ میسیج کے فیچر کو پیش کیے جانے کی خبریں ابتدائی طور پر جون 2022ع میں آئی تھیں اور امکان تھا کہ اسے 2023 کے آغاز تک پیش کردیا جائے گا، تاہم ایسا نہیں ہو سکا

لیکن اب اس حوالے سے تازہ خبر یہ ہے کہ واٹس ایپ کے ماہرین تاحال ایڈٹ میسیج کے فیچر پر کام کرنے میں مصروف ہیں اور آئندہ تین ماہ میں اسے آزمائش کے لیے پیش کیے جانے کا امکان ہے

واٹس ایپ کی اپڈیٹس پر نظر رکھنے والی ویب سائٹ ویب ایٹ انفو کے مطابق ایڈٹ میسیج کے فیچر کو پیش کرنے کا کام آخری مراحل میں ہے اور جلد ہی اسے آزمائش کے لیے پیش کردیا جائے گا

رپورٹ میں بتایا گیا کہ ابتدائی طور پر مذکورہ فیچر کو سب سے پہلے آئی او ایس کے محدود صارفین کے پیش کیا جائے گا، جس کے بعد ترتیب وار اسے اینڈرائڈ صارفین کے لیے پیش کیا جائے گا

فیچر کے مطابق صارفین کے پاس پندرہ منٹ کے اندر بھیجے گئے غلط میسیج کو ایڈٹ کرنے کا آپشن موجود ہوگا، تاہم اس کے باوجود وہ غلط میسیج کو ایڈٹ نہیں کر پائیں گے

مذکورہ فیچر کے تحت صارفین صرف الفاظ کو ہی ایڈٹ کر پائیں گے اور بھیجے گئے لنکس بھی تبدیل کر سکیں گے، تاہم بھیجی گئی ویڈیوز اور تصاویر سے متعلق فوری طور پر کچھ نہیں کہا جا سکتا

ممکنہ طور پر ایڈٹ میسیج کے فیچر کے تحت بھیجی گئی تصاویر اور وڈیوز کو بھی سلیکٹ کرکے انہیں تبدیل یا ایڈٹ کیا جا سکے گا، تاہم اس حوالے سے کچھ بھی کہنا قبل از وقت ہے

اس سے فیچر سے قبل گزشتہ برس واٹس ایپ نے ڈیلیٹ کیے گئے میسیج کو واپس لانے کا فیچر بھی پیش کیا تھا

مذکورہ فیچر کے تحت غلطی سے ڈیلیٹ کیے گئے میسیج کو اب صارفین تیس سیکنڈ کے اندر اندر اَن-ڈُو کر کے واپس لا سکتے ہیں۔