بغداد : سعودی عرب اور ایران عرب کے نمائندوں کے درمیان عراق میں مذاکرات کے ایک نئے دور کا آغاز ہوا ہے
اس حوالے سے دو عراقی عہدیداروں کا کہنا تھا کہ ایرانی صدر ابراہیم رئیسی کے تہران میں حلف اٹھانے کے بعد علاقائی حریفوں کے درمیان اس طرح کی پہلی یہ ملاقات تھی
ایک عراقی عہدیدار کے مطابق گزشتہ ہفتے ہونے والی ملاقات میں دونوں ممالک کے درمیان پہلے سے طے شدہ روڈ میپ کے مطابق زیر التوا مسائل پر تبادلہ خیال کیا گیا تھا، جس میں دونوں ممالک کے درمیان سفارتی نمائندگی بھی شامل ہے
عہدیدار نے کہا کہ یہ ملاقات اگرچہ وزارتی سطح پر نہیں ہوئی، لیکن مذاکرات کا انعقاد ایک مثبت پیش رفت ہے
واضح رہے کہ عراق نے حال ہی میں ان دو علاقائی حریفوں کے درمیان ثالثی کا کردار ادا کیا ہے. بغداد میں اپریل کے اوائل میں ریاض اور تہران کے درمیان پہلی براہ راست ملاقات کے بعد سے بات چیت کے کئی دور ہو چکے ہیں
سعودی عرب نے ایران کے ساتھ مذاکرات کی کوشش کی ہے، کیونکہ وہ ریاست یمن میں ایران کے حمایت یافتہ حوثی دہشت گردوں کے خلاف اپنی برسوں سے جاری جنگ کو ختم کرنے کی کوشش کر رہا ہے
دریں اثنا ایران امریکا کے ساتھ ساتھ سعودی عرب سے بھی فاصلے کم کر ریا ہے تاکہ واشنگٹن اور عالمی قوتوں کے ساتھ نئے سرے سے جوہری مذاکرات کے دوران اسے اپنے حق میں استعمال کر سکے
یاد رہے کہ گزشتہ مہینے بغداد نے ایک علاقائی کانفرنس کی میزبانی کی تھی جس میں عرب سربراہان مملکت اور ایران اور سعودی عرب کے وزرائے خارجہ سمیت اعلیٰ عہدیداروں کو اکٹھا کیا گیا تھا.
