تین صدیوں میں ملنے والے سب سے بڑے گلابی ہیرے کی کہانی

افریقی ملک انگولا کی ایک کان سے ایک چونتیس گرام وزن کا گلابی ڈائمنڈ کا ہیرا ملا ہے، جس کے بارے میں خیال کیا جاتا ہے کہ یہ تین سو سالوں میں دریافت ہونے والا سب سے بڑا ہیرا ہے

ایک سو ستر قیراط کا یہ پتھر، جسے لولو روز کا نام دیا گیا ہے، افریقی ملک انگولا کی ایک کان سے نکلا ہے

یہ خیال ظاہر کیا جا رہا ہے کہ یہ گذشتہ تین صدیوں میں دریافت ہونے والا سب سے بڑا گلابی ہیرا ہے۔ اس سے پہلے 185 قیراط کا ہیرا دریائے نور تھا، جو ایک بڑے پتھر سے نکالا گیا تھا اور اب وہ ایرانی شاہی جواہرات میں شامل ہے

لولو روز ٹائپ ٹو اے ڈائمنڈ میں شامل ہے، جس کا مطلب ہے اس میں آلودگی یا میل تھوڑی سی ہے یا بالکل بھی نہیں ہے

اس حوالے سے انگولا کے وزیر برائے معدنی ذخائر ڈئامنٹینو ازیویڈو کا کہنا ہے کہ شاندار گلابی ڈائمنڈ جو کہ لولو سے نکالا گیا ہے، انگولا کو دنیا کے ایک اہم ملک کے طور پر دکھا رہا ہے

یہ لولو نامی کان سے نکلنے والا پانچواں بڑا ہیرا ہے۔ یہ آسٹریلیا کی کمپنی لوکاپا ڈائمنڈ کمپنی اور انگولا کی حکومت کا مشترکہ منصوبہ تھا

ماضی میں اسی طرح کے ہیرے کروڑوں ڈالرز میں فروخت ہوئے ہیں۔ ان میں سے ایک پنک اسٹار تھا، جو سنہ 2017ع میں ہانگ کانگ میں نیلامی میں 71 ملین میں فروخت ہوا تھا

جوہرات کے ایک ماہر کا کہنا ہے کہ ”ابھی یہ بتانا قبل از وقت ہے کہ لولو روز کی قیمت کیا ہوگی“

واضح رہے کہ گلابی ہیرا بہت ہی نایاب ہوتا ہے، لیکن اس کی ساخت جو کہ اسے نایاب بناتی ہے وہ اس کے لیے ایک مشکل بھی ہے، کیونکہ اس کو کسی شکل میں ڈھالنا آسان کام نہیں

ہارڈی کا کہنا ہے کہ اس پتھر کو لوگوں کے سامنے لائے جانے کا امکان نہیں کیونکہ ریٹریلرز کے پاس گاہک ہیں، جو اس غیر معمولی دریافت شدہ ہیرے کے منتطر ہیں

سب سے بڑا گلابی ہیرا دریائے نور ہندوستان میں دریافت ہوا تھا، جس کے بارے میں ماہرین کا خیال ہے کہ یہ ایک بڑے پتھر سے کاٹا گیا تھا

دنیا میں 1905ع میں کسی بھی رنگ میں اب تک سامنے آنے والا سب سے بڑا ہیرا ’سولینان ڈائمنڈ‘ تھا جو جنوبی افریقہ میں ملا تھا

3107 قیراط کے وزن کا حامل ہیرا، جو کہ آدھ کلو سے زیادہ بنتا ہے، اسے 105 ہیروں میں کاٹا گیا تھا

اس میں سے سب سے بڑا ہیرا ’سولینن ون‘ ہے، جو کے کٹے ہوئے ہیروں میں دنیا کا سب سے بڑا ہیرا ہے اور یہ برطانوی تاج کے جواہرات کا حصہ ہے۔