ﺣﮑﻮﻣﺖ ﻧﮯ ﻣﻠﮏ ﺑﮭﺮ ﻣﯿﮟ 26 ﻧﻮﻣﺒﺮ ﺳﮯ 10 ﺟﻨﻮﺭﯼ ﺗﮏ ﺗﻌﻠﯿﻤﯽ ﺍﺩﺍﺭﮮ ﺑﻨﺪ ﮐﺮﻧﮯ ﮐﺎ ﺍﻋﻼﻥ ﮐﺮ دیا ہے
تفصیلات کے مطابق ﻭﻓﺎﻗﯽ ﻭﺯﯾﺮ ﺗﻌﻠﯿﻢ ﺷﻔﻘﺖ ﻣﺤﻤﻮﺩ ﮐﯽ ﺳﺮﺑﺮﺍﮨﯽ ﻣﯿﮟ تمام صوبائی ﻭﺯﺭﺍﺋﮯ ﺗﻌﻠﯿﻢ ﮐﺎ ﺍﺟﻼﺱ منعقد ﮨﻮﺍ، ﺟﺲ ﻣﯿﮟ ﮐﻮﺭﻭﻧﺎ ﮐﯿﺴﺰ ﮐﯽ ﺻﻮﺭﺗﺤﺎﻝ ﮐﺎ ﺟﺎﺋﺰﮦ ﻟﯿﺎ ﮔﯿﺎ
ﺍﺟﻼﺱ ﮐﮯ ﺑﻌﺪ ﻣﯿﮉﯾﺎ ﺳﮯ ﮔﻔﺘﮕﻮ ﮐﺮﺗﮯ ﮨﻮﺋﮯ وفاقی وزیر تعلیم ﺷﻔﻘﺖ ﻣﺤﻤﻮﺩ نے کہا ﮐﮧ 26 ﻧﻮﻣﺒﺮ ﺳﮯ ﺍﺳﮑﻮﻝ، ﮐﺎﻟﺠﺰ، ﯾﻮﻧﯿﻮﺭﺳﭩﯿﺰ ﺍﻭﺭ ﭨﯿﻮﺷﻦ ﺳﯿﻨﭩﺮﺯ ﮐﻮ ﺑﻨﺪ ﮐﺮﻧﮯ ﮐﺎ ﻓﯿﺼﻠﮧ ﮐﯿﺎ ﮔﯿﺎ ﮨﮯ۔
وفاقی وزیر تعلیم نے کہا ﮐﮧ 26 ﻧﻮﻣﺒﺮ ﺳﮯ 24 ﺩﺳﻤﺒﺮ ﺗﮏ تمام ﺗﻌﻠﯿﻤﯽ ﺍﺩﺍﺭﮮ ﺑﻨﺪ ﺭﮐﮭﯿﮟ ﺟﺎﺋﯿﮟ ﮔﮯ جب کہ 25 ﺩﺳﻤﺒﺮ ﺳﮯ 10 ﺟﻨﻮﺭﯼ ﺗﮏ تعلیمی اداروں میں ﻣﻮﺳﻢ ﺳﺮﻣﺎ ﮐﯽ ﺗﻌﻄﯿﻼﺕ ﮨﻮﮞ ﮔﯽ، ﺟﺲ ﮐﮯﺑﻌﺪ 11 ﺟﻨﻮﺭﯼ ﺳﮯ ﺗﻌﻠﯿﻤﯽ ﺍﺩﺍﺭﮮ ﺩﻭﺑﺎﺭﮦ ﮐﮭﻮﻟﯿﮟ ﮔﮯ
ﺍن کا کہنا تھا ﮐﮧ ﺟﮩﺎﮞ ﺍٓﻥ ﻻﺋﻦ ﻧﻈﺎﻡ موجود ﮨﮯ ﻭﮨﺎﮞ ﺍٓﻥ ﻻﺋﻦ ﺗﻌﻠﯿﻢ ﮐﺎ ﺳﻠﺴﻠﮧ ﺟﺎﺭﯼ ﺭﮨﮯ ﮔﺎ ﺍﻭﺭ ﺟﮩﺎﮞ ﺍٓﻥ ﻻﺋﻦ ﻧﻈﺎﻡ ﻧﮩﯿﮟ ﮨﻮﮔﺎ ﻭﮨﺎﮞ ﺍﺳﺎﺗﺬﮦ ﮨﻮﻡ ﻭﺭﮎ ﺩﯾﮟ ﮔﮯ، ﺟﺐ ﮐﮧ ﺍﺱ ﺣﻮﺍﻟﮯ ﺳﮯ مزید ﻓﯿﺼﻠﮯ ﺻﻮﺑﺎﺋﯽ ﺣﮑﻮﻣﺘﯿﮟ ﮐﺮﯾﮟ ﮔﯽ
