مرسڈیز بینز 1955ع، جس کے صرف دو ورژن موجود ہیں، اس ماہ کے شروع میں چودہ کروڑ تیس لاکھ ڈالرز (ساڑھے تیرہ کروڑ یورو) میں نیلام ہوئی ہے
فرانسیسی خبر رساں ادارے اے ایف پی کے مطابق کلاسک کاروں کی نیلامی کرنے والی کمپنی آر ایم سوتھبے نے جمعرات کو بتایا کہ یہ دنیا کی اب تک کی سب سے مہنگی فروخت ہونے والی کار ہے
کمپنی کی طرف سے جاری کردہ اعلامیے میں کہا گیا ہے کہ ’1955 کی مرسڈیز بینز ایک پرائیویٹ گاہک کو ساڑھے تیرہ کروڑ یورو کی ریکارڈ قیمت میں نیلامی میں فروخت کی گئی ہے‘
واضح رہے کہ یہ گاڑی پچھلے ریکارڈ سے تقریباً تین گنا زیادہ قیمت میں فروخت ہوئی ہے ، جسے 1962ع فراری 250 جی ٹی او نے 2018ع میں قائم کیا تھا۔ 1962 فراری 250 جی ٹی او چار کروڑ اَسی لاکھ ڈالرز سے زیادہ میں فروخت ہوئی تھی
نیلامی کرنے والی کمپنی نے کہا کہ یہ صرف دعوت نامے کی بنیاد پر ہونے والی نیلامی تھی، جو 5 مئی کو جرمنی کے شہر سٹٹگارٹ کے مرسڈیز بینز میوزیم میں ہوئی
آر ایم سودتھبی کے مطابق یہ کار مرسڈیز بینز ریسنگ ڈپارٹمنٹ کی جانب سے بنائے گئے صرف دو پروٹوٹائپز میں سے ایک ہے اور اس کا نام اس کے بنانے والے چیف انجینیئر روڈولف اوہلن ہاٹ کے نام پر رکھا گیا ہے
انہوں نے کہا کہ ’پرائیویٹ خریدار نے اس بات پر اتفاق کیا ہے کہ 300 ایس ایل آر اوہلن ہاٹ کوپ اہم مواقع پر عوامی نمائش کے لیے دستیاب رہے گی جبکہ دوسری اوریجنل ایس ایل آر کوپ کار کمپنی کی ملکیت میں ہے اور سٹٹگارٹ کے مرسڈیز بینز میوزیم میں نمائش کے لیے موجود رہے گی‘
آر ایم سودتھبے نے کہا کہ نیلامی سے حاصل ہونے والی رقم کا استعمال دنیا بھر میں مرسڈیز بینز فنڈ قائم کرنے کے لیے کیا جائے گا، جو ماحولیاتی سائنس اور ڈی کاربونائزیشن ریسرچ کے لیے فنڈ فراہم کرے گا.
