مصنوعی ذہانت نے ٹیکنالوجی کے حوالے سے دنیا میں غیرمعمولی انقلاب کے دروازے کھول دیے ہیں۔ حالیہ دنوں میں سب سے زیادہ استعمال ہونے والی ایپلیکیشنز میں سے ایک چیٹ جی پی ٹی ہے
اس ایپ کو ’اوپن اے آئی‘ کمپنی نے 30 نومبر 2022 کو لانچ کیا تھا۔ اس کا بنیادی ہدف روایتی سرچ انجنوں سے ہٹ کر صارفین کو ان کی مطلوبہ معلومات فراہم کرنا ہے
یہ ایک طرح کا روبوٹ ہے، جسے مصنوعی ذہانت کی ٹیکنالوجی استعمال کرتے ہوئے تیار کیا گیا ہے۔ یہ پروگرام مختلف زبانوں میں صارفین کے سوالات کے جوابات چند سیکنڈوں میں فراہم کرتا ہے
چیٹ جی پی ٹی نے بہت سے شعبوں کے امور کو آسان بنا دیا ہے۔ اس کی مدد سے طالب علم اپنے ریاضی، فزکس اور دیگر مضامین کے مسائل بھی فوری طور پرحل کر سکتے ہیں
اس کے علاوہ مکالمے لکھنے یا ناول نگاری کے لیے مضامین کی تحریر ہو یا کوئی ویب سائٹ ڈیزائن کرانے کے لیے کوڈنگ کا حصول ہو، چیٹ جی پی ٹی کے ذریعے اسے سیکنڈوں میں حل کیا جا سکتا ہے
جی پی ٹی کو صارفین کے ساتھ چیٹ کرنے اور ان کے سوالات کا تفصیلی جواب دینے کے لیے ڈیزائن کیا گیا ہے، یہاں تک کہ یہ پروگرام، کی جانے والی چیٹ کو محفوظ رکھتا ہے
ذیل میں چیٹ جی پی ٹی میں رجسٹریشن کا طریقہ مرحلہ وار دیا جا رہا ہے
۔ چیٹ جی پی ٹی کی ویب سائٹ پرلاگ ان کرنے کے بعد چیٹ کو کلک کریں
۔ ہوم پیچ پر رجسٹریشن یا نیا اکاؤنٹ بنانے کی سہولت موجود ہے
۔ اکاؤنٹ بنانے کے لیے مطلوبہ معلومات فیڈ کی جائیں، جن میں نام، ایڈریس، ای میل اور پاس ورڈ شامل ہے
۔ اکاؤنٹ کنفرمیشن کے بعد یوزرکا اکاؤنٹ ایکیٹویٹ ہو جائے گا
واضح رہے کہ اوپن اے آئی کمپنی نے ابتدائی طور لانچ کیا جانے والا تجرباتی ورژن مفت رکھا ہے، تاہم ایڈوانس ورژن کی ماہانہ فیس بھی مقرر کی گئی ہے، جس میں بے شمار ایسے فیچرز ہیں، جو مفت ورژن میں نہیں
کمپنی کی جانب سے چیٹ جی پی ٹی کا مالیاتی تخمینہ 29 بلین ڈالر لگایا ہے۔ تاہم گوگل بھی میدان عمل میں اُتر چکی ہے، جو اس کی ایک بڑی حریف بن کر سامنے آئی ہے
اس پروگرام کے لانچ ہوتے ہی پہلے مہینے میں ایک کروڑ افراد نے اس پر اکاؤنٹ بنایا ہے۔ کہا جا رہا ہے کہ یہ نئی ایپ طالب علموں کو سست بنا سکتی ہے کیونکہ وہ انہیں تمام ریسرچ ورک اور دیگر کام فوری طور پر کر کے دے سکتی ہے
ذیل میں ہم ان باتوں کا تذکرہ کر رہے ہیں، جن میں جی پی ٹی سے مدد لی جا سکتی ہے
۔ ماہرانہ مشورے حاصل کیے جاسکتے ہیں
۔ ماہرانہ ترجمے کی سہولت
۔ فزیکس، کیمسٹری اور دیگر علوم سے متعلق سوالوں کے جوابات
۔ مختلف نوعیت کے سوالوں کے براہ راست جوابات
۔ پروگراموں کے کوڈز کی تحریر اور ان کی درستی
۔ تفریح طبع کے لیے چیٹ کی سہولت
۔ مختلف امور پر بحث
۔ بے شمار موضوعات پر معلومات کا حصول
کئی لوگ یہ سوال بھی پوچھتے ہیں کہ کیا چیٹ گوگل سے بہتر ہے؟ اس سوال کا جوئی حتمی جواب انفرادی ہو سکتا ہے، تاہم چند امور کو جان کر آپ خود ہی یہ فیصلہ کر سکتے ہیں
مصنوعی ذہانت کا پروگرام چیٹ جی پی ٹی آپ کے سوال کے جو جواب دیتا ہے وہ ضروری نہیں کہ مکمل طور پر درست ہوں، اس کے برعکس گوگل جواب کے حوالے کے طور پر مختلف ویب سائٹس کے لنکس اور حاصل کی گئی متعلقہ معلومات کے سورسز کے بارے میں بھی معلومات مہیا کرتا ہے
چیٹ جی پی ٹی سے حاصل ہونے والے جوابات پر آنکھ بند کر کے بھروسہ کرنا بھی درست نہیں۔ آپ کو چاہیے کہ حاصل ہونے والے جوابات کے بارے میں خود بھی تحقیق کریں تاکہ غلطی کا امکان نہ رہے۔ اس کے برعکس گوگل مختلف ذرائع کو بھی کوڈ کرتا ہے، جہاں سے اس نے متعلقہ سوال کا جواب حاصل کیا ہے۔
