دنیا کی معروف کاسمیٹکس کمپنیوں میں سے ایک ریولان نے کئی دہائیوں کے بعد گزشتہ دنوں امریکہ میں دیوالیہ پن کے لیے درخواست دائر کر دی ہے
اس کے ایگزیکٹوز نے یقین دلایا کہ قرض کی تنظیم نو کا عمل اسے اپنے کام بند کیے بغیر مارکیٹ کی خدمت جاری رکھنے کی اجازت دے گا
کمپنی کی سی ای او ڈیبرا پیریل مین نے کہا ”آج کا بیان ریولان کو اپنے صارفین کو وہ مشہور مصنوعات پیش کرنے کی اجازت دے گا، جو ہم نے کئی دہائیوں سے فراہم کی ہیں، ساتھ ہی ساتھ ہمیں اپنی مستقبل کی ترقی کے لیے ایک واضح راستہ بھی فراہم کیا جائے گا“
کمپنی نے اعلان کیا کہ عدالتوں کی منظوری حاصل کرنے کے بعد وہ اپنی پیداوار جاری رکھنے کے لیے اپنے فنانسرز سے 575 ملین امریکی ڈالر تک رسائی حاصل کرے گی
واضح رہے کہ اس سال کی ابتدا میں ریولان نے خبردار کیا تھا کہ اسے مسلسل عالمی چیلنجز، بشمول سپلائی چین میں خلل اور بڑھتی ہوئی افراط زر کی وجہ سے سرمائے تک رسائی میں رکاوٹوں کا سامنا ہے
مارچ کے آخر میں اس کمپنی پر 3.3 ارب امریکی ڈالر کا طویل مدتی قرض تھا اور پچھلے ہفتے اس کے دیوالیہ ہونے کی خبروں کی وجہ سے اس کے حصص کی قیمت میں گراوٹ بھی دیکھی گئی
اس وقت ریولان کی مصنوعات ڈیڑھ سو سے زائد ممالک میں فروخت ہوتی ہیں، حالانکہ مارکیٹ میں اس کی پوزیشن کو واضح دھچکا لگا ہے۔ دنیا کی سرفہرست کاسمیٹکس برانڈز میں سے ایک ہونے سے اب یہ بائیسویں نمبر پر آ چکا ہے
اس مشہور برانڈ کے دیوالیہ ہونے کے اعلان کے پیچھے یہ چند وجوہات ہیں۔
نئے حریفوں کا ظہور
1990ع کی دہائی میں جب کمپنی صارفین کی ترجیحات کو تبدیل کرنے میں ناکام رہی تو اس نے پھر چمکدار سرخ کے بجائے ہلکے لپ اسٹک شیڈز کا رخ کیا
اس خلا نے ایسے مواقع کھولے جن سے ان کے حریف فائدہ اٹھانا جانتے تھے۔
ریولان نے نہ صرف روایتی حریفوں بلکہ مشہور شخصیات جیسے کہ ریحانہ فینٹی بیوٹی یا کیلی جینر کیلی کاسمیٹک کے ذریعے کارفرما نئے برانڈز کے بڑھنے سے مارکیٹ شیئر کھونا شروع ہوئی۔
سپلائی چین کے مسائل
اس کے علاوہ ریولان نے دعویٰ کیا کہ سپلائی چین میں رکاوٹیں کاسمیٹکس میں استعمال ہونے والے اجزا کے لیے شدید مسابقت کا باعث بنتی ہیں۔
اس صورتحال کا سامنا کرتے ہوئے سپلائرز نے درخواست کی کہ آرڈرز کو پیشگی ادائیگی کی جائے۔
امریکی عدالتوں میں دیوالیہ پن کی فائل کی گئی تفصیلات کے مطابق ریولن کی تنظیم نو کے ڈائریکٹر رابرٹ کیروسو نے کہا ہے کہ کمپنی کے پورٹ فولیو میں ضروری اجزا کی کمی ہوئی ہے۔
`مثال کے طور پر ریولان لپ سٹک کی ایک ٹیوب کے لیے 35 سے 40 خام مال اور اجزا کی ضرورت ہوتی ہے جن میں سے ہر ایک مصنوعات کو مارکیٹ میں لانے کے لیے اہم ہے۔
اس کے علاوہ 2020 میں اس کی فروخت میں 21 فیصد کمی ہوئی اور اگرچہ گذشتہ سال کے دوران یہ 9.2 فیصد تک بحال ہوئی۔
تاہم ریولان کی آمدنی اب بھی تقریباً 2.4 بلین امریکی ڈالر ہے جو اس نے کوویڈ 19 کی آمد سے پہلے رجسٹر کی تھی۔
ایک بین الاقوامی برانڈ
ریولان کی بنیاد 1932 میں بھائی چارلس اور جوزف ریوسن نے چارلس لچمن کے ساتھ مل کر رکھی تھی۔
جلد ہی اس نے نیل پالش فروخت کرنا شروع کر دی اور 1950 کی دہائی کے وسط تک یہ ایک بین الاقوامی برانڈ بن گیا۔
1970 میں اس نے ایک سیاہ فام ماڈل ساؤمی سمس کی خدمات حاصل کرنے والی پہلی بیوٹی کمپنی بن کر نسلی رکاوٹوں کو توڑا۔
اگلی دہائی میں ریولان نے اپنی اشتہاری مہموں کے لیے قائم شدہ ماڈلز اور ابھرتے ہوئے ستاروں دونوں کو ٹیپ کر کے بیوٹی مارکیٹ کو ہلا کر رکھ دیا۔ جس میں آئی ایم اے این، سنڈی کرافورڈ اور کلاڈیا شیفر جیسی ماڈلز شامل تھیں۔ 1985 میں اسے ارب پتی بزنس مین رونالڈ پیریل مین کی فرم میک اینڈریوز اینڈ فوربس نے خریدا۔