امتحانات کے حوالے سے انہوں نے کہا ﮐﮧ ﺩﺳﻤﺒﺮ ﻣﯿﮟ ﮨﻮﻧﮯ ﻭﺍﻟﮯ ﺗﻤﺎﻡ ﺍﻣﺘﺤﺎﻧﺎﺕ ﮐﻮ 15 ﺟﻨﻮﺭﯼ ﺗﮏ ﻣﻠﺘﻮﯼ ﮐﺮﺩﯾﺎ ﮔﯿﺎ ﮨﮯ، ﺗﺎﮨﻢ ﺍﻧﭩﺮﯼ ﻟﯿﻮﻝ ﮐﮯ ﺍﻣﺘﺤﺎﻧﺎﺕ ﺭﻭﭨﯿﻦ ﮐﮯ مطابق ﺍﯾﺲ ﺍﻭ ﭘﯿﺰ ﮐﮯ ﺳﺎﺗﮫ ﻣﻨﻌﻘﺪ کیے جائیں گے، ﺟﺐ ﮐﮧ ﯾﻮﻧﯿﻮﺭسٹیوں ﮐﮯ ﮨﺎسٹل ﻣﯿﮟ ﺩﻭﺭ ﺩﺭﺍﺯ ﻋﻼﻗﻮﮞ ﺳﮯ ﺍٓﻧﮯ ﻭﺍﻟﮯ ﺍﯾﮏ ﺗﮩﺎﺋﯽ ﻃﻠﺒﮧ ﮐﻮ ﺭﮨﻨﮯ ﮐﯽ ﺍﺟﺎﺯﺕ ﮨﻮﮔﯽ
شفقت محمود ﻧﮯ ﻣﺰﯾﺪ ﮐﮩﺎ ﮐﮧ ﺟﻨﻮﺭﯼ ﮐﮯ ﭘﮩﻠﮯ ﮨﻔﺘﮯ ﻣﯿﮟ ﺍﯾﮏ ﺭﯾﻮﯾﻮ ﺳﯿﺸﻦ ﮨﻮﮔﺎ، ﺟﺲ ﻣﯿﮟ کورونا وائرس وبا ﮐﯽ ﺻﻮﺭﺗﺤﺎﻝ ﮐﻮ ﺩﯾﮑﮭﺎ ﺟﺎﺋﮯ ﮔﺎ ﺍﻭﺭ ﺍﺱ ﮐﮯ ﻣﻄﺎﺑﻖ ﻓﯿﺼﻠﮧ ﮐﯿﺎ ﺟﺎئے گا ﺍﻭﺭ 11 ﺟﻨﻮﺭﯼ ﮐﻮ ﺗﻌﻠﯿﻤﯽ ﺍﺩﺍﺭﮮ ﺩﻭﺑﺎﺭﮦ ﮐﮭﻞ ﺟﺎﺋﯿﮟ ﮔﮯ
ﻭﺯﯾﺮ ﺗﻌﻠﯿﻢ ﮐﺎ ﮐﮩﻨﺎ ﺗﮭﺎ ﮐﮧ ایسے ﻭﻭﮐﯿﺸﻨﻞ ﺍﻧﺴﭩﯽ ﭨﯿﻮﭦ ﺟﻦ ﻣﯿﮟ ﺭﻭﺯﺍﻧﮧ ﮐﻼﺳﺰ ﻧﮩﯿﮟ ﮨﻮﺗﯿﮟ، ﻭﮦ ﭼﻠﺘﮯ ﺭﮨﯿﮟ ﮔﮯ ﺟﺐ ﮐﮧ ﺳﯿﻨﺌﺮ ﻣﯿﮉﯾﮑﻠﺰ ﮐﯽ ﭨﺮﯾﻨﻨﮕﺰ بھی ﺟﺎﺭﯼ ﺭﮨﯿﮟ ﮔﯽ۔
بورڈ کے امتحانات کے بارے میں ﺷﻔﻘﺖ ﻣﺤﻤﻮﺩ کا کہنا تھا ﮐﮧ اس حوالے سے ہم ﺳﻔﺎﺭﺵ ﮐﺮﺭﮨﮯ ﮨﯿﮟ کہ ﺑﻮﺭﮈ ﮐﮯ ﺟﻮ ﺍﻣﺘﺤﺎﻧﺎﺕ ﻣﺎﺭﭺ ﯾﺎ ﺍﭘﺮﯾﻞ ﻣﯿﮟ ﮨﻮﻧﺎ ﺗﮭﮯ، ﺍﻧﮩﯿﮟ ﻣﺌﯽ ﺟﻮﻥ ﻣﯿﮟ ﻟﮯ ﺟﺎﯾﺎ ﺟﺎﺋﮯ ﺗﺎﮐﮧ ﺗﻌﻠﯿﻤﯽ ﺍﺩﺍﺭﮮ کھلنے کے بعد ﻃﻠﺒﮧ ﮐﻮ ﮐﻮﺭﺱ ﻭﺭﮎ ﻣﮑﻤﻞ ﮐﺮﻧﮯ ﮐﺎ ﻭﻗﺖ ﻣﻞ سکے، ﯾﮧ ﺑﮭﯽ ﺗﺠﻮﯾﺰ ﮨﮯ ﮐﮧ ﻧﯿﺎ ﺗﻌﻠﯿﻤﯽ ﺳﺎﻝ ﺍﭘﺮﯾﻞ ﮐﮯ ﺑﺠﺎﺋﮯ ﺍﮔﺴﺖ ﺗﮏ ﻟﮯ ﺟﺎﯾﺎ ﺟﺎﺋﮯ ﺍﻭﺭ ﮔﺮﻣﯿﻮﮞ ﮐﯽ ﭼﮭﭩﯿﺎﮞ ﮐﻢ ﮐﺮﺩﯼ ﺟﺎﺋﯿﮟ ﺗﺎﮐﮧ ﺗﻌﻠﯿﻢ کو پہنچنے والے نقصان کا ازالہ ﮐﯿﺎ جا ﺳﮑﮯ۔
