آغا سراج درانی کی گرفتاری کے لئے نیب ٹیموں کے چھاپے

کراچی : اسپیکر سندھ اسمبلی آغا سراج درانی کی گرفتاری کے لیے نیب ٹیموں نے چھاپے مارنا شروع کردیے ہیں

آغا سراج درانی کی گرفتاری کے لیے نیب کی ایک ٹیم ان کی رہائش گاہ پہنچ گئی

ذرائع نیب کا کہنا ہے کہ اسپیکر سندھ اسمبلی آغا سراج درانی کی گرفتاری کے لیے نیب کی دو خصوصی ٹیمیں تشکیل دی گئی ہیں

دوسری جانب صوبائی وزیر برائے توانائی امتیاز شیخ نے سندھ ہائی کورٹ کی جانب سے اسپیکر سندھ اسمبلی آغا سراج درانی سمیت نو ملزمان کی درخواست ضمانت مسترد کرنے پر کہا کہ آغا سراج میرے دوست ہیں، ہم مشکل گھڑی میں ان کے ساتھ ہیں

امتیاز شیخ نے آغا سراج درانی کے بنگلے کے باہر میڈیا سے گفتگو میں کہا کہ ٹی وی پر دیکھا عدالت نے سراج درانی کی ضمانت منسوخ کی ہے، کورٹ کے معاملات کا مجھے زیادہ علم نہیں ہے

امتیاز شیخ نے کہا کہ نیب کافی عرصے سے تنگ کر رہی ہے، اہل خانہ کو بھی گھسیٹا گیا،  پی ٹی آئی حکومت میں عورتوں کو بھی کیسوں میں گھسیٹا گیا۔

امتیاز شیخ نے کہا کہ اس وقت ملک کے حالات نازک ہیں سوچ سمجھ کر فیصلے کرنے چاہییں، ہم بار بار کہتے آئے ہیں نیب کا معاملہ سیاسی انتقام ہے.

• آئی ایس آئی سربراہ نوٹیفکیشن میں تاخیر سے شہر اقتدار میں چہ میگوئیاں

• سن کوٹہ پر بھرتیوں سے متعلق سپریم کورٹ کا اہم فیصلہ

• اشرف غنی ملک سے لاکھوں ڈالر لے کر فرار ہوئے، اشرف غنی کے سابق چیف سیکیورٹی افسر کا بیان

• سندھ حکومت نے بلدیاتی الیکشن کرانے کا اعلان کر دیا

• جام کمال خان کے خلاف تحریک عدم اعتماد جمع کرادی گئی