پاکستانی طلبہ کے لئے سعودی عرب کی 25 یونیورسٹیوں میں اسکالرشپس کا اعلان
سعودی عرب نے پاکستانی طلبہ کے لیے پچیس یونیورسٹیوں میں اسکالرشپس کا اعلان کیا ہے، اسکالرشپ کے لیے منتخب ہونے والے طلبہ کو وظیفہ سمیت دیگر سہولیات بھی فراہم کی جائیں گی
ہائر ایجوکیشن کمیشن (ایچ ای سی) پاکستان کی ویب سائٹ پر جاری کردہ بیان کے مطابق ڈپلومہ، بیچلرز، ماسٹرز اور پی ایچ ڈی کے طلبہ اس اسکالرشپ سے مستفید ہوسکتے ہیں
سعودی عرب کی جانب سے علم سیاسیات، قانون، تعلیم، ایڈمنسٹریشن، معاشیات، انجینئرنگ، کمپیوٹر سائنس، زراعت، عربی، اسلامک اسٹیڈیز اور میڈیا سائنسز میں اسکالرشپس کا اعلان کیا گیا ہے
سعودی عرب پچیس یونیورسٹیوں میں اسکالرشپ کے مواقع فراہم کر رہا ہے، ہر یونیورسٹی میں 5 فیصد طلبہ کو انرول کیا جائے گا، جبکہ دو یونیورسٹیوں میں رجسٹریشن کا تناسب مختلف رکھا گیا ہے
پرنسز نور بنتِ عبدالرحمٰن یونیورسٹی برائے خواتین (ریاض) میں 8 فیصد پاکستانی اور کشمیری طلبہ جبکہ مدینہ منورہ میں واقع جامعہ اسلامیہ میں مجموعی طور پر 85 فیصد نشستوں پر رجسٹریشن کی جائے گی
ایچ ای سی کی ویب سائٹ پر جاری کردہ طریقہ کار میں بتایا گیا ہے کہ یونیورسٹی، سعودی وزارت تعلیم کو درخواست بھیجے گی اور اہل طلبہ کو اسکالرشپ فراہم کرے گی
بیان میں کہا گیا کہ اسکالرشپ میں پاکستان میں مقیم طلبہ کے لیے 75 فیصد جبکہ سعودی عرب میں مقیم پاکستانی طلبہ کے لیے 25 فیصد کوٹہ رکھا گیا ہے
اسکالرشپ کے لیے درخواست دینے والے طلبہ کے لیے شرط عائد کی گئی ہے کہ طلبہ کو کسی ادارے سے نکالا نہ گیا ہو اور نہ ہی ان کا کوئی کرمنل ریکارڈ ہو، بصورت دیگر درخواست کو مسترد کردیا جائے گا
اسکالرشپ حاصل کرنے والے طلبہ کو تین ماہ کا وظیفہ اور ریٹرن ٹکٹ بھی دیا جائے گا، انہیں مفت میڈیکل سمیت دیگر سہولیات فراہم کی جائیں گی
سائنس کے شعبے میں اسکالرشپ حاصل کرنے والے طلبہ کو 900 سعودی ریال جبکہ دیگر شعبہ جات میں اسکالرشپ حاصل کرنے والے طلبہ کو 850 سعودی ریال ماہانہ وظیفہ دیا جائے گا
جن پچیس یونیورسٹیوں میں اسکالرشپس دینے کا اعلان کیا گیا ہے ان میں درج ذیل یونیورسٹیاں شامل ہیں:
جدہ یونیورسٹی
بشاہ یونیورسٹی
اُم القرا یونیورسٹی
اسلامک یونیورسٹی
امام محمد ابنِ سعود اسلامک یونیورسٹی
کند سعود یونیورسٹی
کنگ عبدالعزیز یونیورسٹی
حفار الباطن یونیورسٹی
کنگ فیصل یونیورسٹی
کنگ خالد یونیورسٹی
قاسم یونیوسٹی
طیبہ یونیورسٹی
طائف یونیورسٹی
یونیورسٹی آف حائل
جزان یونیورسٹی
الجوف یونیورسٹی
البہا یونیورسٹی
طابق یونیورسٹی
نجران یونیورسٹی
نادرن بارڈر یونیورسٹی
پرنس ستام بن عبدالعزیز یونیورسٹی
شقرا یونیورسٹی
مجمہ یونیورسٹی
اسکالرشپس کے لیے پاکستان اور کشمیر کے طلبہ درخواستیں دے سکتے ہیں، پروگرام میں بیچلرز کی ڈگری کے لیے درخواست دینے والے طلبہ کی عمر سترہ سے پچیس، ماسٹرز کے لیے تیس اور پی ایچ ڈی کے لیے پینتیس سال ہونی چاہیے۔
