کراچی: انٹرمیڈیٹ بورڈ کراچی نے سیکنڈ ایئر سائنس پری میڈیکل کے سالانہ امتحانات2021ء کے پہلے مرحلے کے نتائج کا اعلان کر دیا ہے
چیئرمین انٹر بورڈ کا کہنا ہے کہ سائنس پری میڈیکل امتحانات میں 22 ہزار 219 امیدواروں نے رجسٹریشن کروائی، جس میں سے 21 ہزار 950 امیدوار امتحانات میں شریک ہوئے اور 20 ہزار 637 امیدوار کامیاب قرار پائے
انٹرمیڈیٹ سیکنڈ ایئر سائنس پری میڈیکل کے سالانہ امتحانات کے نتائج میں کامیابی کا تناسب 94.02 فیصد رہا
انٹر بورڈ کے مطابق 4 ہزار 686 امیدواروں نے اے ون، 2 ہزار 795 امیدواروں نے اے گریڈ، 2 ہزار 913 امیدواروں نے بی گریڈ، 3 ہزار 800 امیدواروں نے سی گریڈ حاصل کیا
پری میڈیکل کے سالانہ امتحانات میں 4 ہزار 798 امیدواروں نے ڈی گریڈ، 1 ہزار 845 امیدواروں نے ای گریڈ حاصل کیا.
