کراچی : وفاقی ہائر ایجوکیشن کمیشن نے کورونا کے تناظر میں طلبہ کا مستقبل بچانے کے لئے 2019ع میں بی اے/ بی ایس سی کی بنیاد پر ایم اے/ ایم ایس سی میں داخل شدہ طلبہ کو ایک بار چھوٹ دیتے ہوئے، ان کے داخلوں کی ٹائم لائن کو 30 جون 2022ع تک ایڈجسٹ کر دیا ہے
ایچ ای سی کے ڈائریکٹر کوآرڈینیشن شہزاد عباسی کے جاری کردہ نوٹیفکیشن کے مطابق 14 سال کی تعلیم رکھنے والے طلباء بی اے/ بی ایس سی اور ایسوسی ایٹ یا مساوی ڈگری رکھنے والے طلبہ بی ایس کے پانچویں سیمسٹر میں داخلہ لے سکتے ہیں
ایسے طلبہ کی تعلیمی کمی کو دور کرنے کے لئے داخلہ دینے والی یونیورسٹی 15-18 کریڈٹ آورز کے برجنگ کورسز کا فیصلہ کر سکتی ہے
اس ضمن میں دلچسپ بات یہ ہے کہ ہائر ایجوکیشن کمیشن نے اپنے نوٹیفکیشن میں بی اے اور بی ایس سی کا ذکر تو کیا ہے لیکن بی کام کی بنیاد پر ایم کام میں داخلہ لینے والے طلبہ کا ذکر کرنا ہی مناسب نہیں سمجھا، جس کی وجہ سے وجہ سے ابہام پیدا ہو گیا ہے
نوٹیفکیشن کے مطابق زیادہ تر اعلیٰ تعلیمی ادارے ایسوسی ایٹ ڈگری کے نظام میں منتقل ہو گئے ہیں، تاہم چند اداروں نے مقررہ وقت سے آگے مرحلہ وار BA/BSc پروگراموں میں طلباء کو داخلہ دیا۔ نتیجتاً ایسی ڈگریوں کے پاس ہائر ایجوکیشن کمیشن کی طرف سے شناخت اور تصدیق کا دعویٰ کرنے کا حق نہیں ہے۔
نوٹیفکیشن میں کہا گیا ہے کہ کووڈ-19 کی وجہ سے پیدا ہونے والی رکاوٹوں کو مدنظر رکھتے ہوئے ایسے پروگراموں میں داخلہ لینے والے طلباء کے تعلیمی کیریئر کے تحفظ کے لئے کمیشن کی منظوری کے بعد بی اے/بی ایس سی ڈگری ہولڈرز کو ایک بار چھوٹ دی جاتی ہے
یاد رہے کہ ایچ ای سی نے پہلے اس حوالے سے 31مارچ 2021ع تک توسیع دی تھی.
